Talai adam jol apatynan qyrshynynan qiyldy. Talai azamat múgedek bolyp qaldy. Talai bala jetim qaldy. Bir qorqynyshtysy, jol apaty jyl sanap kemý ornyna artyp barady. Bir kezderi osynyń bári júrgizýshilerdiń kýálikti aqshaǵa satyp alatynan bolyp jatyr dedik. Sharalar qoldanyldy. Biraq odan da apat kórsetkishteri kemimedi. Beibit zamanda jylyna neshe onmyńdaǵan adamnyń opat bolýy dabyl qaǵarlyq jaǵdai.
Osyǵan orai, senator Dýlat Qusdáýletov Senat otyrysynda Úkimet basshysynyń atyna depýtattyq saýal joldap, joldardaǵy adam ólimi jáne jaraqatqa ushyraý problemasynyń aldyn alýdy, sonymen birge ishki ister organy qyzmetkerleriniń ózderi jol tártibin buzý oqiǵalaryn toqtatýdy talap etti.
Buqaralyq aqparat quraldary sumdyq avariialar jáne olardyń aýyr saldarlary týraly taqyryptarǵa toly ekenin aitqan senator D.Qusdáýletov myna máselelerge toqtaldy:
«Qazaqstan Ekonomikalyq yntymaqtastyq jáne damý uiymy damyǵan elderiniń qataryna kirýge baǵyt aldy. Biraq, biz bul maqsatty iske asyra almaimyz. Sebebi, eger bizde 2017 jyly jol-kólik oqiǵalarynyń nátijesinde adam ólimi 100 myń adamǵa shaqqanda 11 jaǵdaidy qurasa, Ekonomikalyq yntymaqtastyq jáne damý uiymy damyǵan elderinde, mysaly, Shvetsiiada bul kórsetkish 100 myń adamǵa shaqqanda 2 ólimge teń.
...Tek júrgizýshilerdiń tarapynan ǵana emes, jol júrý qaýipsizdigi úshin jaýapty memlekettik organdar men laýazymdy adamdardyń shala jumysy mundai jol-kólik oqiǵalarynyń sebepteri bolyp tabylady. Mundai kemshilikter joldardaǵy buzýshylyqtarǵa, jol-kólik oqiǵalaryna, jaraqatqa ushyraýǵa jáne adam ólimine ákep soǵady.
Óitkeni memlekettik organdar baqylaý, buzýshylyqtardy tirkeý jáne ákimshilik jaza salý úshin ǵana emes, sonymen qatar profilaktika júrgizý, aldyn alý sharalaryn qoldaný jáne jaǵdaidy ýaqtyly keshendi retteý úshin qurylǵan.
Joldarda jol-kólik oqiǵalaryn jasaýǵa jii qaýip tóndiretin buzýshylyqtardy kórýge bolady. Biraq ishki ister organdarynyń qyzmetkerleri osyndai quqyq buzýshylyqtarǵa den qoimaidy. Mysaly, aialdamaǵa tyiym salynǵan, janǵa toly kóshede júrginshilerdi mingizý-túsirý úshin qosylǵan «avariikasymen» kúrt toqtaý. Mundai toqtaý Qazaqstan avtomobilisteri úshin «dástúrge» ainalyp barady.
Kóbinese ishki ister organdarynyń qyzmetkerleri toqtaýdyń osyndai tásilin ózderi qoldanady jáne Jol júrý qaǵidalarynyń basqa da buzýshylyqtaryn jasaidy» .
Senator Qazaqstan boiynsha jáne árbir óńirde jeke jol-kólik oqiǵalarynyń kartasyn jasaýdy, al sodan soń joldyń qaýipti ýchaskelerinde júieli aldyn alý sharalaryn ótkizýdi, qajetti jabdyqty ornatýdy usyndy.
Jol erejesin qasaqana óreskel buzýdy ádetke ainaldyrǵan quqyq buzýshylarǵa, kólikti úlken jyldamdyqpen júrgizýge qumar jelikpelerge qatysty qatań sharalar júrgizý talabyn qoiǵan senator jol júrý qaýipsizdigin qamtamasyz etý salasyndaǵy ýákiletti organdar basshylarynyń esepterin Qazaqstan Respýblikasy Parlamenti Senatynyń otyrysynda mindetti túrde tyńdai otyryp, olar júrgizetin keshendi jumystyń jai-kúii týraly aqparat berýin talap etti.
Ádilbek Qaba
