TikTok jelisinde ózin kóripkel ári emshi dep tanystyratyn Quralai Qulmyrzaeva bloger, qaiyrymdylyq qorynyń jetekshisi Yrysbala Ikrambaiǵa qatysty aýyr aiyptaýlar aitty, dep habarlaidy ult.kz.

Qulmyrzaeva blogerdiń záýlim úii oǵan baqyt ákelmeitinin, kerisinshe qiyndyqtarǵa sebep bolatynyn boljaǵan. Alaida bul – onyń jeke paiymy, mundai boljamnyń naqty negizi kórsetilmegen.

Sondai-aq ol Yrysbalany qaiyrymdylyqqa jinalǵan halyqtyń qarajatyna 700 sharshy metrlik úi saldy dep aiyptady. Muqtaj otbasylarǵa berilgen baspanalardyń sapasyn da synap, blogerdiń ózine úlken úi alǵanyn alǵa tartty.

Aita keteiik, Yrysbala Ikrambai mekteptegi aqsha jinaý máselesine pikir bildirdi. 

Yrysbala Ikrambai kim?

Yrysbala Ikrambai – qazaqstandyq bloger, qaiyrymdylyq bastamalarymen tanylǵan tulǵa. Ol áleýmettik jeli arqyly qarajat jinap, muqtaj otbasylarǵa kómek kórsetý jáne baspana alýǵa járdemdesý jumystaryn uiymdastyrǵan. Sondai-aq “Yrysty” qoǵamdyq qaiyrymdylyq qorynyń jumysyna atsalysqan. 

Yrysbala áleýmettik jelidegi paraqshasynda qaiyrymdylyq sharalary týraly aqparatpen qatar, kúndelikti ómir men qoǵamdaǵy túrli máselelerge qatysty pikirlerin jariialaidy. Onyń jazbalarynda otbasy, bala tárbiesi jáne ózara kómek taqyryptary qozǵalady.