«Қазгидромет» РМК 24 қыркүйекке арналған дауылды ескертулерді жариялады. Бірқатар өңірде қатты жел, жаңбыр, найзағай, тұман және шаңды дауыл күтіледі. Сонымен қатар бірнеше облыста жоғары және төтенше өрт қаупі сақталады, деп хабарлайды ult.kz.
Жетісу облысында 24 қыркүйекте төтенше өрт қаупі сақталады. Талдықорған қаласында да осы қауіп бар. Күндіз облыстың шығысында солтүстік-шығыстан соғатын желдің екпіні 15-20 м/с-қа дейін жетеді.
Астанада 24 қыркүйекте жоғары өрт қаупі сақталады. Алматыда төтенше өрт қаупі күтіледі. Шымкентте бұл қауіп 24-25 қыркүйекте сақталады.
Қостанай облысының солтүстігі мен шығысында 24 қыркүйек күндіз жаңбыр, найзағай күтіледі. Түнде және таңертең облыстың батысы мен солтүстігінде тұман түседі. Күндіз солтүстік пен шығыста желдің екпіні 15-20 м/с болады.
Түркістан облысының таулы аудандарында 24 қыркүйекте және 25 қыркүйек күндіз жаңбыр, найзағай күтіледі. 24-25 қыркүйекте күндіз облыстың солтүстігінде шаңды дауыл соғуы мүмкін. Солтүстік-шығыстан соғатын желдің екпіні 15-20 м/с-қа жетеді. Өңірде төтенше өрт қаупі сақталады. Түркістан қаласында да 24-25 қыркүйекте желдің екпіні 15-20 м/с болады.
Қызылорда облысының солтүстігі, шығысы мен орталығында 24-26 қыркүйекте күндіз шаңды дауыл күтіледі. Жел солтүстік-шығыстан соғып, екпіні 15-20 м/с-қа дейін жетеді. Облыста төтенше өрт қаупі сақталады. Қызылорда қаласында да шаңды дауыл мен қатты жел күтіледі.
Жамбыл облысының таулы аудандарында 24 қыркүйек күндіз жаңбыр, найзағай күтіледі. Солтүстік-шығыстан соғатын желдің екпіні облыстың солтүстік-шығысы мен таулы аудандарында 15-20 м/с болады. Төтенше өрт қаупі сақталады. Таразда да осы қауіп бар.
Алматы облысының тау бөктері мен таулы аудандарында 24 қыркүйек күндіз жаңбыр, найзағай күтіледі. Облыста төтенше өрт қаупі, оңтүстігі мен шығысында жоғары өрт қаупі сақталады. Қонаевта төтенше өрт қаупі бар. Іле Алатауында, Алматы қаласының Медеу және Бостандық аудандарының таулы аймақтарында да жаңбыр мен найзағай күтіледі.
Ақмола облысының батысы мен солтүстігінде 24 қыркүйек күндіз жаңбыр, найзағай, түнде және таңертең тұман күтіледі. Өңірдің шығысы мен орталығында жоғары, солтүстігінде төтенше өрт қаупі сақталады. Батысы мен оңтүстігінде төтенше өрт қаупі күтіледі. Көкшетауда төтенше өрт қаупі сақталады.
Павлодар облысының батысы мен орталығында 24 қыркүйек түнде және таңертең тұман түседі. Облыста жоғары өрт қаупі сақталады.
Маңғыстау облысының солтүстігі мен орталығында 24 қыркүйекте шаңды дауыл күтіледі. Оңтүстік-шығыстан соғатын желдің екпіні 15-20 м/с-қа жетеді. Облыстың батысы, солтүстігі мен орталығында жоғары, солтүстік-шығысында төтенше өрт қаупі сақталады. Ақтауда жоғары өрт қаупі бар.
Батыс Қазақстан облысында 24 қыркүйекте оңтүстік-шығыстан жел соғып, күндіз облыстың солтүстік-батысы, батысы мен оңтүстігінде оның екпіні 15-20 м/с болады.
Ақтөбе облысында оңтүстік-шығыстан жел соғады. Күндіз оңтүстік пен шығыста желдің екпіні 15-18 м/с-қа дейін жетеді. Облыстың шығысында жоғары өрт қаупі күтіледі. Батысы, оңтүстігі, солтүстік-шығысы мен орталығында төтенше өрт қаупі сақталады.
Солтүстік Қазақстан облысында 24 қыркүйекте жаңбыр, найзағай күтіледі. Түнде және таңертең кей жерлерде тұман түседі. Солтүстік-батыстан және солтүстіктен соғатын желдің күндізгі екпіні 15-20 м/с болады. Петропавлда да жаңбыр, найзағай, тұман және қатты жел күтіледі.
Атырау облысының батысы мен оңтүстігінде 24 қыркүйек күндіз шаңды дауыл соғады. Оңтүстік-шығыстан соғатын желдің екпіні 15-18 м/с болады. Облыстың шығысы мен солтүстігінде жоғары, оңтүстігінде төтенше өрт қаупі сақталады. Атырау қаласында да шаңды дауыл мен қатты жел күтіледі.
Қарағанды облысының оңтүстігі мен шығысында 24 қыркүйек түнде және таңертең жаңбыр, найзағай күтіледі. Солтүстігі мен шығысында тұман түседі. Солтүстік-шығыстан соғатын желдің екпіні 15-20 м/с болады. Бірқатар ауданда жоғары және төтенше өрт қаупі сақталады. Қарағанды қаласында төтенше өрт қаупі бар.
Ұлытау облысында солтүстік-шығыстан соғатын желдің екпіні 15-20 м/с болады. Облыста төтенше өрт қаупі сақталады. Жезқазғанда да осы қауіп бар.
Шығыс Қазақстан облысының солтүстігі, шығысы мен оңтүстігінде жаңбыр, найзағай, түнде және таңертең солтүстігінде тұман күтіледі. Облыстың батысы мен шығысында жоғары, оңтүстік-шығысы мен оңтүстігінде төтенше өрт қаупі сақталады.
Абай облысының оңтүстігінде 24 қыркүйек түнде жаңбыр, найзағай күтіледі. Солтүстігінде түнде және таңертең тұман болады. Облыстың солтүстігінде жоғары, солтүстік-батысы, оңтүстігі мен шығысында төтенше өрт қаупі сақталады. Семей қаласында жоғары өрт қаупі жарияланды.
