Foto:primeminister.kz
QR Premer-Ministri Oljas Bektenovtiń Soltústik Qazaqstan oblysyna jumys sapary barysynda bergen tapsyrmalaryn iske asyrý maqsatynda Petropavl qalasynda apatty jol ótpesiniń qurylysyn aiaqtaýǵa 2,9 mlrd teńge bólý týraly Úkimet qaýlysy qabyldandy.
Atalǵan jobanyń qala úshin mańyzy zor, óitkeni 1961 jyly salynǵan avtojol ótpesi apatty jaǵdaida.
Temirjol magistrali qalany eki bólikke bóledi, Karavannaia kóshesindegi avtojol ótpesinen kún saiyn 16 myńǵa jýyq avtokólik qatynaidy, aýdandar men oblys ortalyǵy arasyndaǵy kólik pen jaiaý júrginshilerdiń qozǵalysyn qamtamasyz etedi. Onyń shaǵyn ólshemi men kólik aǵynynyń joǵary qarqyndylyǵyna bailanysty atalǵan avtojol ótpesinde kólik qozǵalysyn shektemei jóndeý jumystaryn júrgizý múmkin emes, bul qala turǵyndary úshin qolaisyzdyq týdyrýy múmkin.
Osyǵan bailanysty, Ýniversalnaia kóshesiniń boiynda burynnan bar jolmen qatarlastyra jańa jol ótpesin salý týraly sheshim qabyldandy. Jobanyń jalpy quny 5,9 mlrd teńgeni quraidy, onyń bir bóligi jergilikti biýdjetten qarjylandyrylǵan.
Aita ketý kerek, osy jyldyń naýryz aiynda SQO-ǵa jumys sapary barysynda Premer-Ministr jol ótpesiniń qurylys alańyna baryp, jumys barysymen tanysty. Nysannyń mańyzdylyǵy týraly aita kele, Oljas Bektenov jol-kólik infraqurylymyn damytý Úkimet jumysynyń basymdyqtarynyń biri ekenin atap ótti. Nysannyń mańyzdylyǵy týraly aita kele, Oljas Bektenov jol-kólik infraqurylymyn damytý Úkimet jumysynyń basymdyqtarynyń biri ekenin atap ótti.
