Tanymal ánshi Búrkit, shyn esimi Aibek Janseiitov, “Otets” podkastynda jubaiy Aishamen otbasyn qurǵan kezin eske aldy, dep habarlaidy ult.kz.

Ánshiniń aitýynsha, ol shańyraq kóterýge 34 jasynda sheshim qabyldaǵan. Sol ýaqytta Aishamen eki jylǵa jýyq kezdesip júrgen eken. Alaida ekeýi neke qidyrmas buryn bul sheshimin ata-anasyna habarlamaǵan.

Búrkit pen Aishanyń nekesi dostary men jaqyndarynyń qatysýymen qiylǵan. Osylaisha, qos ǵashyq ata-anasyna aldyn ala eskertpesten erli-zaiypty atanǵan.

Óner iesi podkast barysynda kópshilikke beimálim osy oqiǵamen bólisip, Aishamen qarym-qatynasynyń otbasylyq ómirge qalai ulasqanyn áńgimeledi.

Aita keteiik, Meirambek Bespaev anasynan aiyrylǵan Sáken Maiǵazievke demeý boldy.

Búrkit pen Aisha kim?

Búrkit — qazaqstandyq ánshi, kompozitor jáne prodiýser. Onyń shyn esimi — Aibek Janseiitov. Ol jeke oryndaýshy retinde de, jubaiy Aishamen qurǵan dýeti arqyly da tanylǵan. 

Aisha — estrada ánshisi, Búrkittiń jubaiy ári sahnadaǵy serigi. Onyń shyn esimi — Viktoriia Janseiitova. Ónerde Aisha esimin qoldanady. Erli-zaiypty qazaq jáne orys tilderinde án oryndaidy. Kópshilikke tanylǵan ortaq týyndylarynyń biri — “Taý-taý sezim” áni.

BAQ málimetinshe, jup 2010 jyly shańyraq kótergen. Búrkit Aishanyń prodiýseri bolyp, onyń ánshilik jolyna qoldaý kórsetken. Qazir olar tórt bala tárbielep otyr. Shyǵarmashylyqpen qatar, áleýmettik jelide otbasylyq ómirinen sátter men ázil videolar jariialap turady.