Танымал әнші Бүркіт, шын есімі Айбек Жансейітов, “Отец” подкастында жұбайы Аишамен отбасын құрған кезін еске алды, деп хабарлайды ult.kz.

Әншінің айтуынша, ол шаңырақ көтеруге 34 жасында шешім қабылдаған. Сол уақытта Аишамен екі жылға жуық кездесіп жүрген екен. Алайда екеуі неке қидырмас бұрын бұл шешімін ата-анасына хабарламаған.

Бүркіт пен Аишаның некесі достары мен жақындарының қатысуымен қиылған. Осылайша, қос ғашық ата-анасына алдын ала ескертпестен ерлі-зайыпты атанған.

Өнер иесі подкаст барысында көпшілікке беймәлім осы оқиғамен бөлісіп, Аишамен қарым-қатынасының отбасылық өмірге қалай ұласқанын әңгімеледі.

Айта кетейік, Мейрамбек Беспаев анасынан айырылған Сәкен Майғазиевке демеу болды.

Бүркіт пен Аиша кім?

Бүркіт — қазақстандық әнші, композитор және продюсер. Оның шын есімі — Айбек Жансейітов. Ол жеке орындаушы ретінде де, жұбайы Аишамен құрған дуэті арқылы да танылған. 

Аиша — эстрада әншісі, Бүркіттің жұбайы әрі сахнадағы серігі. Оның шын есімі — Виктория Жансейітова. Өнерде Аиша есімін қолданады. Ерлі-зайыпты қазақ және орыс тілдерінде ән орындайды. Көпшілікке танылған ортақ туындыларының бірі — “Тау-тау сезім” әні.

БАҚ мәліметінше, жұп 2010 жылы шаңырақ көтерген. Бүркіт Аишаның продюсері болып, оның әншілік жолына қолдау көрсеткен. Қазір олар төрт бала тәрбиелеп отыр. Шығармашылықпен қатар, әлеуметтік желіде отбасылық өмірінен сәттер мен әзіл видеолар жариялап тұрады.