رەسەي 22 جىل جالعا العان جەرلەردٸ قازاقستانعا قايتارىپ جاتىر. قر قورعانىس مينيسترلٸگٸنٸڭ ٶكٸلدەرٸ بۇل جەرلەردٸڭ قانداي ماقساتتا پايدالاناتىنىن ايتىپ بەردٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
"بٸر جاعىنان پوليگوندى جالعا بەرۋ ٷشٸن تٶلەنەتٸن 717 مىڭ دوللار (جىلىنا - اۆت.) پايدادان قاعىلىپ قالعاندايمىز. ال نەگٸزٸنەن بۇل جەرلەردٸ اۋىلشارۋاشىلىعى, پايدالى قازبالاردى بارلاۋ مەن ٶندٸرۋ ماقساتىندا پايدالانۋ ەكونوميكالىق تۇرعىدا تيٸمدٸرەك بولادى دەپ ويلايمىن", - دەيدٸ قر قورعانىس مينيسترٸنٸڭ ورىنباسارى تالعات مۇحتاروۆ جۋرناليستەرگە.
سونىمەن بٸرگە, پوليگون اۋماعىنىڭ ەكولوگييالىق جاعدايىن زەرتتەۋ ٷشٸن ارنايى كوميسسييا قۇرىلعانى ايتىلدى.
"عارىشتان تٷسٸرٸلٸم جاسالدى, پوليگون اۋماعى ەۋەدەن بارلاندى, جەردٸڭ قۇرامى ساراپتاماعا جٸبەرٸلدٸ. ساراپتاما قورىتىندىسى ادامدار مەن جانۋارلار, جالپى ەكولوگيياعا ەشقانداي زييان جوعى انىقتالدى", - دەپ اتاپ ٶتتٸ مۇحتاروۆ.
ەسكە سالايىق, رەسەي 22 جىلعا جالعا العان اقتٶبە وبلىسىنداعى 300 مىڭ گەكتارلىق ەمبٸ پوليگونىن قايتارادى. جالعا الۋ كەلٸسٸمٸنٸڭ مەرزٸمٸ 2017 جىلدىڭ 1 قاڭتارىندا اياقتالدى. مۇنىڭ الدىندا رەسەي قازاقستانعا پوليگون اۋماعىنداعى جىلجىمالى جەنە جىلجىمايتىن مٷلٸكتٸ قايتارعان بولاتىن. سونىڭ ٸشٸندە كازارمالىق 15 عيمارات بار.
