20 قاراشادا استانادا يزرايلدىق تانىمال تەاتر جەنە كينو اكتەرٸ, رەجيسسەر, دراماتۋرگ ەpi مۋزىكانت ۆلاديمير فريدماننىڭ مەدەني كەشٸ ٶتتٸ. Ult.kz تٸلشٸسٸ كەش بارىسىندا ۆ. فريدمانمەن جٷزبە-جٷز سۇقباتتاسىپ, كەش تۋرالى پٸكٸرٸن بٸلٸپ, شىعارماشىلىعى جەنە اتاقتى رەجيسسەر اندرەي زۆياگينتسەۆپەن جۇمىسى تۋرالى سۇرادى.
مەدەني كەشتە گيتارانىڭ سٷيەمەلدەۋٸمەن ورىندالاتىن ەندەر, مۋزىكا جەنە جەكە ەستەلٸكتەر ارقىلى ٶنەر يەسٸ كٶرەرمەنگە ٶزٸنٸڭ ٶمٸرٸ مەن شىعارماشىلىق جولى تۋرالى سىر شەرتتٸ. رەسەيدە تۋىپ ٶسكەن ول ٶزٸنٸڭ يزرايلگە كونىس اۋدارۋى, جاڭا ەلدە ٶز ورنىن تابۋى, سونداي-اك يزرايل تەترى مەن كينو ٶنەرٸندەگٸ جولىنىڭ قالىپتاسۋى جايىندا ەستەلٸكتەرٸمەن بٶلٸستٸ.
— بۇل باعدارلامادا مەن ٶز ٶمٸرٸم, يزرايلمەن تانىستىعىم, تاعدىرىما ەسەر ەتكەن ادامدار مەن وقيعالار تۋرالى ەڭگٸمەلەيمٸن. دەگەنمەن ساحنادا قوزعايتىن تاقىرىپتارىمنىڭ كٶبٸ بارشا ادامعا ورتاق, ولار —تۋعان ٷي, ەستەلٸك, ماحاببات, تاڭداۋ جەنە ۋاقىت. كٶرەرمەندەر مەنٸڭ ەڭگٸمەلەرٸمدٸ تىڭداپ قانا قويماي, ولاردىڭ اراسىنان ٶز ٶمٸرٸنە جاقىن تۇستاردى دا تابادى دەپ ٷمٸتتەنەمٸ.

ۆلاديمير فريدمان استاناداعى كەشتە / فوتو: يزرايلدٸڭ قازاقستانداعى ەلشٸلٸگٸنٸڭ باسپاسٶز قىزمەتٸنەن
ەڭ جاقسى سەرٸكتەسٸم — گيتارا
جاڭا ەلگە كٶشكەندە ول شىعارماشىلىق سەرٸگٸ — گيتاراسىمەن قوش ايتىسامىن دەپ ويلاعان ەكەن. بٸراق تاعدىرى ونىڭ بارلىق قىرىنىڭ اشىلا تٷسۋٸنە مٷمكٸندٸك بەرٸپتٸ.
بٸز ودان مۋزىكا ول ٷشٸن جاي عانا حوببي مە, ەلدە اكتەرلٸك ماماندىقتا ايتىلمايتىن نەرسەنٸ جەتكٸزۋ تەسٸلٸ مە ەكەنٸن سۇرادىق. سوندا ول ٶزٸننٸڭ ەڭ الدىمەن تەاتر جەنە كينو اكتەرٸ ەكەنٸن ناقتىلاپ الدى. سودان كەيٸن:
— ساحنادا گيتارامەن ورىس تٸلٸندە ورىندايتىن ەندەرٸم ارقىلى ادامدارمەن دەل سول سەتتە بٶلٸسكٸم كەلەتٸن وقيعالاردى جەتكٸزەمٸن. بٸراق ونداي وقيعالار تۋرالى فيلمگە تٷسۋگە مٷمكٸندٸك بولماۋى نەمەسە لايىقتى رٶلدٸ ۇزاق كٷتۋٸم مٷمكٸن. سوندىقتان ەن ايتۋ – مەن ٷشٸن ٸشٸمدەگٸنٸ جەتكٸزۋدٸڭ بٸر جولى. ەڭ جاقسى سەرٸكتەسٸم – گيتارا. التى ٸشەك, ٷش مينۋت... وسى ۋاقىت ٸشٸندە جان دٷنيەڭدەگٸنٸ ەنمەن جەتكٸزە الاسىڭ. ياعني, ٶزٸڭٸز ايتقانداي, ٸشكٸ كٷيٸمدٸ, ايتقىم كەلگەن سىردى كەيٸپكەردٸڭ اتىنان ەمەس, بٸرٸنشٸ جاقتان, ٶز اتىمنان بٶلٸسۋگە مٷمكٸندٸك الامىن.
— ال سٸزگە نە جاقىن: تەاتر, كينو, ەلدە مۋزىكا ما?
— ٷشەۋٸ دە ماعان بٸردەي جاقىن. ولاردى بٸر-بٸرٸنەن بٶلٸپ-جارمايمىن. كٷندەلٸگٸمدٸ اشىپ قاراساڭىز, وندا كينو تٷسٸرٸلٸمدەرٸنٸڭ كٷندەرٸ, تەاترداعى رەپەتيتسييالار مەن سپەكتاكلدەر, سونداي-اق كونتسەرتتەر جازىلعان. بۇل – مەنٸڭ ٶمٸرٸمدەگٸ ٷش تٷرلٸ باعىت. ولاردىڭ بارلىعى ٶمٸرٸمنٸڭ اجىراماس بٶلٸگٸنە اينالعانىنا قۋانىشتىمىن. ٷشەۋٸ دە ماعان قىزىق.
اتالعان ٸس-شارا يزرايلدٸڭ قازاقستانداعى ەلشٸلٸگٸنٸڭ قولداۋىمەن ٶتٸپ وتىر. مەدەني كەشكە 150 دەن استام كٶرەرمەن قاتىستى. ولاردىڭ اراسىندا ٶنەر جەنە بٸلٸم سالاسىنىڭ ٶكٸلدەرٸ, جۋرناليستەر, ديپلوماتتار مەن قازاقستاننىڭ مەدەنيەت مەكەمەلەرٸنٸڭ ٶكٸلدەرٸ بولدى.

استاناداعى مەدەني كەش / فوتو: يزرايلدٸڭ قازاقستانداعى ەلشٸلٸگٸنٸڭ باسپاسٶز قىزمەتٸنەن
مينوتاۆردەگٸ رٶل جەنە اندرەي زۆياگينتسەۆپەن شىعارماشىلىق بايلانىس
ۆلاديمير فريدمان يزرايل كينەماتوگرافيياسىنداعى فيلمدەردە, تەلەحيكايالاردا جەنە تەاتر قويىلىمدارىندا سومداعان رٶلدەرٸمەن بەلگٸلٸ.
ونىڭ فيلموگرافيياسىندا «يانانىڭ دوستارى», «سىنعان قاناتتار», سونداي-اق ەيگٸلٸ اكتريسا, رەجيسسەر ناتالي پورتمان تٷسٸرگەن «ماحاببات پەن قاراڭعىلىق تۋرالى حيكايا» بار. ونىڭ كينوداعى سوڭعى تانىمال رٶلٸ بيىل «كانن» كينوفەستيۆالٸندە باس جٷلدە العان اندرەي زۆياگينتسەۆتٸڭ «مينوتاۆر» فيلمٸندەگٸ قالا مەرٸنٸڭ رٶلٸ.
فريدمان زۆياگينتسەۆتٸ «ۇلى رەجيسسەر» دەپ ەسەپتەيدٸ. رەجيسسەردىڭ شىعارماشىلىعىن كٶرەرمەن رەتٸندە سٷيٸپ تاماشالاعانىن ايتادى. بٸراق ونىڭ فيلمٸنە تٷسەمٸن دەگەن اكتەردىڭ ويىنا دا كٸرٸپ-شىقپاپتى.
بٸز سۇقباتتاسىمىزدان زۆياگينتسەۆپەن جۇمىس بارىسى تۋرالى, رەجيسسەردىڭ تٷسٸرٸلٸم الاڭىندا جۇمىس ٸستەۋ ەرەكشەلٸگٸ قانداي ەكەنٸن سۇرادىق.
— ول – تاڭعاجايىپ ادام, ٷلكەن سۋرەتكەر. سونىمەن قاتار ٶتە قاراپايىم, سابىرلى جان. العاشقى كەزدەسۋدەن-اق ونى جٷز جىلدان بەرٸ بٸلەتٸندەي, بۇرىننان بٸرگە جۇمىس ٸستەپ جٷرگەندەي ەسەردە بولدىم.
ول اكتەرلەرگە ەرەكشە سەنٸم ارتادى. سونداي سەتتە ەرٸكسٸز: «ول ماعان وسىنشا سەنٸم بٸلدٸرٸپ وتىر, ەندٸ ناشار ويناۋعا بولمايدى», – دەپ ويلايسىڭ. زۆياگينتسەۆپەن جۇمىس ٸستەۋ ٶتە جايلى. ول ساعان جاقىن تۋىسىڭداي ەسەر قالدىرادى. باسقا اكتەرلەردٸڭ بارلىعى دا ول تۋرالى وسىنداي پٸكٸردە.
زۆياگينتسەۆ ٶزٸن سىرت كٶزگە قالاي كٶرسەتەتٸنٸنە نەمەسە ۇلى رەجيسسەر رەتٸندەگٸ مەرتەبەسٸنە باس قاتىرمايدى. ول اكتەرلەرگە ەركٸندٸك بەرٸپ, شىعارماشىلىق تۇرعىدان اشىلۋىنا مٷمكٸندٸك جاسايدى. مۇنداي جاعدايدا جاقسى ويناماۋ مٷمكٸن ەمەس.
تٷسٸرٸلٸم الاڭىندا بەرٸمٸز بٸرتۇتاس, ۇيىمشىل كوماندا بولدىق. از ۋاقىتتىڭ ٸشٸندە جاقىن ارالاسىپ, بٸر-بٸرٸمٸزگە باۋىر باسىپ كەتتٸك.
اندرەي زۆياگينتسەۆ كانن كينوفەستيۆالٸنٸڭ ماراپاتىندا / فوتو: JP Pariente/SIPA/picture alliance
— فيلمدەگٸ سٸز سومداعان پەرسوناج كٷردەلٸ. ال سٸزگە فيلمدە ويناۋ قيىن بولدى ما?
— فيلمدە بٸرجاقتى جاقسى نەمەسە جامان كەيٸپكەرلەر جوق, ەر ادامنىڭ ٶز مٸنەزٸ مەن ۇستانىمى بار. مەن ويدان شىعارىلعان كراسنوبورسك قالاسىنىڭ ەكٸمٸن سومدايمىن. ول – جٷيەنٸڭ ادال قىزمەتشٸسٸ. وعان «ارنايى وپەراتسيياعا» قالا تۇرعىندارىنىڭ بەلگٸلٸ بٸر بٶلٸگٸن جٸبەرۋ تۋرالى تاپسىرما بەرٸلەدٸ. سودان كەيٸن ول ٶزٸنە باعىنىشتى زاۋىت باسشىلارىن جيناپ الىپ, ەرقايسىسىنا قانشا ادام بٶلۋ كەرەكتٸگٸن بۇيىرادى.
بٸر كٷنٸ ولار باس قوسىپ, بٸرگە اراق ٸشەدٸ. سول وتىرىس كەزٸندە ەكٸم زاۋىت باسشىلارىنا الدا جاڭا تاپسىرمالار تٷسەتٸنٸن جەنە ول ٷشٸن اقى تٶلەۋ قاجەتتٸگٸن ايتادى.
مۇنداي كەيٸپكەرلەر ٶمٸردە ٶتە كٶپ. مەن يزرايلدە 35 جىلدان بەرٸ تۇرامىن, ونداعى ٶمٸر مٷلدە باسقاشا. دەگەنمەن, بالا كەزٸمنەن كەڭەستٸك پارتييا حاتشىلارىن كٶرٸپ ٶسكەندٸكتەن, مۇنداي ادامداردىڭ بولمىسى ماعان تانىس. بٸر كٶرەرمەن كەيٸپكەرٸمنٸڭ چەليابٸ نەمەسە يركۋتسك وبلىسىنىڭ گۋبەرناتورىنا ۇقسايتىنىن جازىپتى. مەن ول ادامداردى كٶرمەسەم دە, ولاردىڭ قانداي قىزمەت اتقاراتىنىن بٸلەمٸن. سوندىقتان بۇل رٶلدٸ سومداۋ ماعان اسا قيىن بولعان جوق. كەيٸپكەردٸڭ مٸنەزٸ مەن ٸس-ەرەكەتٸ تٷسٸنٸكتٸ بولدى.
— تانىس بەينە, يە?
— يە, بەرٸ تٷسٸنٸكتٸ. بۇل – ادامداردىڭ بەلگٸلٸ بٸر تيپٸ. بەرٸمەن تٸل تابىسا الاتىن, قاي ورتادا دا ٶزٸنە تيٸمدٸ جول تاباتىن قۋ ادامدار. بارلىعىنا جاعىمدى كٶرٸنۋگە تىرىسادى. قاجەت كەزدە سەنٸ باسىپ تاستاسا, قاجەت ەمەس كەزدە ماقتاپ جٸبەرەدٸ. تەك ٶز مٷددەسٸن ويلايدى. مۇنداي ادامدار ەلگە نەمەسە باسقا جاعدايلارعا قاراماستان, بارلىق جەردە كەزدەسەدٸ. مەنٸڭ كەيٸپكەرٸم دە – سونداي تيپتەگٸ ادام.
الايدا اندرەي زۆياگينتسەۆتٸڭ ارقاسىندا ول ەلدەقايدا جارقىن كەيٸپكەر بولىپ شىقتى. وعان العىسىم شەكسٸز. فيلمدەگٸ ەكران ۋاقىتى از بولسا دا, كٶرەرمەننٸڭ ەسٸندە قالاتىن كەيٸپكەر بولدى. بۇل مەن ٷشٸن ٶتە جاعىمدى. ونىڭ ٷستٸنە, كەيٸپكەرٸمنٸڭ كٷلكٸلٸ تۇستارى دا بار. فرانتسييادا بولسىن, باسقا ەلدەردە بولسىن, كٶرەرمەندەردٸڭ ونىڭ ەرەكەتتەرٸنە بٸردەي كٷلەتٸنٸن بٸلەمٸن. بۇل دا مەنٸ قۋانتادى.

ۆلاديمير فريدمان استاناداعى كەشتە / فوتو: يزرايلدٸڭ قازاقستانداعى ەلشٸلٸگٸنٸڭ باسپاسٶز قىزمەتٸنەن
— «مينوتاۆر» فيلمٸنەن كەيٸن سٸزدٸ اكتەر رەتٸندە حالىقارالىق كينو ەلەمٸندە قالاي قابىلداي باستادى?
— يە, مەن تٷسكەن فيلم قازٸر كٶپتەگەن ەلدە كٶرسەتٸلٸپ جاتىر. سونىڭ نەتيجەسٸندە كٶرەرمەندەر بۇرىن بايقاماعان جاڭا اكتەردٸ تانىپ جاتىر. دەگەنمەن, ەزٸرگە مۇنداي ٶزگەرٸستٸ ٶزٸم سەزٸنە قويعان جوقپىن. ياعني تاڭەرتەڭنەن كەشكە دەيٸن جاڭا رٶلدەر تۋرالى ۇسىنىستار تٷسٸپ جاتقان جوق.
ەكٸنشٸ جاعىنان, اندرەي زۆياگينتسەۆتٸڭ ەسٸمٸ ەلەمگە جاقسى تانىس. بۇعان دەيٸن دە امەريكالىق جەنە فرانتسۋز فيلمدەرٸنە تٷسكەنمٸن. قازٸر اكتەرلەردٸڭ كاستينگتەن ٶتۋ پروتسەسٸ دە ٶزگەردٸ. Zoom پايدا بولعالى بەرٸ رەجيسسەرمەن كەزدەسٸپ, ارنايى بٸر جەرگە بارۋدىڭ قاجەتٸ جوق. ٶزٸڭدٸ ۇيالى تەلەفونعا تٷسٸرٸپ, رٶلدٸڭ مەتٸنٸن ويناپ, بەينەجازبانى جٸبەرەسٸڭ. قازٸر اكتەرلەردٸڭ باسىم بٶلٸگٸ وسىلاي جۇمىس ٸستەيدٸ. پاندەمييادان كەيٸن بۇل ەدٸس اكتەرلٸك ەلەمدە كەڭٸنەن قولدانىلا باستادى. مەن دە زۆياگينتسەۆتٸڭ كاستينگٸنە وسىلاي قاتىستىم.جالپى, ٷنەمٸ كاستينگتەرگە قاتىسىپ جٷرەمٸن. بٸراق ولاردىڭ نەمەن اياقتالاتىنىن ەشقاشان بٸلمەيسٸڭ. مىسالى, زۆياگينتسەۆتٸڭ كاستينگ-ديرەكتورىنىڭ ماعان قالاي تاپ بولعانىن ناقتى ايتا المايمىن. ول مەنٸڭ بۇعان دەيٸن باسقا فيلمگە تٷسۋ ٷشٸن جٸبەرگەن سىناق بەينەجازبامدى بٸر جەردەن كٶرگەن ەكەن. سودان كەيٸن مەنٸ دە بايقاپ كٶرۋگە بولادى دەپ شەشكەن. كاستينگكە باسقا دا كٶپتەگەن اكتەر قاتىسقان. اقىرىندا زۆياگينتسەۆ مەنٸ تاڭدادى. بۇل, ەرينە, جاعىمدى.
جالپى, بەرٸ وسىلاي ٶربيدٸ. بٸرەۋ سەنٸ بٸر جەردەن كٶرٸپ, بەلگٸلٸ بٸر رٶلگە لايىق دەپ ويلايدى. سودان كەيٸن بايلانىس دەرەكتەرٸڭدٸ تاۋىپ, حابارلاسادى دا, كاستينگكە شاقىرادى. ەگەر بەرٸ ويداعىداي بولسا, بٸرگە جۇمىس ٸستەيسٸڭ. مەن بۇل ٷشٸن ارنايى ەشتەڭە ٸستەمەيمٸن. بارلىعى وسىلاي ٶزدٸگٸنەن ٶربيدٸ.
— سٸز زۆياگينتسەۆتٸڭ شىعارماشىلىعىنا باس يەتٸنٸڭٸزدٸ ايتتىڭىز. بۇل اندرەي زۆياگينتسەۆتٸڭ فيلمٸ ەكەنٸن بٸلگەندە قۋانىشتان ستسەنارييمەن تانىسپاي, بٸردەن كەلٸستٸڭٸز بە?
— زۆياگينتسەۆ تٷسٸرٸلٸمگە قاتىساتىن اكتەرلەرگە ستسەنارييدٸ تولىق وقۋعا بەرمەيدٸ. باستى كەيٸپكەرلەردٸڭ رٶلٸن سومدايتىن اكتەرلەر عانا بٷكٸل ستسەنارييمەن تانىسادى, ٶيتكەنٸ وقيعا جەلٸسٸ سولاردىڭ اينالاسىندا ٶربيدٸ. ال باسقا اكتەرلەرگە ارتىق اقپارات بەرٸلمەيدٸ. مەنٸڭ كەيٸپكەرٸمنٸڭ وقيعاداعى ورنىنان تىس جايتتاردى بٸلۋٸم مٸندەتتٸ ەمەس. ونىڭ ٷستٸنە, رەجيسسەردٸڭ كٶرەرمەنگە جەتكٸزگٸسٸ كەلمەيتٸن قۇپييالارى دا بار.
دەگەنمەن, مەن ٷشٸن بۇل شەشۋشٸ مەسەلە ەمەس ەدٸ. «اندرەي زۆياگينتسەۆ» دەگەن ەسٸمدٸ كٶرگەن سەتتە-اق ۇسىنىسقا كەلٸسەر ەدٸم. بٸراق ماعان رٶلدٸ ۇسىنعاندا, بەرٸن ٷلكەن قۇرمەتپەن جەتكٸزدٸ. الدىمەن جوبا تۋرالى ايتىپ, ونىڭ ماعان قىزىقتى-قىزىقتى ەمەس ەكەنٸن سۇرادى.
مەن بۇل رەجيسسەردٸ كٶپتەن بەرٸ تانىپ, شىعارماشىلىعىن جاقسى كٶرٸپ كەلدٸم. بٸر كٷنٸ ونىڭ كٶمەكشٸلەرٸ حابارلاسىپ, كاستينگكە شاقىرعاندا, بۇل مەن ٷشٸن كٷتپەگەن جاعداي بولدى. ونىڭ ٷستٸنە, قازٸر زۆياگينتسەۆتٸڭ مەن تۋرالى جاقسى پٸكٸر ايتىپ جٷرگەنٸن بٸلەمٸن. بۇل ماعان شەكسٸز قۋانىش سىيلايدى.
مەن جاڭبىردى توقتاتا المايمىن
— قازٸر ەلەمدەگٸ ساياسي جاعداي شيەلەنٸسٸپ بارادى. ەركٸم ٶز مٷددەسٸن العا تارتىپ, تەك ٶزٸنٸڭ عانا ۇستانىمىن دۇرىس دەپ سانايدى. وسىنداي كٷردەلٸ ساياسي احۋال ٶنەرگە قالاي ەسەر ەتەدٸ? ٶنەر ادامدارى ٷشٸن قانداي دا بٸر كەدەرگٸلەر تۋىنداي ما? ەلدە, كەرٸسٸنشە, ساياسي داعدارىس شىعارماشىلىق شابىتقا سەرپٸن بەرە مە?
— ەلەمنٸڭ ەر تٷكپٸرٸندەگٸ داعدارىستار مەنٸ اكتەر رەتٸندە ەرەكشە شابىتتاندىرادى دەپ ايتا المايمىن. ەر ەلدەگٸ جاعداي ەرتٷرلٸ: بٸرٸندە بٸر مەسەلە بولسا, ەكٸنشٸسٸندە مٷلدە باسقا جاعداي قالىپتاسقان. بٷكٸل ەلەم جان-جاقتان قيراپ جاتقانداي كٶرٸنەدٸ. جاقىندا جاھاندىق جىلىنۋ دا كٷشەيەدٸ, سودان كەيٸن ەشكٸمگە ەشتەڭە ويناۋدىڭ قاجەتٸ بولماي قالۋى مٷمكٸن.
مەن بۇل جاعدايدى ٶزگەرتە المايمىن, تٷسٸنەسٸز بە? ٶزٸم بٸلەتٸن, قولىمنان كەلەتٸن ٸسپەن عانا اينالىسا الامىن: ادامدارعا ارناپ سپەكتاكل قويۋ, ەن ايتۋ. وسى جۇمىسىمدى جالعاستىرىپ كەلەمٸن. جاڭبىر جاۋسا, قولشاتىر الامىز, جاۋماسا, قولشاتىرسىز جٷرەمٸز. ٶيتكەنٸ مەن جاڭبىردى توقتاتا المايمىن عوي.
ەرينە, ادامدار بٸر-بٸرٸن جاقسى كٶرٸپ, ەلەمدە بەيبٸتشٸلٸك پەن مەڭگٸلٸك ٷيلەسٸم ورناسا, كەرەمەت بولار ەدٸ. بٸراق ەزٸرگە ولاي بولماي تۇر. ادامدار ٶزارا كەلٸسٸمگە كەلە الماي جاتىر. سوندىقتان قالىپتاسقان جاعدايدى قابىلدايمىن.
قازاقستانعا ەكٸنشٸ رەت كەلگەن ۆلاديمير فريدمان بۇعان دەيٸن, شامامەن 20 جىل بۇرىن, الماتىدا ەكٸ كونتسەرت بەرگەن. بۇل جولى استاناعا العاش رەت تابان تٸرەگەنٸمەن, قالانى ارالاپ كٶرۋگە ۋاقىتى بولماعان. سوعان قاراماستان, ەلوردا تۋرالى العاشقى ەسەرٸ جاقسى ەكەنٸن جەتكٸزدٸ. سونداي-اق اكتەر الماتىداعى كونتسەرتٸن, جەرگٸلٸكتٸ تەاتر جەنە ٶنەر اكادەميياسىنىڭ ستۋدەنتتەرٸمەن كەزدەسۋٸن جىلى ەسكە الدى.
ونىڭ ايتۋىنشا, قازاقستاندىق اكتەرلەرمەن شىعارماشىلىق تۇرعىدان ورتاق تٸل تابىسۋ قيىن ەمەس. ٶيتكەنٸ ٶنەر ادامدارى قاي ەلدە ٶمٸر سٷرسە دە, بٸردەي كەسٸبي ۇعىمدارمەن سٶيلەسەدٸ, ورتاق ماقسات-مٷددەلەرٸ بار. ەسٸرەسە, جاس اكتەرلەردٸڭ ٶنەرگە دەگەن ىنتاسى مەن وقىتۋشىلاردىڭ ەڭبەگٸ وعان ەرەكشە ەسەر قالدىرعان. فريدماننىڭ پٸكٸرٸنشە, ٶنەر مەن ادام اراسىنداعى بايلانىس ٷشٸن تٸلدٸڭ نەمەسە ەلدٸڭ ايىرماشىلىعى كەدەرگٸ بولا المايدى.