ٷكٸمەت جول بويىنداعى سەرۆيس ستانسالارىن سالۋعا باعىتتالعان ٸرٸ ينۆەستيتسييالىق جوبانى ماقۇلدادى. جوبا اياسىندا ەلٸمٸزدٸڭ حالىقارالىق جەنە رەسپۋبليكالىق ماڭىزى بار اۆتوجولدارىنىڭ بويىندا 250 جاڭا سەرۆيس ستانساسىن سالۋ جوسپارلانىپ وتىر, دەپ حابارلايدى ult.kz.
پرەمەر-مينيستر قول قويعان قاۋلىعا سەيكەس, كٶلٸك مينيسترلٸگٸ مەن «Car Park Transformer» جشس اراسىندا جاڭارتىلاتىن ەنەرگييا كٶزدەرٸن پايدالانا وتىرىپ جول بويىنداعى قىزمەت كٶرسەتۋ نىساندارىن سالۋ جٶنٸندەگٸ ينۆەستيتسييالىق كەلٸسٸم بەكٸتٸلدٸ.
جوباعا تارتىلاتىن جەكە ينۆەستيتسييا كٶلەمٸ 179,5 ميلليارد تەڭگەنٸ قۇرايدى. قۇرىلىس جۇمىستارى 2030 جىلعا دەيٸن كەزەڭ-كەزەڭٸمەن جٷزەگە اسىرىلادى. ونىڭ ٸشٸندە العاشقى 50 نىسان بيىل سالىنىپ, پايدالانۋعا بەرٸلەدٸ.
جاڭا سەرۆيس ستانسالارى سانيتارلىق-تۇرمىستىق بٶلمەلەرمەن, ساۋدا جەنە قىزمەت كٶرسەتۋ ورىندارىمەن, ەلەكترلٸ كٶلٸكتەرگە ارنالعان قۋاتتاۋ بەكەتتەرٸمەن جەنە كٷن ەنەرگيياسىن ٶندٸرەتٸن قوندىرعىلارمەن جابدىقتالادى. سونداي-اق كەشەندەر اۋماقتى اباتتاندىرۋ جەنە كٶگالداندىرۋ جۇمىستارىن قامتيتىن زاماناۋي كٶپفۋنكتسيونالدى نىساندار رەتٸندە بوي كٶتەرەدٸ.
ٷكٸمەتتٸڭ مەلٸمەتٸنشە, جوبا حالىقارالىق ستاندارتتارعا ساي جول بويىنداعى قىزمەت كٶرسەتۋ ينفراقۇرىلىمىن دامىتۋعا, ەلەكتروموبيلدەرگە ارنالعان زاماناۋي جاعداي جاساۋعا جەنە ەكولوگييالىق شەشٸمدەردٸ ەنگٸزۋگە مٷمكٸندٸك بەرەدٸ.
سونىمەن قاتار جوبا اياسىندا شامامەن 2 مىڭ جاڭا جۇمىس ورنى اشىلادى. بۇل جول بويىنداعى سەرۆيستٸڭ ساپاسىن ارتتىرىپ قانا قويماي, جاقىن ماڭداعى ٶڭٸرلەردٸڭ ەلەۋمەتتٸك-ەكونوميكالىق دامۋىنا دا وڭ ەسەر ەتەدٸ.
قازٸرگٸ ۋاقىتتا قازاقستاندا حالىقارالىق جەنە رەسپۋبليكالىق ماڭىزى بار اۆتوجولدار بويىندا 1 428 سەرۆيس نىسانى جۇمىس ٸستەپ تۇر.
