تالاي ادام جول اپاتىنان قىرشىنىنان قيىلدى. تالاي ازامات مٷگەدەك بولىپ قالدى. تالاي بالا جەتٸم قالدى. بٸر قورقىنىشتىسى, جول اپاتى جىل ساناپ كەمۋ ورنىنا ارتىپ بارادى. بٸر كەزدەرٸ وسىنىڭ بەرٸ جٷرگٸزۋشٸلەردٸڭ كۋەلٸكتٸ اقشاعا ساتىپ الاتىنان بولىپ جاتىر دەدٸك. شارالار قولدانىلدى. بٸراق ودان دا اپات كٶرسەتكٸشتەرٸ كەمٸمەدٸ. بەيبٸت زاماندا جىلىنا نەشە ونمىڭداعان ادامنىڭ وپات بولۋى دابىل قاعارلىق جاعداي.
وسىعان وراي, سەناتور دۋلات قۇسدەۋلەتوۆ سەنات وتىرىسىندا ٷكٸمەت باسشىسىنىڭ اتىنا دەپۋتاتتىق ساۋال جولداپ, جولدارداعى ادام ٶلٸمٸ جەنە جاراقاتقا ۇشىراۋ پروبلەماسىنىڭ الدىن الۋدى, سونىمەن بٸرگە ٸشكٸ ٸستەر ورگانى قىزمەتكەرلەرٸنٸڭ ٶزدەرٸ جول تەرتٸبٸن بۇزۋ وقيعالارىن توقتاتۋدى تالاپ ەتتٸ.
بۇقارالىق اقپارات قۇرالدارى سۇمدىق اۆارييالار جەنە ولاردىڭ اۋىر سالدارلارى تۋرالى تاقىرىپتارعا تولى ەكەنٸن ايتقان سەناتور د.قۇسدەۋلەتوۆ مىنا مەسەلەلەرگە توقتالدى:
«قازاقستان ەكونوميكالىق ىنتىماقتاستىق جەنە دامۋ ۇيىمى دامىعان ەلدەرٸنٸڭ قاتارىنا كٸرۋگە باعىت الدى. بٸراق, بٸز بۇل ماقساتتى ٸسكە اسىرا المايمىز. سەبەبٸ, ەگەر بٸزدە 2017 جىلى جول-كٶلٸك وقيعالارىنىڭ نەتيجەسٸندە ادام ٶلٸمٸ 100 مىڭ ادامعا شاققاندا 11 جاعدايدى قۇراسا, ەكونوميكالىق ىنتىماقتاستىق جەنە دامۋ ۇيىمى دامىعان ەلدەرٸندە, مىسالى, شۆەتسييادا بۇل كٶرسەتكٸش 100 مىڭ ادامعا شاققاندا 2 ٶلٸمگە تەڭ.
...تەك جٷرگٸزۋشٸلەردٸڭ تاراپىنان عانا ەمەس, جول جٷرۋ قاۋٸپسٸزدٸگٸ ٷشٸن جاۋاپتى مەملەكەتتٸك ورگاندار مەن لاۋازىمدى ادامداردىڭ شالا جۇمىسى مۇنداي جول-كٶلٸك وقيعالارىنىڭ سەبەپتەرٸ بولىپ تابىلادى. مۇنداي كەمشٸلٸكتەر جولدارداعى بۇزۋشىلىقتارعا, جول-كٶلٸك وقيعالارىنا, جاراقاتقا ۇشىراۋعا جەنە ادام ٶلٸمٸنە ەكەپ سوعادى.
ٶيتكەنٸ مەملەكەتتٸك ورگاندار باقىلاۋ, بۇزۋشىلىقتاردى تٸركەۋ جەنە ەكٸمشٸلٸك جازا سالۋ ٷشٸن عانا ەمەس, سونىمەن قاتار پروفيلاكتيكا جٷرگٸزۋ, الدىن الۋ شارالارىن قولدانۋ جەنە جاعدايدى ۋاقتىلى كەشەندٸ رەتتەۋ ٷشٸن قۇرىلعان.
جولداردا جول-كٶلٸك وقيعالارىن جاساۋعا جيٸ قاۋٸپ تٶندٸرەتٸن بۇزۋشىلىقتاردى كٶرۋگە بولادى. بٸراق ٸشكٸ ٸستەر ورگاندارىنىڭ قىزمەتكەرلەرٸ وسىنداي قۇقىق بۇزۋشىلىقتارعا دەن قويمايدى. مىسالى, ايالداماعا تىيىم سالىنعان, جانعا تولى كٶشەدە جٷرگٸنشٸلەردٸ مٸنگٸزۋ-تٷسٸرۋ ٷشٸن قوسىلعان «اۆارييكاسىمەن» كٷرت توقتاۋ. مۇنداي توقتاۋ قازاقستان اۆتوموبيليستەرٸ ٷشٸن «دەستٷرگە» اينالىپ بارادى.
كٶبٸنەسە ٸشكٸ ٸستەر ورگاندارىنىڭ قىزمەتكەرلەرٸ توقتاۋدىڭ وسىنداي تەسٸلٸن ٶزدەرٸ قولدانادى جەنە جول جٷرۋ قاعيدالارىنىڭ باسقا دا بۇزۋشىلىقتارىن جاسايدى» .
سەناتور قازاقستان بويىنشا جەنە ەربٸر ٶڭٸردە جەكە جول-كٶلٸك وقيعالارىنىڭ كارتاسىن جاساۋدى, ال سودان سوڭ جولدىڭ قاۋٸپتٸ ۋچاسكەلەرٸندە جٷيەلٸ الدىن الۋ شارالارىن ٶتكٸزۋدٸ, قاجەتتٸ جابدىقتى ورناتۋدى ۇسىندى.
جول ەرەجەسٸن قاساقانا ٶرەسكەل بۇزۋدى ەدەتكە اينالدىرعان قۇقىق بۇزۋشىلارعا, كٶلٸكتٸ ٷلكەن جىلدامدىقپەن جٷرگٸزۋگە قۇمار جەلٸكپەلەرگە قاتىستى قاتاڭ شارالار جٷرگٸزۋ تالابىن قويعان سەناتور جول جٷرۋ قاۋٸپسٸزدٸگٸن قامتاماسىز ەتۋ سالاسىنداعى ۋەكٸلەتتٸ ورگاندار باسشىلارىنىڭ ەسەپتەرٸن قازاقستان رەسپۋبليكاسى پارلامەنتٸ سەناتىنىڭ وتىرىسىندا مٸندەتتٸ تٷردە تىڭداي وتىرىپ, ولار جٷرگٸزەتٸن كەشەندٸ جۇمىستىڭ جاي-كٷيٸ تۋرالى اقپارات بەرۋٸن تالاپ ەتتٸ.
ەدٸلبەك قابا
