Memleket basshysy Qasym-Jomart Toqaev aýyl turǵyndary men kásipkerleri tsifrlyq saýda alańdaryn, bankter men logistikalyq kompaniialardyń múmkindikterin erkin paidalana alýy kerek ekenin aitty. Sondai-aq shaǵyn sharýashylyqtary bar aýdandarda ónimdi qabyldaityn jáne saqtaityn ortalyqtar qurý qajettigin atap ótti. Bul týraly Prezident aýyl sharýashylyǵy eńbekkerleriniń úshinshi forýmynda aitty, dep habarlaidy ult.kz.
Qasym-Jomart Toqaevtyń sózinshe, «Aýyl amanaty» baǵdarlamasyna búginge deiin 150 milliard teńge bólingen. Onyń nátijesinde aýyldarda 22 myńnan astam jumys orny ashylǵan.
Alaida Memleket basshysy osy jumys oryndarynyń qazirgi ýaqytta saqtalǵan-saqtalmaǵanyn anyqtaý kerektigin aitty. Sondai-aq baǵdarlamanyń aiasyn keńeitý qajet ekenin jetkizdi.
«Tsifrlyq saýda alańdarynyń jáne bankter men logistikalyq kompaniialardyń múmkindikteri aýyl turǵyndary men kásipkerleri úshin qoljetimdi bolýy kerek. Endi osy jumysty tiimdi uiymdastyryp, ónimderdi tutynýshyǵa jetkizý jolyn aiqyndaityn naqty kelisimsharttar jasaý kerek», – dedi Prezident.
Sonymen qatar Memleket basshysy shaǵyn sharýashylyqtary bar aýdandarda aýyl sharýashylyǵy ónimderin qabyldaityn jáne saqtaityn ortalyqtar qurýdy tapsyrdy.
Onyń aitýynsha, mundai infraqurylym barlyq óndirýshige birdei qoljetimdi bolýy tiis.