قازاقستاندىق ەلەنا رىباكينا ٷزدٸك قىرىق تەننيسشٸنٸڭ قاتارىنا ەندٸ, دەپ حابارلايدى "ۇلت اقپارات".
بٷگٸن جاڭارتىلعان دٷنيەجٷزٸلٸك رەيتينگتە 20 جاسار تەننيسشٸ 43-تەن 37-ورىنعا كٶتەرٸلدٸ.
بۇعان رىباكينانىڭ ليۋكسەمبۋرگتە تابىستى ٶنەر كٶرسەتٸپ, جارتىلاي فينالعا دەيٸن جەتۋٸ مٷمكٸندٸك بەردٸ.
بيىل قارقىنىن ٷدەتە تٷسكەن ەلەنا رەيتينگتە قازاقستاننىڭ بٸرٸنشٸ راكەتكاسى يۋلييا پۋتينتسەۆاعا جاقىنداپ كەلەدٸ. يۋ.پۋتينتسەۆا 34-ساتىدا تۇر.
تاعى بٸر قازاقستاندىق زارينا ديياس 78-دەن 79-عا سىرعىدى.
ەسكە سالا كەتەيٸك, بۇدان بۇرىن رىباكينانىڭ ليۋكسەمبۋرگ تۋرنيرٸنٸڭ فينالىنا شىعا الماعانىن, ال ا.بۋبليكتٸڭ ۆەنادا نەگٸزگٸ جارىسقا ٶتپەگەنٸن جازعان بولاتىنبىز.
سونداي-اق, وسى اپتادا قازاقستاندىق ميحايل كۋكۋشكين ۆەنا دوداسىندا ٶنەر كٶرسەتەدٸ. ول العاشقى اينالىمدا حورۆاتييالىق بورنا چوريچپەن كٷش سىناسادى.
