اكتريسا داريعا بادىقوۆا اكتەر ولجاس ابايمەن قارىم-قاتىناسى قالاي باستالعانىن جەنە ونىڭ ٷيلەنۋگە قالاي ۇسىنىس جاساعانىن ەڭگٸمەلەدٸ, دەپ حابارلايدى ult.kz.

ٶنەر يەسٸنٸڭ ايتۋىنشا, ولاردىڭ تانىستىعى بٸردەن ماحابباتقا ۇلاسپاعان. العاشىندا ەكەۋٸن جۇمىس پەن تٷسٸرٸلٸم الاڭى عانا بايلانىستىرعان. ەكەۋٸ دە مٸنەزدٸ, ٶز تالعامى مەن قالىپتاسقان ەلەمٸ بار ادامدار بولعاندىقتان, ورتاق تٸل تابىسۋ وڭايعا سوقپاعان. جيٸ سٶزگە كەلٸپ, بٸر-بٸرٸنە جول بەرگٸسٸ كەلمەگەن. ۋاقىت ٶتە كەلە عانا ەموتسيياعا ەرمەي, مەسەلەنٸ اقىلمەن شەشۋگە ٷيرەنگەن.

اكتريسا رەنجٸسٸپ قالعان كەزدەرٸندە ولجاستىڭ ساقينا, سىرعا نەمەسە گٷل سىيلاپ, تاتۋلاسۋعا قادام جاسايتىنىن جەتكٸزدٸ. دەگەنمەن ارالارىندا بٸر-بٸرٸن ەلەۋمەتتٸك جەلٸدە بۇعاتتاپ تاستاعان سەتتەر دە بولعان. بادىقوۆانىڭ سٶزٸنشە, ولارعا ماحاببات تا, وتباسىن قۇرۋ تۋرالى شەشٸم دە وڭاي كەلمەگەن. ەكەۋٸ دە جاۋاپكەرشٸلٸكتەن قورقىپ, بٸر كەزدەرٸ قارىم-قاتىناستى توقتاتۋعا كەلٸسكەن.

الايدا ەكٸ جاققا كەتكەنٸمەن, بٸرٸن-بٸرٸ ۇمىتا الماعان. اكتريسا ولجاس ەكەۋٸنٸڭ بٸر-بٸرٸنە قيىندىقتا سٷيەۋ بولۋدى ٷيرەتكەنٸن, سوندىقتان اجىراۋ ەكەۋٸنە دە اۋىر تيگەنٸن ايتتى. سول كەزەڭدە ولار ەكٸ قالادا جٷرگەن. داريعا كٶڭٸلٸن باسقاعا بۇرىپ, سٷيٸكتٸسٸن ۇمىتۋ ٷشٸن باليدەن دۋبايعا ۇشقان.

دۋبايدان قايتاتىن كٷنٸ تاڭەرتەڭ ولجاس حابارلاسىپ, جاعدايىن جەنە قاشان ورالاتىنىن سۇراعان. اكتريسا العاشقى حابارلاماعا جاۋاپ بەرمەگەن. ەكٸ ساعاتتان كەيٸن اكتەر ونى قاتتى ساعىنعانىن جازعان. داريعا دەل وسى سٶزدٸ كٷتكەنٸن, سودان كەيٸن بيلەت الىپ, ۇشىپ كەلگەنٸن جەتكٸزدٸ.

اكتريسانىڭ ايتۋىنشا, ەلگە ورالعان كٷنٸ ولجاس وعان سىرعا سىيلاپ, ٷيلەنۋگە ۇسىنىس جاساعان. وسىلايشا, تالاي رەنٸش پەن كٷمەندٸ باستان ٶتكەرگەن جۇپ بٸرگە بولۋعا شەشٸم قابىلداعان.

ايتا كەتەيٸك, داريعا بادىقوۆا ەركەكتەردٸڭ نامىسىنا تيدٸ.

داريعا بادىقوۆا كٸم? 
 

داريعا بادىقوۆا — قازاقستاندىق تەاتر جەنە كينو اكتريساسى, پروديۋسەر. ول 1985 جىلى 1 جەلتوقساندا جامبىل وبلىسىنىڭ مويىنقۇم اۋىلىندا دٷنيەگە كەلگەن. تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىندا مۋزىكالىق دراما جەنە رەجيسسۋرا باعىتى بويىنشا بٸلٸم العان. شىعارماشىلىق جولىندا رەجيسسەر بولات اتاباەۆتىڭ “اقساراي” مۋزىكالىق تەاترىندا ەڭبەك ەتكەن.

كٶپشٸلٸككە “قازاقشا بيزنەس” فيلمدەرٸندەگٸ ماقپال رٶلٸ ارقىلى تانىلعان. اتالعان كومەدييانىڭ بٸرنەشە بٶلٸمٸندە ويناعان. كەيٸن اكتەرلٸك قىزمەتٸمەن قاتار كينو ٶندٸرۋمەن اينالىسا باستاعان. “تاپتىم-اۋ سەنٸ” فيلمٸندە اكتريسا ەرٸ پروديۋسەر رەتٸندە جۇمىس ٸستەگەن. بۇل تۋىندىسىن مارقۇم ەكەسٸ مەن ۇستازى بولات اتاباەۆقا ارناعان. ونىڭ شىعارماشىلىق جۇمىستارىنىڭ اراسىندا “ىستىق ۇيا” فيلمٸ دە بار.