Turkish Airlines ەۋە كومپانيياسىنىڭ ۇشاعىن باسقارعان پيلوت سيەتلدەن ستامبۇلعا باعىت العان رەيس كەزٸندە قايتىس بولدى, دەپ حابارلايدى ult.kz ربك نوۆوستي-كە سٸلتەمە جاساپ
Airbus A350 ۇشاعىنىڭ كومانديرٸ يلچەحين پەحليۆان ەۋە كەمەسٸ ۇشىپ كەلە جاتقان كەزدە ٶزٸن جايسىز سەزٸنٸپ, ەسٸنەن تانىپ قالعان. ەكيپاج مٷشەلەرٸ پيلوتقا دەرەۋ العاشقى مەديتسينالىق كٶمەك كٶرسەتكەنٸمەن, ونىڭ جاعدايىن تۇراقتاندىرۋ مٷمكٸن بولماعان.
وسىدان كەيٸن ەكيپاج ۇشاقتى شۇعىل تٷردە قوندىرۋ تۋرالى شەشٸم قابىلداعان. الايدا پيلوتتى قۇتقارۋ مٷمكٸن بولمادى — ول ەۋە كەمەسٸ قوناردان بۇرىن كٶز جۇمدى.
ۇشاق نيۋ-يورككە سەتتٸ قوندى.
يلچەحين پەحليۆان 59 جاستا بولعان. ول Turkish Airlines كومپانيياسىندا 2007 جىلدان بەرٸ جۇمىس ٸستەگەن. ەۋە كومپانيياسىنىڭ مەلٸمەتٸنشە, پيلوت 8 قازاندا مٸندەتتٸ مەديتسينالىق تەكسەرۋدەن ٶتكەن. تەكسەرۋ بارىسىندا ونىڭ دەنساۋلىعىنا قاتىستى قانداي دا بٸر مەسەلە انىقتالماعان.
Turkish Airlines مارقۇم پيلوتتىڭ وتباسى مەن جاقىندارىنا كٶڭٸل ايتتى.
