Resei 22 jyl jalǵa alǵan jerlerdi Qazaqstanǵa qaitaryp jatyr. QR Qorǵanys ministrliginiń ókilderi bul jerlerdiń qandai maqsatta paidalanatynyn aityp berdi, - dep habarlaidy "Ult aqparat" kaz.tengrinews.kz portalyna silteme jasap.
"Bir jaǵynan poligondy jalǵa berý úshin tólenetin 717 myń dollar (jylyna - avt.) paidadan qaǵylyp qalǵandaimyz. Al negizinen bul jerlerdi aýylsharýashylyǵy, paidaly qazbalardy barlaý men óndirý maqsatynda paidalaný ekonomikalyq turǵyda tiimdirek bolady dep oilaimyn", - deidi QR Qorǵanys ministriniń orynbasary Talǵat Muhtarov jýrnalisterge.
Sonymen birge, poligon aýmaǵynyń ekologiialyq jaǵdaiyn zertteý úshin arnaiy komissiia qurylǵany aityldy.
"Ǵaryshtan túsirilim jasaldy, poligon aýmaǵy áýeden barlandy, jerdiń quramy saraptamaǵa jiberildi. Saraptama qorytyndysy adamdar men janýarlar, jalpy ekologiiaǵa eshqandai ziian joǵy anyqtaldy", - dep atap ótti Muhtarov.
Eske salaiyq, Resei 22 jylǵa jalǵa alǵan Aqtóbe oblysyndaǵy 300 myń gektarlyq Embi poligonyn qaitarady. Jalǵa alý kelisiminiń merzimi 2017 jyldyń 1 qańtarynda aiaqtaldy. Munyń aldynda Resei Qazaqstanǵa poligon aýmaǵyndaǵy jyljymaly jáne jyljymaityn múlikti qaitarǵan bolatyn. Sonyń ishinde kazarmalyq 15 ǵimarat bar.
