اباي وبلىسىندا مەدەنيەت, تٸلدەردٸ دامىتۋ جەنە ارحيۆ ٸسٸ سالالارىندا بٸرقاتار جۇمىستار اتقارىلۋدا. جىل باسىنان بەرٸ ٶڭٸردە 4 954 مەدەني ٸس-شارا ٶتكٸزٸلدٸ. بۇل تۋرالى ٶڭٸرلٸك كوممۋنيكاتسييالار قىزمەتٸنٸڭ كٶشپەلٸ باسپاسٶز مەسليحاتىندا اباي وبلىسىنىڭ مەدەنيەت, تٸلدەردٸ دامىتۋ جەنە ارحيۆ ٸسٸ باسقارماسىنىڭ باسشىسى جانجٸگٸت ومارحان باياندادى.
بٷگٸندە وبلىستا مەدەنيەت, تٸلدەردٸ دامىتۋ جەنە ارحيۆ ٸسٸ سالاسىندا 299 نىسان جۇمىس ٸستەيدٸ. ونىڭ ٸشٸندە 137 كٸتاپحانا, 132 كلۋب پەن مەدەنيەت ٷيٸ, 10 مۋزەي جەنە 9 ارحيۆ بار.
مەدەنيەت ٷيلەرٸ مەن كلۋبتاردا ٶتكٸزٸلگەن ٸس-شارالارعا 386 مىڭنان استام ادام قاتىستى. سونىمەن قاتار 468 ٷيٸرمەگە 6 993 ادام قاتىسادى, «حالىقتىق» اتاعى بار 59 شىعارماشىلىق ۇجىم جۇمىس ٸستەيدٸ.
فوتو: اباي وبلىسى ەكٸمدٸگٸ
– اباي اتىنداعى تەاتردىڭ ٷش شىعارماشىلىق ترۋپپاسىندا 103 ەرتٸس ەڭبەك ەتەدٸ. بيىل قازاق مۋزىكالىق-دراما ترۋپپاسى 8 جاس اكتەرمەن تولىقتى. تەاتردا 195 سپەكتاكل كٶرسەتٸلٸپ, ولاردى 46 مىڭنان استام كٶرەرمەن تاماشالادى, – دەدٸ جانجٸگٸت ومارحان.
ەمٸرە قاشاۋباەۆ اتىنداعى مەملەكەتتٸك فيلارمونييادا 111 كونتسەرت ٶتكٸزٸلٸپ, 21 مىڭنان استام كٶرەرمەن قامتىلدى. «اباي ەلٸ – ٶنەر كەنٸشٸ» وبلىستىق بايقاۋىنا 10 اۋداننان 2 مىڭعا جۋىق ٶنەرپاز قاتىستى. ال «الاكٶل الاۋلارى – 2026» فەستيۆالٸنٸڭ كونتسەرتتٸك باعدارلامالارىن 75 مىڭ كٶرەرمەن تاماشالادى.
مۋزەيلەردٸڭ قورىندا 178 مىڭنان استام قۇندىلىق ساقتاۋلى, ونىڭ 43 مىڭنان استامى تسيفرلاندىرىلعان. مۋزەيلەردە 851 ٸس-شارا ٶتكٸزٸلٸپ, 76 مىڭنان استام كەلۋشٸ قابىلداندى. سونىمەن قاتار 13 جاڭا ەكسپوزيتسييا جاسالىپ, 111 كٶرمە ۇيىمداستىرىلدى.
– نەۆزوروۆتار وتباسى اتىنداعى بەينەلەۋ ٶنەرٸ مۋزەيٸ مەن ف.م. دوستوەۆسكييدٸڭ ەدەبي-مەموريالدىق مۋزەيٸندە جٶندەۋ جۇمىستارى قولعا الىندى. سونىمەن بٸرگە دوستوەۆسكيي مۋزەيٸنٸڭ 55 جىلدىعىنا ارنالعان حالىقارالىق عىلىمي جەنە مەدەني ٸس-شارالار ٶتكٸزٸلدٸ, – دەدٸ باسقارما باسشىسى.
كٸتاپحانا قورىندا 2 ميلليوننان استام كٸتاپ بار, ونىڭ 927 مىڭنان استامى مەملەكەتتٸك تٸلدەگٸ ەدەبيەتتەر. كٸتاپحانالاردا 4 621 ٸس-شارا ٶتكٸزٸلٸپ, وعان 130 مىڭنان استام ادام قاتىستى. تۇراقتى وقىرماندار سانى 123 مىڭنان استى.
«قازاقستان حالقىنا» قوعامدىق قورىنىڭ قولداۋىمەن «Jana Klub» جوباسى اياسىندا 30 اۋىلدىق كٸتاپحانانى جاڭعىرتۋ جوسپارلانعان. بٸرٸنشٸ كەزەڭگە 15 كٸتاپحانا ەنگٸزٸلٸپ, العاشقى جاڭارتىلعان كٸتاپحانا اباي اۋدانىنىڭ قاراۋىل اۋىلىندا اشىلدى.
– بٸزدٸڭ ماقساتىمىز اۋىل كٸتاپحاناسىن بالالار مەن جاستار بٸلٸم الاتىن, شىعارماشىلىقپەن اينالىساتىن, تسيفرلىق مٷمكٸندٸكتەردٸ پايدالاناتىن جەنە تۇرعىندار باس قوساتىن زاماناۋي قوعامدىق كەڭٸستٸككە اينالدىرۋ, – دەدٸ جانجٸگٸت ومارحان.
مەملەكەتتٸك تٸلدٸ دامىتۋ باعىتىندا 167 تٷسٸندٸرۋ جۇمىسى جٷرگٸزٸلٸپ, 1 755 نىسان قامتىلدى. 140-تان استام زاڭ بۇزۋشىلىق انىقتالىپ, ونىڭ 91-ٸ تالاپقا ساي رەتكە كەلتٸرٸلدٸ. مەملەكەتتٸك ورگانداردىڭ شىعىس قۇجات اينالىمىنداعى مەملەكەتتٸك تٸلدٸڭ ٷلەسٸ 97,2 پايىزدى قۇرادى.
اعىمداعى وقۋ جىلىنىڭ بٸرٸنشٸ كەزەڭٸندە 1 211 تىڭداۋشى قازاق, اعىلشىن, ورىس جەنە تاتار تٸلدەرٸ بويىنشا كۋرستارعا قاتىسىپ, ونىڭ 748-ٸ قازاق تٸلٸن وقىدى. قىسقا مەرزٸمدٸ تٸلدٸك كلۋبتاردا تاعى 181 ادام بٸلٸم الىپ, 386 تىڭداۋشىعا سەرتيفيكات بەرٸلدٸ.
ارحيۆ سالاسىندا 9 مەملەكەتتٸك ارحيۆ جۇمىس ٸستەيدٸ. ەسەپتٸ كەزەڭدە ارحيۆ قورى 2 969 ساقتاۋ بٸرلٸگٸنە تولىقتىرىلىپ, 1 629 ساقتاۋ بٸرلٸگٸ تسيفرلاندىرىلدى. تسيفرلانعان قۇجاتتاردىڭ جالپى كٶلەمٸ 16 045 ساقتاۋ بٸرلٸگٸنە جەتتٸ.
ٶڭٸردە مەملەكەتتٸك تٸزٸلٸمگە ەنگٸزٸلگەن 416 تاريح جەنە مەدەنيەت ەسكەرتكٸشٸ بار. ونىڭ 13-ٸ رەسپۋبليكالىق ماڭىزى بار. نەۆزوروۆتار وتباسى اتىنداعى مۋزەيدٸڭ تاريحي عيماراتىندا ەكٸ جىلدىق رەستاۆراتسييا باستالدى, ال ۆ.گ. چەرنىشەۆسكيي اتىنداعى №1 مەكتەپ عيماراتىنداعى جۇمىستار اياقتالدى.
مەدەنيەت ينفراقۇرىلىمى دا جاڭارتىلۋدا. بەسقاراعاي اۋدانىنداعى بەگەن, ەرنازار جەنە گلۋحوۆكا اۋىلدارىندا ٷش مەدەني نىسان سالىنىپ جاتىر. بيىل ٷرجار اۋدانىنىڭ جوعارعى ەگٸنسۋ جەنە اقسۋات اۋدانىنىڭ كٶكجىرا اۋىلدارىندا 100 ورىندىق ەكٸ اۋىلدىق كلۋب پايدالانۋعا بەرٸلدٸ.
فوتو: اباي وبلىسى ەكٸمدٸگٸ
فوتو: اباي وبلىسى ەكٸمدٸگٸ
فوتو: اباي وبلىسى ەكٸمدٸگٸ
