Elordada turǵyn úi kesheninen órt shyǵyp, 20 adam qaýipsiz jerge shyǵaryldy, dep habarlaidy "Ult aqparat".
«16 sáýir kúni saǵat 21:06-da elordanyń 101 pýltine «Otandastar» turǵyn úi kesheninde órt shyqqany týraly habar kelip tústi. Dereý oqiǵa ornyna jeke quramnan 14 adam jáne Nur-Sultan qalasy TJD-nyń 3 órt sóndirýshi kóligi jiberildi. Tótenshe jaǵdai qyzmetkerleri baryp jetken sátte 1-6 qabat aralyǵynda qabyrǵa jabyndysynyń astyndaǵy jylý saqtaǵysh material órtenip jatqany anyqtaldy» delingen habarlamada.
Málimetke sai, 21:43-te órt aýyzdyqtalyp, 21:48 tolyq sóndirildi. Jalyn 40 sharshy metr jerdi sharpyǵan.
Sondai-aq, podezden 20 adam qaýipsiz jerge shyǵaryldy. Japa shekkender men jaraqat alǵandar joq.
