شەكەن ايمانوۆ اتىنداعى «قازاقفيلم» ۇلتتىق كينوستۋديياسىنىڭ ٶكٸلدەرٸ وڭتٷستٸك كورەيانىڭ پۋسان قالاسىندا ٶتكەن Asian Contents & Film Market 2026 حالىقارالىق كينونارىعىندا شەتەلدٸك كينوكومپانييالار مەن كينوفەستيۆالدەردٸڭ ٶكٸلدەرٸمەن كەزدەستٸ, دەپ حابارلايدى ult.kz قر مەدەنيەت جەنە اقپارات مينيسترلٸگٸنە سٸلتەمە جاساپ.
Asian Contents & Film Market (ACFM) – پۋسان حالىقارالىق كينوفەستيۆالٸ اياسىندا جىل سايىن ۇيىمداستىرىلاتىن حالىقارالىق كينونارىق.
ٸس-شاراعا «قازاقفيلم» اتىنان مادينا نٷسٸپبەكوۆا مەن ەسەم رامازانوۆا قاتىستى. ولار وڭتٷستٸك كورەيا, موڭعولييا, ٷندٸستان, شۆەتسييا, اقش, رەسەي جەنە قىرعىزستاننىڭ كينو سالاسى ٶكٸلدەرٸمەن كەلٸسسٶز جٷرگٸزدٸ.
ٷندٸستاننىڭ Ramoji Film City كينوستۋديياسى بٸرلەسٸپ كومەدييا جانرىنداعى فيلم تٷسٸرۋگە قىزىعۋشىلىق بٸلدٸردٸ. ال Tribeca جەنە مەسكەۋ حالىقارالىق كينوفەستيۆالدەرٸنٸڭ ٶكٸلدەرٸ قازاقستاندىق جاڭا فيلمدەردٸ فەستيۆال باعدارلاماسىنا ەنگٸزۋ مٷمكٸندٸگٸن قاراستىرۋ ٷشٸن ولاردىڭ ماتەريالدارىن سۇراتتى.
Bök Content, Sunrise Media Group كومپانييالارى جەنە Asiatiska Film Festival ۇيىمداستىرۋشىلارى قازاقستاندىق فيلمدەردٸ كٶرسەتۋ قۇقىعىن ساتىپ الۋ مٷمكٸندٸگٸن قاراستىرىپ جاتىر.
سونىمەن قاتار شەتەلدٸك سەرٸكتەستەر قازاقستان اۋماعىندا فيلم تٷسٸرۋگە جەنە «قازاقفيلم» كينوستۋديياسىنىڭ تٷسٸرٸلٸمگە قاجەتتٸ قۇرال-جابدىقتارىن پايدالانۋعا قىزىعۋشىلىق تانىتتى.
ACFM كينونارىعىنا قاتىسۋ شەتەلدٸك ەرٸپتەستەرمەن بٸرلەسٸپ فيلم تٷسٸرۋگە, قازاقستاندىق تۋىندىلاردى حالىقارالىق نارىققا شىعارۋعا جەنە ولاردىڭ بەدەلدٸ كينوفەستيۆالدەرگە قاتىسۋىنا جاڭا مٷمكٸندٸك اشادى.
