Abai oblysynda mádeniet, tilderdi damytý jáne arhiv isi salalarynda birqatar jumystar atqarylýda. Jyl basynan beri óńirde 4 954 mádeni is-shara ótkizildi. Bul týraly Óńirlik kommýnikatsiialar qyzmetiniń kóshpeli baspasóz máslihatynda Abai oblysynyń mádeniet, tilderdi damytý jáne arhiv isi basqarmasynyń basshysy Janjigit Omarhan baiandady.
Búginde oblysta mádeniet, tilderdi damytý jáne arhiv isi salasynda 299 nysan jumys isteidi. Onyń ishinde 137 kitaphana, 132 klýb pen mádeniet úii, 10 mýzei jáne 9 arhiv bar.
Mádeniet úileri men klýbtarda ótkizilgen is-sharalarǵa 386 myńnan astam adam qatysty. Sonymen qatar 468 úiirmege 6 993 adam qatysady, «Halyqtyq» ataǵy bar 59 shyǵarmashylyq ujym jumys isteidi.
Foto: Abai oblysy ákimdigi
– Abai atyndaǵy teatrdyń úsh shyǵarmashylyq trýppasynda 103 ártis eńbek etedi. Biyl qazaq mýzykalyq-drama trýppasy 8 jas aktermen tolyqty. Teatrda 195 spektakl kórsetilip, olardy 46 myńnan astam kórermen tamashalady, – dedi Janjigit Omarhan.
Ámire Qashaýbaev atyndaǵy memlekettik filarmoniiada 111 kontsert ótkizilip, 21 myńnan astam kórermen qamtyldy. «Abai eli – óner kenishi» oblystyq baiqaýyna 10 aýdannan 2 myńǵa jýyq ónerpaz qatysty. Al «Alakól alaýlary – 2026» festivaliniń kontserttik baǵdarlamalaryn 75 myń kórermen tamashalady.
Mýzeilerdiń qorynda 178 myńnan astam qundylyq saqtaýly, onyń 43 myńnan astamy tsifrlandyrylǵan. Mýzeilerde 851 is-shara ótkizilip, 76 myńnan astam kelýshi qabyldandy. Sonymen qatar 13 jańa ekspozitsiia jasalyp, 111 kórme uiymdastyryldy.
– Nevzorovtar otbasy atyndaǵy beineleý óneri mýzeii men F.M. Dostoevskiidiń ádebi-memorialdyq mýzeiinde jóndeý jumystary qolǵa alyndy. Sonymen birge Dostoevskii mýzeiiniń 55 jyldyǵyna arnalǵan halyqaralyq ǵylymi jáne mádeni is-sharalar ótkizildi, – dedi basqarma basshysy.
Kitaphana qorynda 2 millionnan astam kitap bar, onyń 927 myńnan astamy memlekettik tildegi ádebietter. Kitaphanalarda 4 621 is-shara ótkizilip, oǵan 130 myńnan astam adam qatysty. Turaqty oqyrmandar sany 123 myńnan asty.
«Qazaqstan halqyna» qoǵamdyq qorynyń qoldaýymen «Jana Klub» jobasy aiasynda 30 aýyldyq kitaphanany jańǵyrtý josparlanǵan. Birinshi kezeńge 15 kitaphana engizilip, alǵashqy jańartylǵan kitaphana Abai aýdanynyń Qaraýyl aýylynda ashyldy.
– Bizdiń maqsatymyz aýyl kitaphanasyn balalar men jastar bilim alatyn, shyǵarmashylyqpen ainalysatyn, tsifrlyq múmkindikterdi paidalanatyn jáne turǵyndar bas qosatyn zamanaýi qoǵamdyq keńistikke ainaldyrý, – dedi Janjigit Omarhan.
Memlekettik tildi damytý baǵytynda 167 túsindirý jumysy júrgizilip, 1 755 nysan qamtyldy. 140-tan astam zań buzýshylyq anyqtalyp, onyń 91-i talapqa sai retke keltirildi. Memlekettik organdardyń shyǵys qujat ainalymyndaǵy memlekettik tildiń úlesi 97,2 paiyzdy qurady.
Aǵymdaǵy oqý jylynyń birinshi kezeńinde 1 211 tyńdaýshy qazaq, aǵylshyn, orys jáne tatar tilderi boiynsha kýrstarǵa qatysyp, onyń 748-i qazaq tilin oqydy. Qysqa merzimdi tildik klýbtarda taǵy 181 adam bilim alyp, 386 tyńdaýshyǵa sertifikat berildi.
Arhiv salasynda 9 memlekettik arhiv jumys isteidi. Esepti kezeńde arhiv qory 2 969 saqtaý birligine tolyqtyrylyp, 1 629 saqtaý birligi tsifrlandyryldy. Tsifrlanǵan qujattardyń jalpy kólemi 16 045 saqtaý birligine jetti.
Óńirde memlekettik tizilimge engizilgen 416 tarih jáne mádeniet eskertkishi bar. Onyń 13-i respýblikalyq mańyzy bar. Nevzorovtar otbasy atyndaǵy mýzeidiń tarihi ǵimaratynda eki jyldyq restavratsiia bastaldy, al V.G. Chernyshevskii atyndaǵy №1 mektep ǵimaratyndaǵy jumystar aiaqtaldy.
Mádeniet infraqurylymy da jańartylýda. Besqaraǵai aýdanyndaǵy Begen, Ernazar jáne Glýhovka aýyldarynda úsh mádeni nysan salynyp jatyr. Biyl Úrjar aýdanynyń Joǵarǵy Eginsý jáne Aqsýat aýdanynyń Kókjyra aýyldarynda 100 oryndyq eki aýyldyq klýb paidalanýǵa berildi.
Foto: Abai oblysy ákimdigi
Foto: Abai oblysy ákimdigi
Foto: Abai oblysy ákimdigi
