مەملەكەت باسشىسى قاسىم-جومارت توقاەۆ اۋىل تۇرعىندارى مەن كەسٸپكەرلەرٸ تسيفرلىق ساۋدا الاڭدارىن, بانكتەر مەن لوگيستيكالىق كومپانييالاردىڭ مٷمكٸندٸكتەرٸن ەركٸن پايدالانا الۋى كەرەك ەكەنٸن ايتتى. سونداي-اق شاعىن شارۋاشىلىقتارى بار اۋدانداردا ٶنٸمدٸ قابىلدايتىن جەنە ساقتايتىن ورتالىقتار قۇرۋ قاجەتتٸگٸن اتاپ ٶتتٸ. بۇل تۋرالى پرەزيدەنت اۋىل شارۋاشىلىعى ەڭبەككەرلەرٸنٸڭ ٷشٸنشٸ فورۋمىندا ايتتى, دەپ حابارلايدى ult.kz.
قاسىم-جومارت توقاەۆتىڭ سٶزٸنشە, «اۋىل اماناتى» باعدارلاماسىنا بٷگٸنگە دەيٸن 150 ميلليارد تەڭگە بٶلٸنگەن. ونىڭ نەتيجەسٸندە اۋىلداردا 22 مىڭنان استام جۇمىس ورنى اشىلعان.
الايدا مەملەكەت باسشىسى وسى جۇمىس ورىندارىنىڭ قازٸرگٸ ۋاقىتتا ساقتالعان-ساقتالماعانىن انىقتاۋ كەرەكتٸگٸن ايتتى. سونداي-اق باعدارلامانىڭ اياسىن كەڭەيتۋ قاجەت ەكەنٸن جەتكٸزدٸ.
«تسيفرلىق ساۋدا الاڭدارىنىڭ جەنە بانكتەر مەن لوگيستيكالىق كومپانييالاردىڭ مٷمكٸندٸكتەرٸ اۋىل تۇرعىندارى مەن كەسٸپكەرلەرٸ ٷشٸن قولجەتٸمدٸ بولۋى كەرەك. ەندٸ وسى جۇمىستى تيٸمدٸ ۇيىمداستىرىپ, ٶنٸمدەردٸ تۇتىنۋشىعا جەتكٸزۋ جولىن ايقىندايتىن ناقتى كەلٸسٸمشارتتار جاساۋ كەرەك», – دەدٸ پرەزيدەنت.
سونىمەن قاتار مەملەكەت باسشىسى شاعىن شارۋاشىلىقتارى بار اۋدانداردا اۋىل شارۋاشىلىعى ٶنٸمدەرٸن قابىلدايتىن جەنە ساقتايتىن ورتالىقتار قۇرۋدى تاپسىردى.
ونىڭ ايتۋىنشا, مۇنداي ينفراقۇرىلىم بارلىق ٶندٸرۋشٸگە بٸردەي قولجەتٸمدٸ بولۋى تيٸس.