قازاقستاندىق شاحماتشى بيبٸسارا اساۋباەۆا مەن ٶزبەكستاندىق گروسسمەيستەر جاۆوحير سينداروۆتىڭ ٷيلەنۋ تويى ٶتەتٸنٸ بەلگٸلٸ بولدى. بۇل اقپاراتتى سينداروۆتىڭ اتاسى كوميل سينداروۆ راستادى, دەپ حابارلايدى ult.kz.
جۋرناليست وليمجون ۋساروۆتىڭ حابارلاۋىنشا, كوميل سينداروۆ نەمەرەسٸنٸڭ بولاشاق جارى تۋرالى پٸكٸر بٸلدٸرٸپ, ەكٸ شاحماتشىنىڭ وتباسىن قۇرۋ تۋرالى شەشٸمٸن قولدايتىنىن جەتكٸزگەن.
ونىڭ سٶزٸنشە, جاۆوحير ٷشٸن ٶمٸرلٸك سەرٸگٸنٸڭ شاحماتتى تٷسٸنۋٸ اسا ماڭىزدى. سەبەبٸ سپورتشى جىل بويى حالىقارالىق تۋرنيرلەرگە قاتىسىپ, ۋاقىتىنىڭ باسىم بٶلٸگٸن شەتەلدە ٶتكٸزەدٸ.
“ٷيلەنۋ تويى بولادى. بۇل نەكەدەن ٷمٸتٸمٸز زور. ەگەر جاۆوحير شاحماتتى تٷسٸنبەيتٸن قىزعا ٷيلەنسە, قيىندىقتار تۋىنداۋى مٷمكٸن. ول جىلدىڭ 12 ايىنىڭ 11 ايىن شەتەلدە, جارىستاردا ٶتكٸزەدٸ. جانىنداعى ادام ونىڭ ٶمٸر سالتىن تٷسٸنٸپ, ساپارلارىنا بٸرگە شىعۋى كەرەك. ال شاحماتقا قىزىقپايتىن جانعا مۇنداي ٶمٸرگە بەيٸمدەلۋ وڭاي ەمەس. سوندىقتان بۇل وداق بٸز ٷشٸن بارلىق جاعىنان قولايلى”, – دەدٸ كوميل سينداروۆ.
سونداي-اق ول بيبٸسارانىڭ قازاقستاندىق ەكەنٸن ەرەكشە اتاپ ٶتٸپ, بۇل نەكەنٸڭ ەكٸ ەل اراسىنداعى دوستىق قارىم-قاتىناسقا دا وڭ ىقپال ەتۋٸ مٷمكٸن ەكەنٸن ايتتى. وسى تۇستا كوميل سينداروۆ ەمٸر تەمٸر دەۋٸرٸندەگٸ ەۋلەتتەر اراسىنداعى نەكەلٸك وداقتار تۋرالى تاريحي مىسالدى ەسكە العان.
ايتا كەتەيٸك, بيبٸسارا اساۋباەۆا مەن جاۆوحير سينداروۆتىڭ قارىم-قاتىناسى 2026 جىلدىڭ كٶكتەمٸندە كٶپشٸلٸك نازارىن اۋدارعان ەدٸ. ەكٸ شاحماتشىنىڭ بٸرگە تٷسكەن سۋرەتتەرٸ مەن پاريجگە جاساعان ساپارىنان كەيٸن ولاردىڭ اراسىندا رومانتيكالىق بايلانىس بار ەكەنٸ تۋرالى ەڭگٸمە تاراعان. كەيٸن جاۆوحيردٸڭ وتباسى جاستاردىڭ قارىم-قاتىناسىنا قارسى ەمەس ەكەنٸ حابارلاندى. ەندٸ سپورتشىنىڭ اتاسى ٷيلەنۋ تويىنىڭ ٶتەتٸنٸن اشىق مەلٸمدەپ وتىر.
ەزٸرگە تويدىڭ ناقتى كٷنٸ مەن قاي جەردە ۇيىمداستىرىلاتىنى جارييالانعان جوق.
بيبٸسارا اساۋباەۆا مەن جاۆوحير سينداروۆ – حالىقارالىق شاحمات ارەناسىندا ٶنەر كٶرسەتٸپ جٷرگەن تانىمال گروسسمەيستەرلەر. ەكەۋٸ دە كەسٸبي سپورتتاعى جولىن جالعاستىرىپ, ەلەمدٸك دەڭگەيدەگٸ جارىستارعا قاتىسىپ كەلەدٸ.
بيبٸسارا اساۋباەۆا كٸم?
بيبٸسارا اساۋباەۆا – قازاقستاندىق شاحماتشى, حالىقارالىق گروسسمەيستەر جەنە بليتس شاحماتتان ٷش دٷركٸن ەلەم چەمپيونى. ول 2004 جىلى 26 اقپاندا تاراز قالاسىندا دٷنيەگە كەلگەن. شاحماتپەن بالا كەزٸنەن اينالىسىپ, جاسٶسپٸرٸمدەر اراسىنداعى حالىقارالىق جارىستاردا جوعارى نەتيجەلەر كٶرسەتە باستادى. 2011 جىلى برازيلييادا ٶتكەن جاسٶسپٸرٸمدەر اراسىنداعى ەلەم چەمپيوناتىندا 8 جاسقا دەيٸنگٸ قىزدار اراسىندا التىن مەدال جەڭٸپ الدى. بيبٸسارا قازاقستان اتىنان ەلەمدٸك دەڭگەيدەگٸ شاحمات تۋرنيرلەرٸنە قاتىسىپ, حالىقارالىق ارەنادا تانىمال بولدى. 2021 جىلى پولشانىڭ ۆارشاۆا قالاسىندا ٶتكەن ەلەم چەمپيوناتىندا بليتس شاحماتتان جەڭٸمپاز اتاندى. وسى جەتٸستٸگٸنٸڭ ارقاسىندا ول بليتستەن ەلەم چەمپيونى اتانعان ەڭ جاس شاحماتشى رەتٸندە گيننەستٸڭ رەكوردتار كٸتابىنا ەندٸ. سول جىلى راپيد شاحماتتان ەلەم چەمپيوناتىندا كٷمٸس مەدال يەلەندٸ.
2022 جىلى بليتستەن ەلەم چەمپيونى اتاعىن سەتتٸ قورعاپ, ەكٸنشٸ رەت قاتارىنان توپ جاردى. بۇل جەڭٸستەر ونى ەلەمدەگٸ ەڭ مىقتى جاس شاحماتشىلاردىڭ قاتارىنا قوستى. 2025 جىلى بيبٸسارا كلاسسيكالىق شاحمات بويىنشا حالىقارالىق گروسسمەيستەر اتاعىن الىپ, قازاقستاننان شىققان وسىنداي دەرەجەگە جەتكەن ەكٸنشٸ ەيەل شاحماتشى اتاندى. سول جىلدىڭ جەلتوقسانىندا كاتاردىڭ دوحا قالاسىندا ٶتكەن ەلەم چەمپيوناتىندا ۋكراينالىق اننا مۋزىچۋكتى جەڭٸپ, بليتستەن ٷشٸنشٸ مەرتە ەلەم چەمپيونى بولدى. بۇل جەڭٸسٸ وعان 2026 جىلعى ٷمٸتكەرلەر تۋرنيرٸنە قاتىسۋعا مٷمكٸندٸك بەردٸ. بيبٸسارا اساۋباەۆا سپورتتاعى جەتٸستٸكتەرٸمەن قازاقستان شاحماتىنىڭ حالىقارالىق بەدەلٸن ارتتىرۋعا ٷلەس قوسىپ كەلەدٸ. بٷگٸندە ول ەلەمدٸك دەڭگەيدەگٸ بەدەلدٸ جارىستارعا قاتىسىپ جٷرگەن ەلٸمٸزدٸڭ تانىمال شاحماتشىلارىنىڭ بٸرٸ.
