رەسەيدٸڭ 33 قالاسىندا 9 قىركٷيەكتە ٶتكەن زەينەتاقى رەفورماسىنا قارسىلىق اكتسييالارىندا پوليتسييا 839 ادامدى ۇستادى. بۇل تۋرالى "وۆد-ينفو" سايتى حابارلادى. 839 ادامنىڭ 324-ٸ سانكت-پەتەربۋرگتە تۇتقىندالدى. "فونتانكا" سايتىنىڭ حابارلاۋىنشا, بۇل قالاداعى ۇستالعاندار سانى 500 ادامعا جەتۋٸ مٷمكٸن. ەكاتەرينبۋرگتە 129 ادام ۇستالدى. "وۆد-ينفو" 829 ادام - اتى-جٶنٸ بەلگٸلٸ بولعان ادامدار ەكەنٸن, الايدا, "شىن مەنٸندە ۇستالعاندار سانى بۇدان كٶپ بولۋى مٷمكٸندٸگٸن" حابارلادى.
مەسكەۋدە 9 قىركٷيەك كٷنٸ كەشكە ەرقيلى مەلٸمەت بويىنشا ونداعان ادامدى پوليتسييا ۇستادى. "تەاترالنايا" مەترو ستانتسيياسىندا پوليتسييا شەرۋگە شىققانداردى سابادى.
مەسكەۋ پوليتسيياسى زەينەتكە شىعۋ جاسىن ۇلعايتۋعا قارسى ميتينگٸگە ەكٸ مىڭ ادام قاتىسقانىن ايتادى. ٶزگە مەلٸمەتتەر بويىنشا, پۋشكينسك الاڭىندا ٶتكەن اكتسيياعا بەس مىڭعا دەيٸن ادام قاتىستى. دەمونسترانتتار پۋشكين ەسكەرتكٸشٸ الدىنا "زەينەت" دەگەن جازۋى بار قارالى وقيعاعا ارنالعان گٷل شوعىن قويدى. جينالعاندار "بۇل رەفورما ەمەس, توناۋ!" جەنە "اقشامىزدى قايتارىڭدار!" دەپ ۇرانداتتى.
وپپوزيتسييالىق ساياساتكەر الەكسەي ناۆالنىيدىڭ سەرٸگٸ لەونيد ۆولكوۆتىڭ Twitter-دە جازۋىنشا, رەسەي بويىنشا زەينەتاقى رەفورماسىنا قارسىلىق اكتسييالارىنا 60 مىڭنان 80 مىڭعا دەيٸنگٸ ارالىقتا ادام قاتىستى. ۆولكوۆ بيلٸك رۇقسات بەرمەگەن قارسىلىق اكتسييالارىنا قاتىسقاندار سانىن دەل ەسەپتەۋدٸڭ قيىن ەكەنٸن ايتادى.
شٸلدەدە رەسەي پارلامەنتٸ ٷكٸمەتتٸڭ زەينەتكە شىعۋ جاسىن ەيەلدەرگە 63 جاسقا, ەرلەرگە 65 جاسقا دەيٸن ۇزارتۋ جوسپارىن الدىن الا تىڭدالىمدا ماقۇلداعان ەدٸ.
بۇدان سوڭ ونداعان قالادا مىڭداعان ازامات بۇل رەفورماعا قارسى شىعىپ, جاپپاي نارازىلىق اكتسييالارىن ٶتكٸزە باستاعان. قوعامدىق ساۋالناما نەتيجەلەرٸ بويىنشا, وسىنىڭ سالدارىنان پۋتيننٸڭ رەيتينگٸ كٷرت تٶمەندەگەن. پۋتين بۇعان جاۋاپ رەتٸندە 29 تامىزدا ٶتكەن تٸكەلەي ەفيردە ەيەلدەردٸڭ زەينەتكە شىعۋ جاسىن ٷكٸمەت جوسپارلاعان سەگٸز جىلدىڭ ورنىنا بەس جىلعا ۇزارتۋدى جەنە ٷش نەمەسە ودان دا كٶپ بالالى انالاردى زەينەتكە ەرتەرەك شىعارۋدى ۇسىنعان.
