Қазақстандық Елена Рыбакина үздік қырық теннисшінің қатарына енді, деп хабарлайды "Ұлт ақпарат".
Бүгін жаңартылған дүниежүзілік рейтингте 20 жасар теннисші 43-тен 37-орынға көтерілді.
Бұған Рыбакинаның Люксембургте табысты өнер көрсетіп, жартылай финалға дейін жетуі мүмкіндік берді.
Биыл қарқынын үдете түскен Елена рейтингте Қазақстанның бірінші ракеткасы Юлия Путинцеваға жақындап келеді. Ю.Путинцева 34-сатыда тұр.
Тағы бір қазақстандық Зарина Дияс 78-ден 79-ға сырғыды.
Еске сала кетейік, бұдан бұрын Рыбакинаның Люксембург турнирінің финалына шыға алмағанын, ал А.Бубликтің Венада негізгі жарысқа өтпегенін жазған болатынбыз.
Сондай-ақ, осы аптада қазақстандық Михаил Кукушкин Вена додасында өнер көрсетеді. Ол алғашқы айналымда хорватиялық Борна Чоричпен күш сынасады.
