Қазақстан Тәуелсіздігіне 25 жыл

Алматыда бір топ жігіт автобус жүргізушісіне пышақпен шабуыл жасамақ болған

Алматыда бір топ жігіт автобус жүргізушісіне пышақпен шабуыл жасамақ болған


Алматыда жол бойындағы жанжал видеоға түсіп қалды.

"Жолаушылардың сөзінше, №50 автобус жүргізушісіне жеңіл көлікте отырған бір топ жігіт пышақпен шабуыл жасаған. Ал жүргізуші бұзақылар кеткенше адам толы автобустың есігін жауып тастаған", - делінген EGOV.PRESS Telegram-арнасына жарилянанған видео сипаттамасында.

Алматы полиция департаменті оқиғаның 21 сәуірде Райымбек даңғылында болғанын мәлімдеді.

"Қоғамдық көлік жүргізушісімен жанжалдасып қалған ВАЗ көлігінің жүргізушісі ұсталды. Ол - 2004 жылы туған Ж. есімді Жамбыл облысының тұрғыны.

Бұл дерек сотқа дейінгі тергеудің бірыңғай тізіліміне ҚР ҚК-нің 293-бабы ("бұзақылық") бойынша тіркелді. 

Қылмыстық іс бойынша өндіріс Жетісу аудандық ПБ-мен жүргізіліп жатыр. ҚР ҚПК-нің 201-бабына сәйкес тергеу мүддесін көздейтін өзге де мәліметтер жария етуге жатпайды", - делінген хабарламада.