Елордада тұрғын үй кешенінен өрт шығып, 20 адам қауіпсіз жерге шығарылды, деп хабарлайды "Ұлт ақпарат".
«16 сәуір күні сағат 21:06-да елорданың 101 пультіне «Отандастар» тұрғын үй кешенінде өрт шыққаны туралы хабар келіп түсті. Дереу оқиға орнына жеке құрамнан 14 адам және Нұр-Сұлтан қаласы ТЖД-ның 3 өрт сөндіруші көлігі жіберілді. Төтенше жағдай қызметкерлері барып жеткен сәтте 1-6 қабат аралығында қабырға жабындысының астындағы жылу сақтағыш материал өртеніп жатқаны анықталды» делінген хабарламада.
Мәліметке сай, 21:43-те өрт ауыздықталып, 21:48 толық сөндірілді. Жалын 40 шаршы метр жерді шарпыған.
Сондай-ақ, подъезден 20 адам қауіпсіз жерге шығарылды. Жапа шеккендер мен жарақат алғандар жоқ.
