Қазақстан Республикасы Орталық сайлау комиссиясы Гүлнар Тойлыбаеваны Қазақстан Республикасы Құрылтайының депутаты ретінде тіркеу туралы қаулы қабылдады, деп хабарлайды ult.kz.
Бүгін Орталық сайлау комиссиясының төрағасы Нұрлан Әбдіров депутатқа куәлік пен омырауға тағатын белгі табыстады.
Ол бұған дейін «Әділет» партиясының Саяси кеңесі Бюросының шешімі Орталық сайлау комиссиясына жолданғанына тоқталды. Аталған шешімге сәйкес Қазақстан Республикасы Құрылтайы депутатының бос мандаты партиялық тізімге енгізілген Гүлнар Тойлыбаеваға берілген.
«Қазақстан Республикасының Құрылтайы және оның депутаттарының мәртебесі туралы» Қазақстан Республикасының Конституциялық заңының 44-бабына сәйкес Құрылтай депутатының өкілеттігі Орталық сайлау комиссиясы оны депутат ретінде тіркеген сәттен басталады. Сіздің мол кәсіби тәжірибеңіз елдегі заң шығару билігін жүзеге асыратын жоғары өкілді органда тиімді жұмыс істеуге мүмкіндік беретініне сенімдімін», - деді Нұрлан Әбдіров.
Еске сала кетейік, Құрылтай депутаты Татьяна Савельеваның өкілеттігі мерзімінен бұрын тоқтатылып, ол жаңа қызметке тағайындалды.
