سولتٷستٸك قازاقستان وبلىسىنىڭ پەتروپاۆل قالاسىندا جەدەل جەنە شۇعىل مەديتسينالىق جەردەم ستانساسىنىڭ جاڭا عيماراتى بوي كٶتەرەدٸ. قۇرىلىسقا ينفراقۇرىلىمدى دامىتۋ قورىنان 5,9 ملرد تەڭگە بٶلٸندٸ. ونىڭ 800 ملن تەڭگەگە جۋىعى مەديتسينالىق جابدىقتار ساتىپ الۋعا جۇمسالادى, دەپ حابارلايدى ult.kz.
جوبا مەملەكەت باسشىسى قاسىم-جومارت توقاەۆتىڭ ٶڭٸرلەردەگٸ دەنساۋلىق ساقتاۋ نىساندارىن سالۋ جەنە جاڭعىرتۋ جٶنٸندەگٸ تاپسىرماسى اياسىندا جٷزەگە اسىرىلىپ جاتىر.
قازٸر وبلىستىق جەدەل مەديتسينالىق جەردەم ستانساسى پەتروپاۆلداعى 22 بريگادانىڭ جەنە اۋىلدىق جەرلەردەگٸ 14 بٶلٸمشەنٸڭ جۇمىسىن ٷيلەستٸرەدٸ. ولار 510 مىڭنان استام تۇرعىنعا قىزمەت كٶرسەتەدٸ. ەر بريگادا تەۋلٸگٸنە ورتا ەسەپپەن 16 شاقىرتۋعا شىعادى. جىل سايىنعى شاقىرتۋلار سانى 100 مىڭنان اسادى.
جاڭا كەشەندە نە بولادى?
اۋماعى 1,5 گەكتار بولاتىن كەشەننٸڭ قۇرامىنا تٶرت قاباتتى عيمارات, تسيفرلىق ديسپەتچەرلٸك قىزمەت, سيمۋلياتسييالىق ورتالىق, 20 سانيتارييالىق كٶلٸككە ارنالعان جىلى گاراج, كٶلٸك جۋۋ ورنى جەنە جٶندەۋ شەبەرحاناسى كٸرەدٸ.
سونىمەن قاتار ارنايى تەحنيكا, مەديتسينالىق قۇرال-جابدىقتار مەن دەرٸلٸك زاتتاردى ساقتاۋعا ارنالعان بٶلمەلەر قاراستىرىلادى. پرەپاراتتاردى قاجەتتٸ تەمپەراتۋرادا ۇستاۋ ٷشٸن «سۋىق تٸزبەك» جابدىقتارىنا دا ەرەكشە كٶڭٸل بٶلٸنبەك.
قۇرىلىس جۇمىستارىن 2027 جىلعى جەلتوقساندا اياقتاۋ جوسپارلانعان.
جاڭا ستانسا ٸسكە قوسىلعان سوڭ شۇعىل شاقىرتۋلارعا جەتۋ ۋاقىتىن قىسقارتىپ, مەديتسينالىق كٶمەكتٸڭ جەدەلدٸگٸن ارتتىرۋ كٶزدەلٸپ وتىر. ال تسيفرلىق ديسپەتچەرلٸك بٶلمە قوڭىراۋلاردى جىلدام ٶڭدەپ, شاقىرتۋلاردىڭ باسىمدىعىن انىقتاۋعا جەنە بريگادالاردى تيٸمدٸ باعىتتاۋعا مٷمكٸندٸك بەرەدٸ.
ايتا كەتەيٸك, بيىل قازاقستاندا 50-گە جۋىق دەنساۋلىق ساقتاۋ نىسانىن سالۋعا 108 ملرد تەڭگە بٶلٸنگەن. ولاردىڭ قاتارىندا قىزىلوردا مەن ٶسكەمەندەگٸ كٶپسالالى اۋرۋحانالار, اتىراۋ وبلىسىنداعى ەمحانالار, بەسكٶل مەن تالدىقورعانداعى امبۋلاتورييالىق كەشەندەر بار. ٶسكەمەندە زاماناۋي گەماتولوگييا ورتالىعى دا پايدالانۋعا بەرٸلدٸ.
