قازاقستان مۇسىلماندارى دٸني باسقارماسى 2027 جىلعا ارنالعان دٸني كٷندەر كەستەسٸن بەكٸتتٸ. كٷنتٸزبەگە سەيكەس, كەلەسٸ جىلى رامازان ايى 8 اقپاندا باستالادى, دەپ حابارلايدى ult.kz.
قاسيەتتٸ قادٸر تٷنٸ 5 ناۋرىزدان 6 ناۋرىزعا قاراعان تٷنگە سەيكەس كەلەدٸ. ال ورازا اياقتالعاننان كەيٸنگٸ ورازا ايت مەرەكەسٸ 9 ناۋرىزعا بەلگٸلەنگەن.
قۇربان ايتتىڭ العاشقى كٷنٸ 16 مامىردا باستالىپ, مەرەكە 18 مامىرعا دەيٸن جالعاسادى. ونىڭ الدىنداعى اراپا كٷنٸ 15 مامىرعا سەيكەس كەلەدٸ.
كٷنتٸزبەدە ٶزگە دە ماڭىزدى دٸني كٷندەر كٶرسەتٸلگەن. مەسەلەن, ميعراج تٷنٸ 4 قاڭتاردان 5 قاڭتارعا, باراات تٷنٸ 22 قاڭتاردان 23 قاڭتارعا قاراعان تٷنگە بەلگٸلەنگەن. مۇسىلمان كٷنتٸزبەسٸ بويىنشا 1449 ھيجري جىل 6 ماۋسىمدا باستالادى. اشۋرا كٷنٸ — 15 ماۋسىم, ال مەۋلٸت تٷنٸ 14 تامىزدان 15 تامىزعا قاراعان تٷنگە سەيكەس كەلەدٸ.
مٷفتييات حيجري ايلاردىڭ باستالۋى حالىقارالىق استرونومييالىق زەرتتەۋ ورتالىقتارىنىڭ مەلٸمەتتەرٸ نەگٸزٸندە ەسەپتەلگەنٸن ەسكەرتتٸ. جاڭا ايدىڭ كٶرٸنۋٸنە قاراي دٸني كٷندەر كٶرسەتٸلگەن مەرزٸمنەن بٸر كٷن ەرتە نەمەسە كەش بولۋى مٷمكٸن.
ايتا كەتەيٸك, قازاقستان بويىنشا ايت نامازىنىڭ كەستەسٸ جارييالاندى.
ورازا دەگەن نە?
ورازا — تاڭ اتقاننان كٷن باتقانعا دەيٸن اللا رازىلىعى ٷشٸن ٸشٸپ-جەۋدەن جەنە ەرلٸ-زايىپتىلاردىڭ جاقىنداسۋىنان تىيىلۋ قۇلشىلىعى. يسلامداعى بەس پارىزدىڭ بٸرٸ سانالادى.
رامازان ايىندا ورازا ۇستاۋ باليعات جاسىنا جەتكەن, اقىل-ەسٸ دۇرىس, دەنساۋلىعى جارامدى مۇسىلمانعا پارىز. ورازانىڭ مەنٸ اش جٷرۋمەن شەكتەلمەيدٸ: ول ادامدى سابىرلى بولۋعا, نەپسٸسٸن تەجەۋگە, جامان سٶز بەن ەرەكەتتەن اۋلاق جٷرۋگە جەنە مۇقتاج جاندارعا كٶمەكتەسۋگە تەربيەلەيدٸ.
تاڭ الدىندا ٸشٸلەتٸن اس سەرەسٸ, ال كٷن باتقان سوڭ ورازانى اشۋ اۋىزاشار دەپ اتالادى.
ورازانى نە بۇزادى? اۋىز بەكٸتكەن ادام بٸلۋٸ كەرەك ەرەجەلەر
ورازا كەزٸندە تاڭ اتقاننان كٷن باتقانعا دەيٸن ەدەيٸ تاماق جەۋ, سۋ ٸشۋ جەنە جىنىستىق قاتىناسقا تٷسۋ ورازانى بۇزادى. تەمەكٸ شەگۋ دە وسى قاتارعا جاتادى. سوندىقتان اۋىز بەكٸتكەن ادام سەرەسٸ مەن اۋىزاشار ۋاقىتىن مۇقييات قاداعالاۋى كەرەك.
ۇمىتىپ ٸشٸپ-جەسە نە بولادى?
ادام ورازا ەكەنٸن ۇمىتىپ, تاماق جەپ نەمەسە سۋ ٸشٸپ قويسا, ورازاسى بۇزىلمايدى. الايدا ەسٸنە تٷسكەن بويدا ٸشٸپ-جەۋدٸ دەرەۋ توقتاتۋى قاجەت. “ورازام بەرٸبٸر بۇزىلدى” دەپ تاماقتانۋدى جالعاستىرۋعا بولمايدى.
قۇسۋعا قاتىستى ٷكٸم قانداي?
ەرٸكسٸز قۇسۋ ورازانى بۇزبايدى. ال ادامنىڭ ٶزٸن ەدەيٸ قۇستىرۋى, سونىڭ ٸشٸندە اۋىز تولتىرىپ قۇسۋى ورازانى بۇزادى. مۇنداي جاعدايدا سول كٷننٸڭ قازاسى ٶتەلەدٸ. دەمەك, ەرٸكسٸز بولعان جاعداي مەن ادامنىڭ ٶز قالاۋىمەن جاساعان ەرەكەتٸنٸڭ ٷكٸمٸ بٶلەك.
تٸس تازالاۋعا, دۋشقا تٷسۋگە بولا ما?
تٸس تازالاۋدىڭ ٶزٸ ورازانى بۇزبايدى. بٸراق تٸس پاستاسىن نەمەسە سۋدى جۇتىپ قويماۋ كەرەك. قمدب تٸستٸ تاڭ نامازىنىڭ ۋاقىتى كٸرگەنگە دەيٸن تازالاعان ابزال ەكەنٸن تٷسٸندٸرەدٸ.
دۋشقا تٷسۋ, اۋىز بەن مۇرىندى شايۋ دا ورازانى بۇزبايدى. دەگەنمەن سۋ تاماقتان ٶتٸپ كەتپەۋٸن قاداعالاۋ قاجەت. ورازا ەكەنٸن بٸلە تۇرا, اۋىز شايعاندا ابايسىزدا سۋ جۇتىپ قويۋ مەن ورازاسىن مٷلدە ۇمىتىپ سۋ ٸشۋدٸڭ ٷكٸمٸ بٸردەي ەمەس. بٸرٸنشٸ جاعدايدا قازا ٶتەۋ قاجەت بولادى.
ەيەل ادامنىڭ ەتەككٸرٸ نەمەسە بوسانعاننان كەيٸنگٸ قانى كەلسە, سول كٷنگٸ ورازاسى بۇزىلادى. ٶتكٸزٸپ العان كٷندەرٸنٸڭ قازاسىن كەيٸن ٶتەيدٸ.
ورازا بۇزىلعان جاعدايدا قازا ٶتەۋ نەمەسە كەففارات قاجەتتٸگٸ ونىڭ قانداي سەبەپپەن بۇزىلعانىنا بايلانىستى انىقتالادى. سوندىقتان ناقتى جاعدايدىڭ ٷكٸمٸن قمدب پەتۋا مامانىنان سۇراعان دۇرىس.
