Qazaqstan Respýblikasy Ortalyq sailaý komissiiasy Gúlnar Toilybaevany Qazaqstan Respýblikasy Quryltaiynyń depýtaty retinde tirkeý týraly qaýly qabyldady, dep habarlaidy ult.kz.
Búgin Ortalyq sailaý komissiiasynyń tóraǵasy Nurlan Ábdirov depýtatqa kýálik pen omyraýǵa taǵatyn belgi tabystady.
Ol buǵan deiin «Ádilet» partiiasynyń Saiasi keńesi Biýrosynyń sheshimi Ortalyq sailaý komissiiasyna joldanǵanyna toqtaldy. Atalǵan sheshimge sáikes Qazaqstan Respýblikasy Quryltaiy depýtatynyń bos mandaty partiialyq tizimge engizilgen Gúlnar Toilybaevaǵa berilgen.
«Qazaqstan Respýblikasynyń Quryltaiy jáne onyń depýtattarynyń mártebesi týraly» Qazaqstan Respýblikasynyń Konstitýtsiialyq zańynyń 44-babyna sáikes Quryltai depýtatynyń ókilettigi Ortalyq sailaý komissiiasy ony depýtat retinde tirkegen sátten bastalady. Sizdiń mol kásibi tájiribeńiz eldegi zań shyǵarý biligin júzege asyratyn joǵary ókildi organda tiimdi jumys isteýge múmkindik beretinine senimdimin», - dedi Nurlan Ábdirov.
Eske sala keteiik, Quryltai depýtaty Tatiana Savelevanyń ókilettigi merziminen buryn toqtatylyp, ol jańa qyzmetke taǵaiyndaldy.
