Aktrisa Dariǵa Badyqova akter Oljas Abaimen qarym-qatynasy qalai bastalǵanyn jáne onyń úilenýge qalai usynys jasaǵanyn áńgimeledi, dep habarlaidy ult.kz.

Óner iesiniń aitýynsha, olardyń tanystyǵy birden mahabbatqa ulaspaǵan. Alǵashynda ekeýin jumys pen túsirilim alańy ǵana bailanystyrǵan. Ekeýi de minezdi, óz talǵamy men qalyptasqan álemi bar adamdar bolǵandyqtan, ortaq til tabysý ońaiǵa soqpaǵan. Jii sózge kelip, bir-birine jol bergisi kelmegen. Ýaqyt óte kele ǵana emotsiiaǵa ermei, máseleni aqylmen sheshýge úirengen.

Aktrisa renjisip qalǵan kezderinde Oljastyń saqina, syrǵa nemese gúl syilap, tatýlasýǵa qadam jasaitynyn jetkizdi. Degenmen aralarynda bir-birin áleýmettik jelide buǵattap tastaǵan sátter de bolǵan. Badyqovanyń sózinshe, olarǵa mahabbat ta, otbasyn qurý týraly sheshim de ońai kelmegen. Ekeýi de jaýapkershilikten qorqyp, bir kezderi qarym-qatynasty toqtatýǵa kelisken.

Alaida eki jaqqa ketkenimen, birin-biri umyta almaǵan. Aktrisa Oljas ekeýiniń bir-birine qiyndyqta súieý bolýdy úiretkenin, sondyqtan ajyraý ekeýine de aýyr tigenin aitty. Sol kezeńde olar eki qalada júrgen. Dariǵa kóńilin basqaǵa buryp, súiiktisin umytý úshin Baliden Dýbaiǵa ushqan.

Dýbaidan qaitatyn kúni tańerteń Oljas habarlasyp, jaǵdaiyn jáne qashan oralatynyn suraǵan. Aktrisa alǵashqy habarlamaǵa jaýap bermegen. Eki saǵattan keiin akter ony qatty saǵynǵanyn jazǵan. Dariǵa dál osy sózdi kútkenin, sodan keiin bilet alyp, ushyp kelgenin jetkizdi.

Aktrisanyń aitýynsha, elge oralǵan kúni Oljas oǵan syrǵa syilap, úilenýge usynys jasaǵan. Osylaisha, talai renish pen kúmándi bastan ótkergen jup birge bolýǵa sheshim qabyldaǵan.

Aita keteiik, Dariǵa Badyqova erkekterdiń namysyna tidi.

Dariǵa Badyqova kim? 
 

Dariǵa Badyqova — qazaqstandyq teatr jáne kino aktrisasy, prodiýser. Ol 1985 jyly 1 jeltoqsanda Jambyl oblysynyń Moiynqum aýylynda dúniege kelgen. Temirbek Júrgenov atyndaǵy Qazaq ulttyq óner akademiiasynda mýzykalyq drama jáne rejissýra baǵyty boiynsha bilim alǵan. Shyǵarmashylyq jolynda rejisser Bolat Atabaevtyń “Aqsarai” mýzykalyq teatrynda eńbek etken.

Kópshilikke “Qazaqsha biznes” filmderindegi Maqpal róli arqyly tanylǵan. Atalǵan komediianyń birneshe bóliminde oinaǵan. Keiin akterlik qyzmetimen qatar kino óndirýmen ainalysa bastaǵan. “Taptym-aý seni” filminde aktrisa ári prodiýser retinde jumys istegen. Bul týyndysyn marqum ákesi men ustazy Bolat Atabaevqa arnaǵan. Onyń shyǵarmashylyq jumystarynyń arasynda “Ystyq uia” filmi de bar.