فوتو:primeminister.kz
قر پرەمەر-مينيسترٸ ولجاس بەكتەنوۆتٸڭ سولتٷستٸك قازاقستان وبلىسىنا جۇمىس ساپارى بارىسىندا بەرگەن تاپسىرمالارىن ٸسكە اسىرۋ ماقساتىندا پەتروپاۆل قالاسىندا اپاتتى جول ٶتپەسٸنٸڭ قۇرىلىسىن اياقتاۋعا 2,9 ملرد تەڭگە بٶلۋ تۋرالى ٷكٸمەت قاۋلىسى قابىلداندى.
اتالعان جوبانىڭ قالا ٷشٸن ماڭىزى زور, ٶيتكەنٸ 1961 جىلى سالىنعان اۆتوجول ٶتپەسٸ اپاتتى جاعدايدا.
تەمٸرجول ماگيسترالٸ قالانى ەكٸ بٶلٸككە بٶلەدٸ, كاراۆاننايا كٶشەسٸندەگٸ اۆتوجول ٶتپەسٸنەن كٷن سايىن 16 مىڭعا جۋىق اۆتوكٶلٸك قاتىنايدى, اۋداندار مەن وبلىس ورتالىعى اراسىنداعى كٶلٸك پەن جاياۋ جٷرگٸنشٸلەردٸڭ قوزعالىسىن قامتاماسىز ەتەدٸ. ونىڭ شاعىن ٶلشەمٸ مەن كٶلٸك اعىنىنىڭ جوعارى قارقىندىلىعىنا بايلانىستى اتالعان اۆتوجول ٶتپەسٸندە كٶلٸك قوزعالىسىن شەكتەمەي جٶندەۋ جۇمىستارىن جٷرگٸزۋ مٷمكٸن ەمەس, بۇل قالا تۇرعىندارى ٷشٸن قولايسىزدىق تۋدىرۋى مٷمكٸن.
وسىعان بايلانىستى, ۋنيۆەرسالنايا كٶشەسٸنٸڭ بويىندا بۇرىننان بار جولمەن قاتارلاستىرا جاڭا جول ٶتپەسٸن سالۋ تۋرالى شەشٸم قابىلداندى. جوبانىڭ جالپى قۇنى 5,9 ملرد تەڭگەنٸ قۇرايدى, ونىڭ بٸر بٶلٸگٸ جەرگٸلٸكتٸ بيۋدجەتتەن قارجىلاندىرىلعان.
ايتا كەتۋ كەرەك, وسى جىلدىڭ ناۋرىز ايىندا سقو-عا جۇمىس ساپارى بارىسىندا پرەمەر-مينيستر جول ٶتپەسٸنٸڭ قۇرىلىس الاڭىنا بارىپ, جۇمىس بارىسىمەن تانىستى. نىساننىڭ ماڭىزدىلىعى تۋرالى ايتا كەلە, ولجاس بەكتەنوۆ جول-كٶلٸك ينفراقۇرىلىمىن دامىتۋ ٷكٸمەت جۇمىسىنىڭ باسىمدىقتارىنىڭ بٸرٸ ەكەنٸن اتاپ ٶتتٸ. نىساننىڭ ماڭىزدىلىعى تۋرالى ايتا كەلە, ولجاس بەكتەنوۆ جول-كٶلٸك ينفراقۇرىلىمىن دامىتۋ ٷكٸمەت جۇمىسىنىڭ باسىمدىقتارىنىڭ بٸرٸ ەكەنٸن اتاپ ٶتتٸ.
