فوتو: Akorda.kz
پرەزيدەنت قاسىم-جومارت توقاەۆ ۇلتتىق قۇرىلتايدىڭ ٷشٸنشٸ وتىرىسىندا سٶيلەگەن سٶزٸندە ەل تۇتاستىعىنىڭ زييالى قاۋىم بٸرلٸگٸنەن باستالاتىنىن ايتتى دەپ حابارلايدى "ۇلت اقپارات" قازاقپاراتقا سٸلتەمە جاساپ.
«مەن بىلتىر كٷزدەگٸ جولداۋىمدا جاڭا ەكونوميكالىق ساياساتقا كٶشەتٸنٸمٸزدٸ ايتتىم. اقپاننىڭ باسىندا ٷكٸمەت اۋىستى, جاڭا مٸندەتتەر جٷكتەلدٸ. دەگەنمەن, ناعىز دامىعان ەل بولۋ ٷشٸن تەك ەكونوميكالىق ماقسات قويۋ جەتكٸلٸكسٸز. ەلەۋمەتتٸك, شارۋاشىلىق, يدەولوگييالىق جەنە باسقا دا سالالارداعى باعدارىمىزدى ايقىنداپ, ناقتى شارالاردى قولعا الۋىمىز كەرەك. سوندىقتان بيىل ۇلتتىق قۇرىلتايدى جىلداعىداي جازدا ەمەس, ەرتەرەك ٶتكٸزٸپ وتىرمىز. وسى ورايدا, بٸرقاتار ٶزەكتٸ مەسەلەگە ارنايى توقتالعىم كەلەدٸ.
ەڭ الدىمەن, حالىقتىڭ بەرەكە-بٸرلٸگٸن ساقتاۋ ەلدٸگٸمٸز ٷشٸن اسا ماڭىزدى. بۇل تۋرالى ٷنەمٸ ايتىپ جٷرگەنٸمدٸ بٸلەسٸزدەر. ىنتىماعى جاراسقان, ورتاق ماقساتقا ۇيىسقان ۇلت ەشقاشان ۇتىلمايدى. ەشتەڭەدەن قۇر قالمايدى. بۇل ٸستە زييالى قاۋىم ايرىقشا رٶل اتقارادى. ەسٸرەسە, ەلگە سٶزٸ ٶتەتٸن اعا بۋىننىڭ ورنى بٶلەك. ولار – قازاقتىڭ قايماعى, ۇلتتىڭ ماقتانىشى.
ەلدٸڭ تۇتاستىعى زييالى قاۋىمنىڭ بٸرلٸگٸنەن باستالادى. ياعني, الدىمەن ەل اعالارىنىڭ اراسىندا اۋىزبٸرشٸلٸك بولۋى كەرەك. ولار ۇرپاققا ٶنەگە بولاتىن كەسەك ەڭگٸمە ايتۋى قاجەت», - دەدٸ مەملەكەت باسشىسى.
پرەزيدەنت سونداي-اق كٶرنەكتٸ تۇلعالار بٸرٸن-بٸرٸ مويىنداپ, ٶزارا قۇرمەت كٶرسەتە بٸلسە, ۇلتىمىز ۇيىسا تٷسەتٸنٸن جەتكٸزدٸ.
«جازۋشىلار وداعىنىڭ تٶراعاسى, ۇلتتىق قۇرىلتايدىڭ مٷشەسٸ مەرەكە قۇلكەنوۆ جاقىندا وسى مەسەلە تۋرالى ورىندى پٸكٸر بٸلدٸردٸ. حالقىمىزدىڭ كٶرنەكتٸ تۇلعالارى بٸرٸن-بٸرٸ مويىنداپ, ٶزارا قۇرمەت كٶرسەتە بٸلسە, ۇلتىمىز ۇيىسا تٷسەدٸ دەپ ايتتى. قازٸر ەرتەدە ٶتكەن وقيعالارعا, بەلگٸلٸ بٸر تۇلعالارعا قاتىستى تالقىلاۋ كٶبەيٸپ بارادى. قالامگەرلەرٸمٸز, تٸپتٸ, شىڭعىس حاننىڭ تەگٸ كٸم دەپ, ايتىسىپ-تارتىسىپ جاتاتىن بولدى. كەڭەس زامانىنداعى تۇلعالاردى, ەسٸرەسە, الاش كٶسەمدەرٸ مەن كەڭەس قايراتكەرلەرٸن سالىستىرىپ, بٸر-بٸرٸنە قارسى قويادى. دەل وسىنداي سٶز تارتىستارىنىڭ اقيقاتىنا جەتۋ قيىن, جەتكەننٸڭ ٶزٸندە ەل ٸشٸنە ٸرٸتكٸ سالاتىن مۇنداي داۋ-دامايدىڭ ەش قاجەتٸ جوق. ەر دەۋٸردٸڭ ٶز ەرەكشەلٸگٸ بار. ەربٸر تۇلعا ٶزٸنٸڭ كٶزقاراسىنا, دٷنيەتانىمىنا قاراي جەنە ٶز قوعامىنىڭ مٷددەسٸنە سەيكەس ەلگە قىزمەت ەتتٸ. ولار, ياعني, سول زاماننىڭ قايراتكەرلەرٸ بٸر كەزدەرٸ ۇستانعان باعىتىنا بولا داۋلاسسا, ەندٸگٸ ۇرپاق كٸمنٸڭ ٸسٸ دۇرىس, كٸمدٸكٸ بۇرىس دەپ داۋرىعىپ جٷر. جالپى بۇرىنعى جەنە قازٸرگٸ تاريحتىڭ تٷرلٸ كەزەڭدەرٸن, تۇلعالارىن بٸر-بٸرٸنە قارسى قويۋعا بولمايدى. تٷپتەپ كەلگەندە, مۇنىڭ بەرٸ – بٸزدٸڭ تاريحىمىز. بۇل – حالقىمىزدىڭ جٷرٸپ ٶتكەن جولى. سول سەبەپتٸ, قالاي دەسەك تە, تاريحىمىزعا شىنايى كٶزبەن قاراپ, ونى سول قالپىندا قابىلداۋىمىز كەرەك. ۇلت جىلناماسى ەلدٸ بٸرٸكتٸرەتٸن فاكتور بولۋعا تيٸس», - دەپ اتاپ ٶتتٸ پرەزيدەنت.قاسىم-جومارت توقاەۆ تاريحقا كەلگەندە كٶبٸنەسە ەموتسيياعا بەرٸلٸپ كەتەتٸنٸمٸزدٸ تٸلگە تيەك ەتتٸ. ٶتكەن زاماندى ورىنسىز قازبالاۋ جاقسىلىق ەكەلمەيتٸنٸن, ونىڭ پايداسىنان گٶرٸ, زييانى كٶپ ەكەنٸن ايتتى.
«ٶسپەيتٸن ەلدٸڭ بالاسى ٶنبەيتٸن داۋدى قۋادى» دەپ بەكەر ايتپاعان. ٶتكەن ٸس ٶتتٸ, ەندٸ ونى ەشكٸم ٶزگەرتە المايدى. ۋاقىت ەڭ ەدٸل تٶرەشٸ ەكەنٸن ۇمىتپايىق. بٸزگە بٸتپەيتٸن داۋ-داماي ەمەس, مىزعىماس ىنتىماق پەن بٸرلٸك كەرەك. قازٸرگٸ تاريحي كەزەڭدە حالقىمىزدىڭ سٶزٸ دە, ٸسٸ دە – بٸر بولۋى قاجەت. سوندىقتان زييالى قاۋىم, ەڭ الدىمەن, ەلٸمٸزدٸڭ بٸرلٸگٸن نىعايتۋعا باسا نازار اۋدارعانى جٶن. اعا بۋىن جاس ۇرپاققا جول نۇسقاپ, باعىت-باعدار بەرۋٸ كەرەك. ەلٸمٸزدە كٶزٸ اشىق, كٶكٸرەگٸ وياۋ, ويى ۇشقىر, بٸلٸمدٸ جاستار كٶپ. بٸز ولاردىڭ بويىنا اسىل قاسيەتتەردٸ سٸڭٸرۋٸمٸز قاجەت. ۇلى ابايدىڭ «بٸرٸڭدٸ قازاق, بٸرٸڭ دوس, كٶرمەسەڭ, ٸستٸڭ بەرٸ – بوس» دەگەن سٶزٸ ەلٸ دە ٶزەكتٸ بولىپ تۇر. مەن زييالى قاۋىم ٶكٸلدەرٸنٸڭ بٸر-بٸرٸنە ەردايىم تٸلەكتەس بولعانىن قالايمىن. ٶزارا جاناشىر بولۋ, تٷپتەپ كەلگەندە, ەلگە جاناشىر بولۋ دەگەن سٶز. تاعى دا قايتالاپ ايتقىم كەلەدٸ: ۇساق-تٷيەك ەڭگٸمەنٸ قويۋ قاجەت. قازاقتى بٶلٸپ-جارۋعا بولمايدى. بٸز جالپىۇلتتىق دەڭگەيدە ويلاۋعا ۇمتىلۋىمىز كەرەك», - دەدٸ پرەزيدەنت.
