قازاقستان تاريحي دەستٷرلەرگە قۇرمەت پەن دٸني سەنٸم بوستاندىعىنىڭ زاماناۋي قاعيداتتارىن ۇشتاستىرا وتىرىپ, كونفەسسيياارالىق ديالوگتى جٷيەلٸ تٷردە دامىتىپ كەلەدٸ. ەلدە تٷرلٸ دٸني كونفەسسييالار اراسىنداعى ٶزارا ٸس-قيمىل باعىتىندا جيناقتالعان تەجٸريبە حالىقارالىق قاۋىمداستىقتىڭ قىزىعۋشىلىعىن تۋدىرىپ, حالىقتار اراسىنداعى سەنٸمدٸ نىعايتۋعا ىقپال ەتە الادى. مۇنداي پٸكٸردٸ جاپونييالىق جۋرناليست, Inter Press Service اگەنتتٸگٸنٸڭ ازييا-تىنىق مۇحيتى بيۋروسىنىڭ ديرەكتورى كاتسۋحيرو اساگيري بٸلدٸردٸ.
ول استاناعا ساپارى كەزٸندە قازاقستاننىڭ دٸني ەسكەرتكٸشتەرٸمەن, سەۋلەتٸمەن جەنە مەدەني مۇراسىمەن تانىسىپ, ٶز بايقاۋلارىمەن بٶلٸستٸ. جۋرناليستٸڭ باعالاۋىنشا, ەلدٸڭ ەرەكشەلٸگٸ – عاسىرلار بويى قالىپتاسقان رۋحاني دەستٷرلەر مەن قوعامدى دامىتۋدىڭ زاماناۋي تەسٸلدەرٸنٸڭ ٷيلەسٸمٸندە.
«قازاقستان – باي تاريحي مۇرا, دٸني ەرالۋاندىق پەن زاماناۋي ۇمتىلىستار بٸر-بٸرٸن ٷيلەسٸمدٸ تولىقتىراتىن مەملەكەتتەردٸڭ بٸرەگەي ٷلگٸسٸ», – دەدٸ كاتسۋحيرو اساگيري.
«مەنٸ ەسٸرەسە يسلام سەۋلەتٸنٸڭ دەستٷرلەرٸ قازاقتىڭ ۇلتتىق مەدەنيەتٸنٸڭ ەلەمەنتتەرٸمەن قانشالىقتى تابيعي ٷيلەسەتٸنٸ قىزىقتىردى», – دەپ اتاپ ٶتتٸ ول.
جۋرناليست ار-وجدان بوستاندىعىنىڭ قۇقىقتىق كەپٸلدٸكتەرٸنە, ٶزارا قۇرمەتكە جەنە ەر ادامنىڭ دٸني سەنٸمٸ مەن دەستٷرٸن ساقتاۋ مٷمكٸندٸگٸنە دە نازار اۋداردى. ونىڭ ايتۋىنشا, قازاقستان – دٸننٸڭ مەملەكەتتەن بٶلٸنۋٸ, ار-وجدان بوستاندىعى جەنە دٸني نانىمىنا قاراي كەمسٸتۋگە جول بەرمەۋ قاعيداتتارى كونستيتۋتسييا دەڭگەيٸندە بەكٸتٸلگەن زايىرلى مەملەكەت.
اساگيريدٸڭ پٸكٸرٸنشە, قۇقىقتىق كەپٸلدٸكتەر مەن ٶزارا قۇرمەت مەدەنيەتٸنٸڭ ٷيلەسۋٸ تٷرلٸ كونفەسسييا ٶكٸلدەرٸنٸڭ بەيبٸت قاتار ٶمٸر سٷرۋٸنە جاعداي جاسايدى.
جاپونييالىق جۋرناليست قازاقستاننىڭ كونفەسسيياارالىق ديالوگتى دامىتۋداعى حالىقارالىق رٶلٸنە دە توقتالدى. ونىڭ پايىمداۋىنشا, جاساندى ينتەللەكتٸنٸڭ دامۋى, كليماتتىڭ ٶزگەرۋٸ جەنە ادام قادٸر-قاسيەتٸن قورعاۋ سەكٸلدٸ جاھاندىق سىن-قاتەرلەر جاعدايىندا دٸني قاۋىمداستىقتار اراسىنداعى ٶزارا ٸس-قيمىلدىڭ ماڭىزى ارتىپ كەلەدٸ.
«مەنٸڭ ويىمشا, قازاقستان كونفەسسيياارالىق ديالوگتى حالىقارالىق ىنتىماقتاستىقتىڭ پەرمەندٸ قۇرالىنا اينالدىرۋعا جٷيەلٸ تٷردە ۇمتىلىپ كەلەدٸ», – دەدٸ جۋرناليست.
اساگيريدٸڭ پٸكٸرٸنشە, تٷرلٸ مەدەنيەتتەرگە اشىق بولۋ, ٶزگە ادامداردىڭ سەنٸمٸنە قۇرمەتپەن قاراۋ جەنە ورتاق شەشٸم ٸزدەۋگە دايىندىق جەكەلەگەن مەملەكەتتەر ٸشٸندە عانا ەمەس, حالىقارالىق دەڭگەيدە دە ٶزارا تٷسٸنٸستٸكتٸ نىعايتا الادى.
«قازاقستاننىڭ تەجٸريبەسٸ مەدەني ايىرماشىلىقتارعا قۇرمەتپەن قاراۋ مەن ديالوگقا اشىق بولۋ نەعۇرلىم بەيبٸت ەرٸ تۇراقتى بولاشاق قۇرۋدىڭ ماڭىزدى نەگٸزٸنە اينالا الاتىنىن كٶرسەتەدٸ», – دەپ تٷيٸندەدٸ ساراپشى.
