پوليتسەيلەر سولسبەريدەگٸ سەرگەي سكريپال مەن قىزى تۇرعان ٷيدٸ قورشاپ تۇر. ۇلىبريتانييا, 3 سەۋٸر 2018 جىل.
اقش, فرانتسييا, گەرمانييا جەنە كانادا ۇلىبريتانييانىڭ رەسەيلٸك بۇرىنعى اگەنت سەرگەي سكريپال مەن قىزى يۋلييا سكريپالگە بيىل ناۋرىزدا سولسبەري قالاسىندا ۋ بەرٸپ قاستاندىق جاساۋعا رەسەيدٸڭ قاتىسى بار دەگەن ۇستانىمىن قولدادى, دەپ جازادى ازاتتىق.
بەس ەل باسشىلارى بٸرٸككەن مەلٸمدەمە جاساپ, رەسەيدٸ سكريپالدٸ ۋلاعان "نوۆيچوك" ۋىن جاساۋ تەسٸلٸن جارييالاۋعا شاقىردى.
5 قىركٷيەكتە تەرەزا مەي سكريپالدەردٸ كرەملدٸڭ بۇيرىعىمەن ەرەكەت ەتكەن رەسەي ارنايى قىزمەتٸنٸڭ قىزمەتكەرلەرٸ ۋلاعانىن مەلٸمدەگەن. ۇلىبريتانييا پروكۋراتۋراسى قاستاندىققا كٷدٸكتٸ الەكساندر پەتروۆ پەن رۋسلان بوشيروۆتىڭ سۋرەتٸن جارييالاپ, ولاردى ەۋروپا اۋماعىنا ەنە قالعان جاعدايدا دەرەۋ تۇتقىنداۋعا وردەر بەرگەن.
"بريتان بيلٸگٸنٸڭ مەلٸمدەمەسٸ شەتەل بارلاۋ قىزمەتتەرٸنٸڭ ٶز تەرريتورييامىزدا جاۋلىق پيعىلداعى ەرەكەتٸن توقتاتۋ, حيمييالىق قارۋعا تىيىم سالۋ, ازاماتتارىمىزدى جەنە ٶزٸمٸزدٸ بٸزگە قارسى زىميياندىقتان قورعاۋ نيەتٸمٸزدٸ بەكٸتە تٷسەدٸ" دەلٸنگەن بەس باسشىلارىنىڭ مەلٸمدەمەسٸندە.
ۇلىبريتانييا سكريپال سسسر تۇسىندا جاسالعان جٷيكەنٸ زاقىمدايتىن ۋلى "نوۆيچوك" زاتىنان ۋلانعان دەپ سانايدى. لوندون "سكريپال ٸسٸن" تەرگەۋ اياسىندا رەسەيدٸڭ 23 ديپلوماتىن ەلدەن شىعارعان. مەسكەۋ بۇعان جاۋاپ رەتٸندە بريتاندىق 23 ديپلوماتتى رەسەيدەن شىعارىپ, بريتان كەڭەسٸ بەيساياسي ۇيىمىنىڭ رەسەيدەگٸ ٶكٸلدٸگٸن جابۋ تۋرالى شەشٸم قابىلداعان. رەسەي بيلٸگٸ سكريپالگە قاستاندىق جاساۋعا قاتىسى بارىن تەرٸستەيدٸ.
