شىمكەنتتە 21 جاستاعى ستۋدەنت نۇراي سەرٸكبايدىڭ ٶلٸمٸنە قاتىستى سوت پروتسەسٸ باستالدى. سوت وتىرىسىندا 29 جاستاعى شەرحان ايماحاننان جاۋاپ الىندى, دەپ حابارلايدى ult.kz Stan.kz-كە سٸلتەمە جاساپ.
سوتتالۋشىنىڭ ايتۋىنشا, ول نۇرايمەن 2025 جىلدىڭ جازىندا تانىسىپ, قارىم-قاتىناس قۇرعان. ايماحان قىزعا ٷنەمٸ اقشا اۋدارىپ, تٷرلٸ سىيلىقتار بەرگەنٸن جەنە قازان ايىندا وعان ٷيلەنۋگە شەشٸم قابىلداعانىن ايتتى.
الايدا 11 قاڭتاردا جاعداي كٷرت ٶزگەرگەن. ونىڭ سٶزٸنشە, سول كٷنٸ ول نۇرايدى كەزدەسۋگە شاقىرىپ, قارىم-قاتىناستى توقتاتاتىنىن ايتىپ, بۇرىن بەرگەن ساقينانى قايتارعان.
"ايىرىلىسىپ جاتىرمىز" دەسەم, ول اشۋلانىپ, ساقينانى لاقتىرىپ جٸبەردٸ. نۇراي كەۋدەمنەن ۇرىپ, ەدەپسٸز سٶزدەر ايتتى. قالتادا پىشاقتار بارىن سەزدٸم. كٸشٸسٸن الىپ شىعىپ, وعان بەردٸم دە, "ۇرعاننان گٶرٸ وسىنى تىق" دەدٸم. نۇراي پىشاق الىپ, وڭ جاق بٷيٸرٸمنەن ۇردى... ەرٸ قاراي نە بولعانى ەسٸمدە جوق", – دەدٸ سوتتالۋشى.
ايماحان سونىمەن بٸرگە نۇرايدىڭ تۋىستارى ولاردىڭ قارىم-قاتىناسىنان حاباردار بولعانىن جەنە كەزدەسۋلەرٸنە قارسى بولماعانىن مەلٸمدەدٸ.
نۇراي سەرٸكبايدىڭ ٶلٸمٸ قاڭتار ايىندا شىمكەنتتە بولعان. 21 جاستاعى ستۋدەنت پىشاق جاراقاتىنان وقيعا ورنىندا كٶز جۇمعان. تەرگەۋ بارىسىندا كٷدٸكتٸنٸڭ بۇعان دەيٸن قىزدىڭ سوڭىنان قالماي, تٸپتٸ ونى الىپ قاشقانى دا انىقتالعان.
وسى فاكتٸلەر بويىنشا پوليتسييا ادام ٶلتٸرۋ جەنە ستالكينگ باپتارىمەن قىلمىستىق ٸس قوزعاعان.
كەيٸن كٷدٸكتٸنٸڭ ۋاقىتشا ۇستاۋ يزولياتورىنان تالعارداعى پسيحيكالىق دەنساۋلىق ورتالىعىنا اۋىستىرىلعانى بەلگٸلٸ بولدى. وسىدان كەيٸن مارقۇمنىڭ جاقىندارى الاڭداۋشىلىق بٸلدٸرٸپ, ونىڭ پسيحيكالىق اۋرۋى تۋرالى انىقتاما الىپ, قىلمىستىق جاۋاپكەرشٸلٸكتەن قۇتىلىپ كەتۋٸ مٷمكٸن ەكەنٸن ايتقان.
الايدا كەيٸن ٸشكٸ ٸستەر مينيسترٸنٸڭ ورىنباسارى سانجار ەدٸلوۆ ايىپتالۋشىعا جٷرگٸزٸلگەن سوت-پسيحياترييالىق ساراپتامانىڭ قورىتىندىسىن جارييالادى. ونىڭ ايتۋىنشا, شەرحان ايماحان ەسٸ دۇرىس دەپ تانىلىپ, ٶز ەرەكەتٸنە جاۋاپ بەرە الاتىنى انىقتالعان. سوندىقتان ول زاڭ الدىندا جاۋاپ بەرەدٸ.
بۇعان دەيٸن نۇراي سەرٸكبايدىڭ وتباسى سوت وتىرىستارىن تٸكەلەي ەفيردە كٶرسەتۋدٸ تالاپ ەتكەن بولاتىن.
