قورعانىس مينيسترٸنٸڭ ورىنباسارى رەسەيدٸڭ ەمبٸ پوليگونى تەرريتوريياسىندا قانداي سىناقتار جٷرگٸزگەنٸن ايتىپ بەردٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
سەناتور مۇراتباي جولداسباەۆ پارلامەنت پالاتاسىنىڭ وتىرىسىندا قورعانىس مينيسترٸنٸڭ ورىنباسارىنان ەمدٸ سىناق پوليگونىندا قانداي قارۋ تٷرلەرٸنٸڭ قولدانىلعانىن سۇرادى.
"حيمييالىق نەمەسە بيولوگييالىق قارۋ تٷرلەرٸ قولدانىلدى ما? قانداي دا بٸر ەكولوگييالىق نەمەسە توپىراق-حيمييالىق ساراپتاما جٷرگٸزٸلدٸ مە? بۇل سۇراقتى جەرٸمٸزدٸڭ قانداي جاعدايدا قايتارىلىپ جاتقانىن تٷسٸنۋ ٷشٸن قويىپ وتىرمىن", - دەدٸ دەپۋتات.
مينيستردٸڭ ورىنباسارى پوليگوننىڭ 1960 جىلى زەرتتەۋ جۇمىستارىن, جاتتىعۋلاردى جٷرگٸزۋ ٷشٸن قۇرىلعانىن ايتتى.
"نەگٸزٸندە, ول جاقتا قۇرلىق ەسكەرٸنٸڭ ەۋە شابۋىلىنا قارسى قارۋى قولدانىلدى. بارلىق راكەتا وتىنمەن اتىلادى. باسقا قارۋلارعا قاراعاندا, مۇنىڭ تابيعاتقا زييانى جوق. سونىمەن قاتار, ٶتكەن جىلى بٸز ەكٸمدٸكپەن بٸرگە زەرتتەۋ جٷرگٸزدٸك, توپىراعىن تەكسەردٸك. زەرتحانا ساراپتاماسىنىڭ قورىتىندىسىندا نورمادان اساتىن جاعداي بولمادى", - دەپ حابارلادى وقاس ساپاروۆ.
سەنات دەپۋتاتى يكرام ادىربەكوۆتىڭ ايتۋىنشا, قازاقستان پرەزيدەنتٸ پوليگوندار سانىن ازايتۋدى تاپسىرعان.
"وسىعان بايلانىستى 2014-2016 جىلدار ارالىعىندا قاراعاندىدا, اتىراۋدا, قىزىلوردادا, اقتاۋدا جەنە باتىس قازاقستان وبلىسىندا, سارىشاعان پوليگونىندا, شۋدا قىسقارتىلىپ, 1,5 ميلليون گەكتار جەر بەرٸلگەن. بۇعان دەپۋتاتتارىمىزدىڭ ىقپالى بولعانىن بٸلەمٸز. وسىعان بايلانىستى بٸزدٸڭ قوعامدا تٷرلٸ دٷرلٸگۋ پايدا بولدى. قازٸر تىنىشتالدى", - دەدٸ سەناتور ادىربەكوۆ.
