فوتو: chemtech.ru
سۋ رەسۋرستارىن تيٸمدٸ باسقارۋ شارالارىن ەزٸرلەپ, ەنگٸزۋ كٶپتەگەن ەلدەرمەن قاتار, ەلٸمٸز ٷشٸن دە اسا ماڭىزدى. بۇل تۇرعىدا سۋ رەسۋرستارى جەنە يرريگاتسييا مينيسترلٸگٸنٸڭ باستاماسىمەن ەزٸرلەنگەن جاڭا سۋ كودەكسٸ جوباسىنىڭ ماڭىزى ەرەكشە. قۇجات پارلامەنت مەجٸلٸسٸنە ەنگٸزٸلگەن جەنە سۋ تاسقىنى مەن قۇرعاقشىلىق سيياقتى تٶتەنشە جاعدايلاردى بولجاۋ, جوسپارلاۋ جەنە ولارعا ۋاقىتىلى دەن قويۋدى قامتاماسىز ەتە وتىرىپ, زاماناۋي سۋ رەسۋرستارىن پايدالانۋدىڭ ماڭىزدى قۇرالىنا اينالادى, دەپ حابارلايدى "ۇلت اقپارات" پرەمەر-مينيستردٸڭ باسپاسٶز قىزمەتٸنە سٸلتەمە جاساپ.
PrimeMinister.kz رەداكتسيياسى سۋ رەسۋرستارى مەن سۋارۋ سالاسىندا قانداي نەتيجەلەرگە قول جەتكٸزٸلدٸ, ەلٸمٸزدٸڭ سۋ زاڭناماسى قالاي جاڭعىرتىلاتىنى تۋرالى مينيسترلٸكتٸڭ 2024 جىلعى I جارتىجىلدىقتاعى جۇمىسىنىڭ قورىتىندىلارى قامتىلعان شولۋ ماتەريالىن ۇسىنادى.
قازاقستاننىڭ سۋ شارۋاشىلىعى سالاسىن ترانسفورماتسييالاۋ شەڭبەرٸندە ٷش نەگٸزگٸ باعىتتى بٶلٸپ كٶرسەتۋگە بولادى.
بٸرٸنشٸسٸ – سۋ ٷنەمدەۋ ساياساتىن قالىپتاستىرۋعا, سۇرانىستى باسقارۋعا, تازارتىلعان سارقىندى سۋلاردى قايتا پايدالانۋعا باعىتتالعان تٷبەگەيلٸ جاڭا نورماتيۆتٸك-قۇقىقتىق بازا ەزٸرلەنٸپ جاتىر. جاڭا سۋ كودەكسٸنٸڭ جوباسىنا سەيكەس تازارتىلعان سارقىندى سۋلار سۋمەن جابدىقتاۋ كٶزدەرٸنٸڭ بٸرٸنە اينالىپ, ەكونوميكا سالالارىندا بەلسەندٸ تٷردە پايدالانىلاتىن بولادى.
ەكٸنشٸسٸ – سۋ شارۋاشىلىعى ينفراقۇرىلىمىن تولىققاندى جاڭعىرتۋ, سۋ ٷنەمدەۋدٸڭ وزىق تەحنولوگييالارىن ەنگٸزۋ, سۋدى ەسەپكە الۋ مەن بٶلۋدٸ تسيفرلاندىرۋ, سونداي-اق جاڭا تاريفتٸك ساياسات پەن حالىق, كەسٸپورىندار اراسىندا سۋ ٷنەمدەۋ مەدەنيەتٸن ەنگٸزۋ.
ٷشٸنشٸسٸ – كٶرشٸ مەملەكەتتەرمەن ترانسشەكارالىق ىنتىماقتاستىقتى كٷشەيتۋگە ەرەكشە كٶڭٸل بٶلٸنەدٸ.
سونداي-اق قازاقستان حالىقارالىق ارالدى قۇتقارۋ قورىنا تٶراعالىق ەتەدٸ, بۇل سۋ رەسۋرستارىن ساقتاۋ ەرٸ ۇتىمدى پايدالانۋ جٶنٸندەگٸ بٸرلەسكەن جوبالار مەن باستامالار ٷشٸن جاڭا مٷمكٸندٸكتەر اشادى.
نورماتيۆتٸك-قۇقىقتىق بازا
جاڭا سۋ كودەكسٸ جوباسىندا سۋدى پايدالانۋ مەن قورعاۋدى مەملەكەتتٸك باقىلاۋ مەن قاداعالاۋدى كٷشەيتۋگە باعىتتالعان ماڭىزدى ٶزگەرٸستەر تالقىلاندى. وسىلايشا, قۇجات جوباسى ۋەكٸلەتتٸ ۆەدومستۆو مەن باسسەيندٸك ينسپەكتسييالارعا قاداعالاۋ فۋنكتسييالارىن جٷكتەيدٸ. قولدانىستاعى كەسٸپكەرلٸك كودەكسكە باسسەيندٸك ينسپەكتسييالار مەن مەملەكەتتٸك سۋ ينسپەكتورلارىنىڭ فۋنكتسييالارىن كەڭەيتۋ, مەملەكەتتٸك باقىلاۋ مەن قاداعالاۋ نىساندارىن ٶزگەرتۋ, سونداي-اق جەدەل ەرەكەت ەتۋدٸڭ جاڭا قۇرالدارىن ەنگٸزۋ بويىنشا تولىقتىرۋلار ەنگٸزۋ ۇسىنىلادى.
سۋ سالاسىن تسيفرلاندىرۋ, شارۋالاردى مەملەكەتتٸك قولداۋ شارالارىن جەتٸلدٸرۋ, زاماناۋي سۋ ٷنەمدەۋ تەحنولوگييالارىن ەنگٸزۋ جەنە نەعۇرلىم ٷنەمدٸ اۋىل شارۋاشىلىعى داقىلدارىنا كٶشۋ شارالارى باسقا ستراتەگييالىق قۇجاتتا كٶرسەتٸلگەن. مەملەكەت باسشىسىنىڭ تاپسىرماسىنا سەيكەس مينيسترلٸك 2024-2026 جىلدارعا ارنالعان سۋ ٷنەمدەۋ جٶنٸندەگٸ جول كارتاسىن ەزٸرلەدٸ.
سونداي-اق قر سۋ رەسۋرستارىن باسقارۋ جٷيەسٸن دامىتۋدىڭ 2024-2030 جىلدارعا ارنالعان تۇجىرىمداماسىنا ٶزگەرٸستەر ەنگٸزٸلۋدە. سۋ تاسقىنىنىڭ الدىن الۋ جەنە ولاردان كەلتٸرٸلگەن زالالدى ازايتۋ ٷشٸن كەشەندٸ عىلىمي زەرتتەۋلەر جٷرگٸزۋ كٶزدەلەدٸ. سۋ تاسقىنىن بولجاۋ مەن ٷلگٸلەۋدٸ جەتٸلدٸرۋ, كادرلىق ەلەۋەتتٸ ارتتىرۋ, ينفراقۇرىلىمدى دامىتۋ شارالارى كٷشەيتٸلۋدە.
سۋ رەسۋرستارى جەنە يرريگاتسييا مينيسترلٸگٸ سۋ قۇبىرلارىن سالۋ جەنە رەكونسترۋكتسييالاۋ بويىنشا 28 جوبانى ٸسكە اسىرۋدى باستادى. نەتيجەسٸندە 1,1 ملن ادام تۇراتىن 426 ەلدٸ مەكەندە اۋىز سۋمەن قامتاماسىز ەتۋ ساپاسى جاقسارادى. جالپى ۇزىندىعى 2 مىڭ شاقىرىمنان اساتىن سۋ قۇبىرلارىن سالۋ جەنە رەكونسترۋكتسييالاۋ جوسپارلانعان. سونداي-اق 10 ٶڭٸردەگٸ 96 گيدروتەحنيكالىق قۇرىلىسقا جٶندەۋ جۇمىستارى جٷرگٸزٸلٸپ جاتىر.
2024 جىلى ٷكٸمەت بەكٸتكەن سۋ رەسۋرستارىن باسقارۋ جٷيەسٸن دامىتۋ تۇجىرىمداماسى جاڭا 20 سۋ قويماسىن سالۋ, 15 سۋ قويماسى مەن 14 مىڭ شاقىرىمنان استام يرريگاتسييالىق كانالداردى رەكونسترۋكتسييالاۋ, سونداي-اق ەلٸمٸزدٸڭ سۋ قاۋٸپسٸزدٸگٸن قامتاماسىز ەتۋ جەنە سۋ تاپشىلىعىن ازايتۋ ماقساتىندا گيدروتەحنيكالىق قۇرىلىستاردى جاڭعىرتۋ بويىنشا بٸرقاتار شۇعىل شارالار قاراستىرىلعان.
الماتى, جامبىل, قىزىلوردا جەنە تٷركٸستان وبلىستارىندا 3,5 مىڭ شاقىرىم سۋارۋ جەلٸسٸن تسيفرلاندىرۋ جۇمىستارى جٷرگٸزٸلٸپ جاتىر. اتاپ ايتقاندا, قىزىلوردا وبلىسىندا 2,6 مىڭ شاقىرىم سۋارۋ كانالدارىن اۆتوماتتاندىرۋ جوسپارلانعان. 17 نىسان بويىنشا جوبالاۋ-سمەتالىق قۇجاتتاما ەزٸرلەنۋدە.
بٸرٸنشٸ جارتىجىلدىقتا قازاقستان ٷكٸمەتٸ سۋ رەسۋرستارى جەنە يرريگاتسييا مينيسترلٸگٸ ەزٸرلەگەن كاسپيي تەڭٸزٸ عىلىمي-زەرتتەۋ ينستيتۋتىن قۇرۋ تۋرالى قاۋلىنى بەكٸتتٸ. عزي ەكولوگييالىق پروبلەمالاردى, سۋ دەڭگەيٸنٸڭ تٶمەندەۋٸن, يتبالىقتار مەن بالىقتاردىڭ جاپپاي قىرىلۋ سەبەپتەرٸن, كاسپيي يتبالىعىنىڭ پوپۋلياتسيياسىن ساقتاۋ مەسەلەلەرٸن, يحتيوفاۋنانى, كاسپيي اكۆاتوريياسىن مەن جاعالاۋىن زەرتتەيتٸن بولادى.
سۋ رەسۋرستارى جەنە يرريگاتسييا مينيسترلٸگٸ جەنە «قازاقستان عارىش ساپارى» ۇلتتىق كومپانيياسىمەن ىنتىماقتاستىعى نەتيجەسٸندە سۋ رەسۋرستارىنىڭ بٸرىڭعاي اقپاراتتىق جٷيەسٸ قۇرىلاتىن بولادى. ول ەلدەگٸ سۋ شارۋاشىلىعى نىساندارىنىڭ جاي-كٷيٸ تۋرالى اقپاراتتى قامتيدى, سۋ رەسۋرستارىن سوڭعى تۇتىنۋشىعا دەيٸن بٶلۋ مەن پايدالانۋدى باقىلاۋعا مٷمكٸندٸك بەرەدٸ.
حالىقارالىق ىنتىماقتاستىق
2024 جىلدىڭ باسىنان باستاپ حالىقارالىق ارالدى قۇتقارۋ قورىنا تٶراعالىق قازاقستانعا ٶتتٸ. بەيٸندٸ مينيسترلٸك دٷنيەجٷزٸلٸك بانكپەن بٸرگە ٸسكە اسىرىلاتىن سولتٷستٸك ارال تەڭٸزٸن ساقتاۋ جٶنٸندەگٸ جوبانىڭ ەكٸنشٸ كەزەڭٸن ٸسكە اسىرۋدى جوسپارلاپ وتىر.
مەملەكەتارالىق سۋ شارۋاشىلىعى ٷيلەستٸرۋ كوميسسيياسىنىڭ 86 وتىرىسىندا سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ سۋارۋ ماۋسىمى كەزٸندە «دوستىق» مەملەكەتارالىق كانالى ارقىلى قازاقستانعا 922 ملن تەكشە مەتر سۋ بەرۋ تۋرالى ۋاعدالاستى.
شۋ-تالاس سۋ شارۋاشىلىعى كوميسسيياسىنىڭ 33 وتىرىسىندا قازاقستانعا قىرعىزستاننان شۋ ٶزەنٸ بويىنشا 180 ملن تەكشە مەتر جەنە تالاس ٶزەنٸ بويىنشا 380 ملن تەكشە مەتر سۋ بەرۋ تۋرالى كەلٸسٸمگە قول جەتكٸزٸلدٸ.
سونداي-اق قازاقستان ٶزبەكستانمەن ەكٸ ەل تۇتىناتىن سۋدىڭ ناقتى كٶلەمٸن ەسەپتەۋگە مٷمكٸندٸك بەرەتٸن ەسەپتەگٸشتەردٸ ورناتۋ تۋرالى كەلٸستٸ. بۇل رەتتە قازاقستان ٶزبەكستان اۋماعىندا ەسەپتەگٸشتەر ورناتادى, ال ٶزبەك جاعى — بٸزگە.
سونىمەن قاتار مينيسترلٸك «ورتالىق ازييا ەلدەرٸ اراسىندا سۋ-ەنەرگەتيكالىق ىنتىماقتاستىق تەتٸگٸن قۇرۋ تۋرالى» كەلٸسٸمنٸڭ جوباسىن ەزٸرلەۋدە.
2024 جىلى قازاقستان حالىقارالىق سۋ اعىندارىن كەمە قاتىناسىنان بٶلەك پايدالانۋ قۇقىعى تۋرالى بۇۇ كونۆەنتسيياسىنا قوسىلدى. كونۆەنتسييا ترانسشەكارالىق ٶزەندەردٸڭ, كٶلدەردٸڭ جەنە ولارمەن بايلانىستى جەر استى سۋلارىنىڭ ەدٸل بٶلٸنۋٸن قامتاماسىز ەتەتٸن, سونداي-اق ولاردىڭ پايدالانىلۋىن رەتتەيتٸن حالىقارالىق قۇجات سانالادى.
شارۋالاردى قولداۋ
سۋ رەسۋرستارى جەنە يرريگاتسييا مينيسترلٸگٸ اۋىل شارۋاشىلىعى مينيسترلٸگٸمەن بٸرلەسە وتىرىپ, سۋ ٷنەمدەۋ جٷيەلەرٸن ورناتقان فەرمەرلەرگە سۋبسيدييالاردى 50%-دان 80%-عا دەيٸن ۇلعايتتى, بۇل قازٸرگٸ زامانعى سۋارۋ جٷيەلەرٸن ساتىپ الۋ جەنە بارلىق قاجەتتٸ ينفراقۇرىلىمدى جٷرگٸزۋ شىعىندارىن ٶتەۋگە كٶمەكتەسەدٸ. ۇڭعىمالاردى بۇرعىلاۋ شىعىندارىن سۋبسيدييالاۋ كٶلەمٸ 80%-عا دەيٸن ٶستٸ.
ەلٸمٸزدە سۋارۋ ماۋسىمى باستالعالى 20 مىڭنان استام شارۋاعا 2,8 ملرد تەكشە مەتر سۋ بەرٸلدٸ. بٷگٸنگٸ تاڭدا ۆەگەتاتسييا كەزەڭٸ شتاتتىق كەستەگە ساي ٶتٸپ جاتىر.
سۋارۋ ماۋسىمىنا دايىندىق بارىسىندا 102 گيدروپوست جٶندەلدٸ جەنە قالپىنا كەلتٸرٸلدٸ, 775 گيدروپوست اتتەستاتتاۋدان ٶتتٸ. اۋىل شارۋاشىلىعى القاپتارىنا سۋ بەرۋدٸ جاقسارتۋ ٷشٸن 6 وبلىستا 651 شاقىرىمنان استام سۋارۋ جەلٸلەرٸ تازارتىلدى. سونداي-اق قازاقستاننىڭ 8 ٶڭٸرٸندە 74 گيدروتەحنيكالىق قۇرىلىس جٶندەلدٸ.
جىل باسىندا شارۋالاردىڭ ٶتٸنٸشٸ بويىنشا سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ «قازسۋشار» رمك فيليالدارىنا فەرمەرلەرمەن دەلدالسىز تٸكەلەي شارت جاساسۋدى تاپسىردى. وسىنىڭ نەتيجەسٸندە بيىل بٸرقاتار ٶڭٸردە شارۋالار ٷشٸن سۋارمالى سۋدىڭ باعاسى ارزاندادى.
سۋ تاسقىنى كەزەڭٸ
بيىلعى سۋ تاسقىنى كەزەڭٸندە ەلٸمٸزدٸڭ سۋ شارۋاشىلىعى نىساندارى تاسقىن سۋىن قاۋٸپسٸز ٶتكٸزۋدٸ قامتاماسىز ەتٸپ قانا قويماي, سۋ قويمالارىن تولتىرۋعا, سوڭعى جىلدارى قۇرعاپ بارا جاتقان ٶزەندەر مەن كٶلدەرگە, ساعالارعا, تابيعي جايىلىمدارعا جەنە باسقا دا نىساندارعا سۋ جٸبەرۋگە مٷمكٸندٸك بەردٸ.
ەلٸمٸزدەگٸ سۋ قويمالارىنا 75 ملرد تەكشە مەتر سۋ جينالدى. بۇل ٶتكەن جىلمەن سالىستىرعاندا 15 ملرد تەكشە مەترگە ارتىق. جينالعان سۋدىڭ 12 ملرد-تان استامى — تاسقىن سۋى.
سۋ تاسقىنى باستالعاننان بەرٸ بالقاش كٶلٸنە 3,3 ملرد تەكشە مەتر سۋ, ال كاسپيي تەڭٸزٸنە شامامەن 6 ملرد تەكشە مەتر سۋ جٸبەرٸلدٸ. بقو-نىڭ قامىس-سامار كٶلدەرٸنە 80 ملن تەكشە مەتر سۋ باردى, ۇلىتاۋ وبلىسىنان قىزىلوردا وبلىسىنىڭ كٶلدەر جٷيەسٸنە سۋ جٸبەرٸلدٸ. توبىل ٶزەنٸندە 2000 جىلدان بەرٸ العاش رەت قارقىندى سۋ اعىنى بايقالدى.
جينالعان تاسقىن سۋى نەگٸزٸنەن اۋىلشارۋاشىلىعى مەن ٶنەركەسٸپتە پايدالانىلادى. سونداي-اق جايىلمالار مەن شابىندىقتارعا باعىتتالعان تاسقىن سۋى مال شارۋاشىلىعىن قاجەتتٸ جەم-شٶپ قورىمەن قامتاماسىز ەتۋگە وڭ ەسەر ەتەدٸ.
استانا سۋ قويماسىن تاسقىن سۋىمەن تولتىرۋ 2 ملرد تەڭگەگە دەيٸن قاراجات ٷنەمدەۋگە مٷمكٸندٸك بەرەدٸ. بىلتىر استانا سۋ قويماسىنداعى سۋ كٶلەمٸ قالانى اۋىز سۋمەن تولىق قامتاماسىز ەتۋگە جەتپەدٸ, سوندىقتان سۋ قويماسىن ق. سەتباەۆ اتىنداعى كانالدان قوسىمشا تولتىرۋعا تۋرا كەلگەن بولاتىن. بيىل استانا سۋ قويماسىن تولتىرۋ كٶرسەتكٸشٸ 99,6%. بۇل جىل بويى ەلوردا تۇرعىندارىن اۋىز سۋمەن قامتاماسىز ەتۋگە, سونداي-اق ەسٸل ٶزەنٸنٸڭ گيدرولوگييالىق جاي-كٷيٸن جاقسارتۋ مٷمكٸندٸك بەرەدٸ.
بٸلٸكتٸ كادرلاردى دايارلاۋ
ٷكٸمەت قاۋلىسىنا سەيكەس, تارازدا قازاق ۇلتتىق سۋ شارۋاشىلىعى جەنە يرريگاتسييا ۋنيۆەرسيتەتٸ جۇمىس ٸستەيدٸ. جاڭا بٸلٸم بەرۋ باعدارلامالارى – «سۋ شارۋاشىلىعى جەنە مەليوراتسييا», «گەودەزييا جەنە كارتوگرافييا», «سۋ شارۋاشىلىعىنداعى گيدروتەحنيكالىق قۇرىلىس», «سۋمەن جابدىقتاۋدىڭ ينجەنەرلٸك جٷيەلەرٸ», «سۋ شارۋاشىلىعىنداعى يننوۆاتسييالىق تەحنولوگييالار» ەنگٸزٸلەتٸن بولادى. 2024-2025 جىلدارعا ارنالعان مەملەكەتتٸك بٸلٸم بەرۋ تاپسىرماسىنىڭ باكالاۆريات, ماگيستراتۋرا جەنە دوكتورانتۋرا بويىنشا 245 ورىنعا نىسانالى كۆوتاسى بٶلٸندٸ. بٷكٸل دايىندىق تسيكلٸ ٷشٸن جالپى كونتينگەنت 4 مىڭ بٸلٸم الۋشىنى قۇرايدى.
بٸلٸكتٸ كادرلاردىڭ جەتٸسپەۋشٸلٸگٸ مەسەلەسٸن شەشۋ ٷشٸن سۋ رەسۋرستارى جەنە يرريگاتسييا مينيسترلٸگٸ سۋ سالاسى ماماندىقتارىنىڭ تارتىمدىلىعىن ارتتىرۋ بويىنشا شارالار قابىلداپ جاتىر. مىسالى, «بولاشاق» باعدارلاماسىنا ٶزگەرٸستەر ەنگٸزٸلدٸ: «گيدروگەولوگييا», «سۋ رەسۋرستارى» جەنە «سۋ قاۋٸپسٸزدٸگٸ» سەكٸلدٸ سۋ سالاسىنىڭ ماماندىقتارى ەنگٸزٸلدٸ. وسى جىلدان باستاپ قازاقستاندىق ستۋدەنتتەر ولار بويىنشا شەتەلدە بٸلٸم الا الادى.
بٸرٸنشٸ جارتىجىلدىقتا سۋ رەسۋرستارى جەنە يرريگاتسييا مينيسترلٸگٸ نيدەرلاندى كورولدٸگٸمەن سۋ تاسقىنىنا قارسى ٸس-قيمىل جەنە سۋ سالاسىنىڭ ماماندارىن دايارلاۋ جٶنٸندەگٸ مەموراندۋمدارعا قول قويدى. بٸرٸنشٸ قۇجات سۋ شارۋاشىلىعى قۇرىلىستارىن سالۋ جەنە پايدالانۋ, سۋ تاسقىنىن بولجاۋ جەنە سۋ تاسقىنىنا قارسى ٸس-شارالاردى جوسپارلاۋ مەسەلەلەرٸندە ىنتىماقتاستىق ورناتۋدى كٶزدەيدٸ. دەلفت سۋ بٸلٸمٸ ينستيتۋتى (IHE Delft) قول قويعان ەكٸنشٸ مەموراندۋم سۋ سالاسىنىڭ ماماندارىن دايارلاۋعا, سۋ سالاسىنداعى عىلىم مەن يننوۆاتسييالىق تەحنولوگييالار سالاسىنداعى ٶزارا ٸس-قيمىلعا قاتىستى.
عىلىم جەنە جوعارى بٸلٸم مينيسترلٸگٸمەن بٸرلەسٸپ, سۋ رەسۋرستارى سالاسىنداعى جەتەكشٸ عىلىمي جەنە بٸلٸم بەرۋ ۇيىمدارىنىڭ كونسورتسيۋمى قۇرىلدى. كونسورتسيۋم جۇمىسىنىڭ باسىم باعىتتارىنىڭ بٸرٸ – تۇششى سۋ قورلارىن ٸزدەستٸرۋ جەنە ۇلعايتۋ.
بيىل سۋ سالاسىنىڭ 450-دەن استام قىزمەتكەرٸ مامانداندىرىلعان ورتالىقتاردا بٸلٸكتٸلٸكتٸ ارتتىرۋ كۋرستارىنان ٶتەدٸ.
سۋ جەنە يرريگاتسييا مينيسترلٸگٸ 9 جوعارى وقۋ ورنىمەن ىنتىماقتاستىق تۋرالى مەموراندۋمدارعا قول قويدى. ەندٸ وسى وقۋ ورىندارىنىڭ ستۋدەنتتەرٸ «قازسۋشار» مەملەكەتتٸك كەسٸپورنىنىڭ فيليالدارىندا ٶندٸرٸستٸك تەجٸريبەدەن ٶتە الادى.
م.ح. دۋلاتي اتىنداعى تاراز ٶڭٸرلٸك ۋنيۆەرسيتەتٸ تاشكەنت يرريگاتسييا جەنە اۋىل شارۋاشىلىعىن مەحانيكالاندىرۋ ينجەنەرلەرٸ ينستيتۋتىمەن قوس ديپلومدى بٸلٸم بەرۋدٸڭ بٸرلەسكەن باعدارلاماسى تۋرالى مەموراندۋمعا قول قويدى. وسىلايشا, سۋ سالاسىنداعى ماماندىقتار بويىنشا وقيتىن قازاقستاندىق جوو ستۋدەنتتەرٸ كٶرشٸ مەملەكەتتٸڭ وقۋ ورنىنىڭ ديپلومىن دا الا الادى.
ەلەۋمەتتٸك قامسىزداندىرۋ
2024 جىلعى 1 قاڭتاردان باستاپ ەڭبەكاقىسى تاريفتٸك قاراجاتتان تٶلەنەتٸن «قازسۋشار» رمك ماماندارىنىڭ جالاقىسى ورتا ەسەپپەن 23%-عا ٶستٸ. بۇل كەسٸپورىن قىزمەتكەرلەرٸنٸڭ جالپى سانىنىڭ 47%-ىن قۇرايدى.
1 مامىردان باستاپ «قازسۋشار» ماماندارىنىڭ جالاقىسى 25%-عا ٶستٸ, ولاردىڭ ەڭبەگٸ رەسپۋبليكالىق بيۋدجەتتەن تٶلەنەدٸ.
