كەيدە ەنشٸنٸ حالىققا تانىتقان شىعارمانىڭ ٶزٸ كەيٸن ٷلكەن داۋعا سەبەپ بولادى. بٸرٸ پروديۋسەرٸمەن كەلٸسە الماي, بۇرىنعى ەندەرٸن ورىنداۋ مٷمكٸندٸگٸنەن ايىرىلسا, ەندٸ بٸرٸ جىلدار بويى شىرقاعان حيتٸمەن قوشتاسۋعا مەجبٷر بولعان. تٸپتٸ ٶز داۋسىمەن تانىلعان ەندٸ ورىنداۋعا اۆتورىنىڭ رۇقساتى قاجەت ەكەنٸن كەيٸن بٸلگەندەر دە بار. Ult.kz تٸلشٸسٸ ەندەرٸنٸڭ تاعدىرىنا قاتىستى قيىندىققا تاپ بولعان بەس ٶنەر يەسٸنٸڭ سۇحباتتارىن جيناقتادى.
1. ەركە ەسماحان "اللو" ەنٸنەن قالاي ايىرىلدى?

تانىمال ەنشٸ ەركە ەسماحاننىڭ شىعارماشىلىق جولىندا "اللو" ەنٸ ەرەكشە ورىن العانىمەن, كەيٸن ول تۋىندىنى ورىنداۋ مٷمكٸندٸگٸنەن ايىرىلعان.
بۇل تۋرالى ٶنەر يەسٸ 2017 جىلى بەرگەن سۇحباتىندا اشىق ايتقان. ەنشٸ "اللو" شىعارماسىنىڭ ٶز رەپەرتۋارىنان الىنعانىن مەلٸمدەگەن. ونىڭ ايتۋىنشا, ەننٸڭ اۆتورى تۋىندىنى باسقا ورىنداۋشىلارعا ساتىپ جٸبەرگەن. سونىڭ سالدارىنان ەركە بۇرىن ٶزٸ ورىنداپ جٷرگەن ەندٸ ەندٸ ايتا المايتىنىن جەتكٸزگەن. بۇل جاعداي وعان وڭاي تيمەگەنٸ سۇحباتىنان بايقالادى.
ٶنەر يەسٸ ەندٸ ٶزگە ورىنداۋشىلاردىڭ شىرقاپ جٷرگەنٸنە دە توقتالعان. ەسٸرەسە تٶرەعالي تٶرەەلٸنٸڭ شىعارمانى باسقا ەنشٸ قىزدارمەن ورىنداپ جٷرگەنٸن ايتقان. وسىلايشا كەزٸندە تىڭدارمانعا ٶز داۋىسىمەن جەتكٸزگەن تۋىندى ونىڭ رەپەرتۋارىنان شىعىپ قالعان.
2. ساندا بۇرىنعى ەندەرٸن ورىنداسا, زاڭ الدىندا جاۋاپ بەرۋٸ مٷمكٸن ەكەنٸن ايتتى

كەزٸندە ەرەكشە ستيلٸمەن تانىلعان ەنشٸ ساندا پروديۋسەر ەريك تاستەمبەكوۆپەن جۇمىسىن توقتاتقان سوڭ شىعارماشىلىق ٶمٸرٸندە ٷلكەن ٶزگەرٸستەر بولعانىن مەلٸمدەدٸ.
ٶنەر يەسٸ Stan.kz تٸلشٸسٸنە بەرگەن سۇحباتىندا بۇرىنعى پروديۋسەرٸمەن جەتٸ جىلعا كەلٸسٸمشارت جاساعانىن, بٸراق ٷش جىلدان كەيٸن ەكٸ جاققا كەتكەندەرٸن ايتقان. ونىڭ سٶزٸنشە, بۇعان مٸنەزدەرٸ مەن شىعارماشىلىق كٶزقاراستارىنىڭ سەيكەس كەلمەۋٸ سەبەپ بولعان. الايدا كەلٸسٸمشارتتى توقتاتۋ ەنشٸگە وڭايعا سوقپاعان. ساندا بۇرىنعى پروديۋسەرٸمەن بٸرگە جازعان ەندەرٸن ەندٸ ورىنداي المايتىنىن جەتكٸزدٸ. سەبەبٸ شىعارمالاردىڭ اۆتورلىق قۇقىقتارى ەريك تاستەمبەكوۆتٸڭ قولىندا بولعان. ەنشٸ ول تۋىندىلاردى رۇقساتسىز ورىنداسا, زاڭ الدىندا جاۋاپقا تارتىلۋى مٷمكٸن ەكەنٸن ايتقان. ال ەريك تاستەمبەكوۆ ٶز كەزەگٸندە كەلٸسٸمشارت مەرزٸمٸنەن بۇرىن بۇزىلعان جاعدايدا جازىلعان ەندەر مەن بەينەباياندار پروديۋسەردٸڭ يەلٸگٸندە قالاتىنىن مەلٸمدەگەن.
ساندا بۇل جاعدايدان كەيٸن بۇرىنعى رەپەرتۋارىنا سٷيەنبەي, جاڭا ەندەر جازۋعا كٸرٸسكەن. ول ەندٸگٸ شىعارماشىلىعىندا ٶزٸنٸڭ تالعامىنا ساي ەندەردٸ ورىنداپ, ۆوكالدىق مٷمكٸندٸگٸن تولىق كٶرسەتكٸسٸ كەلەتٸنٸن جەتكٸزدٸ.
3. تۇرار ىدىرىسوۆ بۇرىنعى پروديۋسەرٸمەن جۇمىسىن توقتاتقان سوڭ ەندەرٸن پايدالانا الماعان

2RAR ەسٸمٸمەن تانىلعان تۇرار ىدىرىسوۆ تا پروديۋسەرٸمەن ەكٸ جاققا كەتكەننەن كەيٸن بۇرىنعى ەندەرٸن پايدالانا الماي قالعانىن ايتقان.
ٶنەر يەسٸ 2023 جىلى Ernur.kz باسىلىمىنا بەرگەن سۇحباتىندا بۇل جاعدايدىڭ مەن-جايىن تٷسٸندٸردٸ. ونىڭ ايتۋىنشا, پروديۋسەر نازيرامەن ارالارىندا كەلٸسپەۋشٸلٸك تۋىنداعان. سونىڭ سالدارىنان ەكەۋٸ شىعارماشىلىق بايلانىسىن توقتاتۋعا شەشٸم قابىلداعان. بۇعان دەيٸن تاراپتار اراسىندا ارنايى كەلٸسٸمشارت بولعانىمەن, جۇمىس بەلگٸلەنگەن مەرزٸمگە دەيٸن جالعاسپاعان.
كەيٸن ەنشٸنٸڭ بۇرىنعى شىعارمالارى ينتەرنەتتەگٸ پاراقشالاردان جوعالا باستاعان. تۇرار سول كەزدە بۇل جاعدايعا قاتىستى بارلىق مەسەلە ەلٸ شەشٸلمەگەنٸن جەتكٸزگەن. ەنشٸ بۇرىنعى پروديۋسەرٸمەن جۇمىس ٸستەگەن ۋاقىتتا شىققان تۋىندىلاردى پايدالانا المايتىنىن دا جاسىرمادى. سوندىقتان ول جەكە شىعارماشىلىعىن قايتا باستاپ, قىسقا مەرزٸمدە جاڭا ەندەر شىعارۋعا كٸرٸسكەن. تۇرار ىدىرىسوۆ وسى ٶزگەرٸستەردەن كەيٸن جەكە البوم دايىنداپ, كونتسەرت ٶتكٸزۋدٸ جوسپارلاعانىن ايتقان.
4. نۇرلان ٶنەرباەۆ 37 جىل ايتقان "اناشىم" ەنٸمەن قوشتاستى

قازاقستاننىڭ ەڭبەك سٸڭٸرگەن قايراتكەرٸ نۇرلان ٶنەرباەۆ كٶپشٸلٸككە كەڭٸنەن تانىلعان "اناشىم" ەنٸن ەندٸ ورىندامايتىنىن مەلٸمدەگەن.
ەنشٸ بۇل شەشٸمٸنٸڭ سەبەبٸن Ontustik TV ارناسىنداعى "تاڭ نۇرى" باعدارلاماسىندا تٷسٸندٸردٸ. ونىڭ ايتۋىنشا, شىعارمانىڭ اۆتورى مارات وماروۆ ەندٸ ٶزٸ ورىنداعىسى كەلەتٸنٸن بٸلدٸرگەن. تٸپتٸ 2018 جىلى استانادا ٶتەتٸن كونتسەرتٸنٸڭ الدىندا كومپوزيتور ەندٸ ايتپاۋىن سۇراعان. نۇرلان ٶنەرباەۆ سول كەزدە اۆتوردىڭ ٶتٸنٸشٸنە كەلٸسٸم بەرگەنٸن جەتكٸزدٸ. الايدا كونتسەرتتەردە تىڭدارماندار سٷيٸكتٸ ەنٸن قايتا-قايتا سۇراي بەرگەن. ەنشٸ كەيدە كٶرەرمەنمەن بٸرگە شىعارمانىڭ قايىرماسىن شىرقايتىنىن ايتقان.
اقىرى 2023 جىلى الماتىداعى كونتسەرتٸندە 37 جىل بويى ورىنداعان تۋىندىسىمەن رەسمي تٷردە قوشتاسقان. ال مارات وماروۆ كەيٸن بەرگەن سۇحباتىندا ەنشٸگە زاڭ جٷزٸندە تىيىم سالماعانىن, نەگٸزگٸ رەنٸش اۆتورلاردىڭ ەسٸمدەرٸ اتالمايتىنىنا بايلانىستى ەكەنٸن تٷسٸندٸردٸ. وسىلايشا بٸر ەنمەن ۇزاق جىل بويى تانىلعان ٶنەر يەلەرٸ شىعارمانىڭ ورىندالۋىنا قاتىستى ەرتٷرلٸ ۇستانىم بٸلدٸرگەن.
5. BAYANSULU بەس ەنٸنٸڭ تاعدىرىنا بايلانىستى داۋعا تاپ بولدى

"اۋا رايى" ەنٸمەن تانىلعان BAYANSULU دا شىعارمالارىنىڭ اۆتورلىق قۇقىعىنا قاتىستى كەلٸسپەۋشٸلٸككە تاپ بولعان.
2026 جىلى ەنشٸ مەن كومپوزيتور قۋات ەبٸلوۆ اراسىنداعى داۋ ەلەۋمەتتٸك جەلٸدە جارييا بولدى. كومپوزيتور ورىنداۋشىعا بەس ەن جازىپ بەرگەنٸن ايتىپ, ولاردىڭ قاتارىندا "اۋا رايى", "ۇمىتسام دا", "كٷتەمٸن", "سوندايىم بار ەندٸ" جەنە "La La" شىعارمالارىن اتادى. ونىڭ مەلٸمدەۋٸنشە, بۇل تۋىندىلار ٷشٸن كەلٸسٸلگەن قالاماقى تولىق تٶلەنبەگەن. سوندىقتان ول ەندەردٸ مۋزىكالىق پلاتفورمالاردان الىپ تاستاپ, ورىنداۋعا رۇقسات بەرمەيتٸنٸن جەتكٸزدٸ.
الايدا BAYANSULU كومپوزيتوردىڭ بۇل مەلٸمدەمەسٸمەن كەلٸسپەيتٸنٸن اشىق ايتتى. ەنشٸنٸڭ سٶزٸنشە, "ۇمىتسام دا" شىعارماسىن 2024 جىلى اقىسىن تٶلەپ ساتىپ العان, بٸراق سول كەزدە جازباشا كەلٸسٸمشارت جاسالماعان. ول كەيٸن قالاماقى مٶلشەرٸ باستاپقى كەلٸسٸلگەن سومادان ٷش ەسە ٶسٸپ كەتكەنٸن مەلٸمدەدٸ. سونداي-اق كومپوزيتورمەن بەلگٸلٸ بٸر سوماعا كەلٸسكەندەرٸن, الايدا كەلٸسٸمشارتقا قول قويۋ كەزٸندە جاعداي قايتا ٶزگەرگەنٸن جەتكٸزدٸ. ەكٸ تاراپ بٸر-بٸرٸنٸڭ ۋەجٸن جوققا شىعارعاندىقتان, بەس ەننٸڭ ورىندالۋىنا قاتىستى مەسەلە اشىق داۋعا اينالدى.
ەندٸ تانىمال ەتكەن ادام ونىڭ يەسٸ بولا ما?
قازاق ەستراداسىنداعى بۇل وقيعالار ەنشٸ مەن اۆتوردىڭ اراسىنداعى كەلٸسٸمنٸڭ قانشالىقتى ماڭىزدى ەكەنٸن كٶرسەتەدٸ. كٶپ جاعدايدا تىڭدارمان تۋىندىنى العاش ورىنداعان نەمەسە ەلگە تانىتقان ادامنىڭ ەنٸ دەپ قابىلدايدى. الايدا شىعارمانىڭ مۋزىكاسى مەن سٶزٸن جازعان اۆتورلاردىڭ قۇقىقتارى بٶلەك قورعالادى. سوندىقتان ەنشٸنٸڭ ۇزاق جىل بويى ورىنداعان تۋىندىسىن كەيٸن دە ەركٸن پايدالانا الۋى جاسالعان كەلٸسٸمنٸڭ مازمۇنىنا بايلانىستى.
بٸرٸ سٷيٸكتٸ ەنٸمەن قوشتاسىپ, ەندٸ بٸرٸ جاڭا رەپەرتۋار جاساقتاۋعا مەجبٷر بولعان. ال كەيبٸر ٶنەر يەلەرٸنٸڭ ەنگە قاتىستى كەلٸسپەۋشٸلٸگٸ ەلٸ دە تالقىلانىپ كەلەدٸ.