اكتريسا داريعا بادىقوۆا ەل قورعاپ, ادام ٶمٸرٸن اراشالاپ جٷرگەن ازاماتتارعا ەن ارناعانىن ايتتى, دەپ حابارلايدى ult.kz.

ٶنەر يەسٸ ەلەۋمەتتٸك جەلٸدەگٸ جازباسىندا ٶز ٶمٸرٸن قاتەرگە تٸگٸپ, ٶزگەلەردٸ قۇتقارىپ جٷرگەن جاندارعا العىس بٸلدٸردٸ.

“ەلٸ ٷشٸن وتقا دا, سۋعا دا تٷسٸپ, ٶز ٶمٸرٸن قاتەرگە تٸگٸپ, ٶزگەنٸڭ ٶمٸرٸن اراشالاپ جٷرگەن ەرجٷرەك قورعاۋشىلارىمىزعا ارنالادى! سٸزدەردٸڭ ەرلٸكتەرٸڭٸز ەلدٸڭ ەسٸندە, جانقييارلىق ەڭبەكتەرٸڭٸز — حالىقتىڭ جٷرەگٸندە!” – دەپ جازدى اكتريسا.

بادىقوۆانىڭ ايتۋىنشا, ەن پرەزيدەنتتٸك وركەستردٸڭ “ابروي” توبىمەن بٸرگە ورىندالعان. 
ايتا كەتەيٸك, داريعا بادىقوۆا ولجاس اباي ەكەۋٸنٸڭ ماحاببات حيكاياسىن ايتىپ بەردٸ.

داريعا بادىقوۆا كٸم? 
 

داريعا بولاتقىزى بادىقوۆا – قازاقستاندىق اكتريسا, ەنشٸ جەنە كينوپروديۋسەر. ول 1985 جىلى 1 جەلتوقساندا جامبىل وبلىسىنىڭ مويىنقۇم اۋىلىندا دٷنيەگە كەلگەن. تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىندا “مۋزىكالىق دراما جەنە رەجيسسۋرا” ماماندىعى بويىنشا بٸلٸم العان. ٶنەر جولىن رەجيسسەر بولات اتاباەۆتىڭ “اقساراي” مۋزىكالىق تەاترىندا باستاعان. تەاتر ساحناسىندا “قىز جٸبەك” قويىلىمىنداعى قامقا بەينەسٸن سومداعان.

كەيٸن كينو مەن تەلەحيكايالارعا تٷسٸپ, كٶپشٸلٸككە تانىلدى. كٶرەرمەن ونى ەسٸرەسە “كەلٸنجان” تەلەحيكاياسىنداعى ايسارا رٶلٸ ارقىلى بٸلەدٸ. سونداي-اق “قازاقشا بيزنەس” فيلمدەر سەريياسىنا, “عاشىق جٷرەك”, “تراكتورشىنىڭ ماحابباتى” جوبالارىنا قاتىسقان. 2023 جىلى جارىق كٶرگەن “تاپتىم-اۋ سەنٸ” رومانتيكالىق كومەديياسىندا پروديۋسەر ەرٸ باستى رٶلدٸ ورىنداۋشى رەتٸندە تانىلدى. بۇل فيلمدە اكتەر ولجاس ابايمەن بٸرگە ويناعان. كەيٸن اتالعان كارتينانىڭ جالعاسىن تٷسٸرٸپ, كينو ٶندٸرٸسٸندەگٸ جۇمىسىن جالعاستىردى.