قازاقستاندا Stadler كومپانيياسى شىعارعان جاڭا جولاۋشىلار ۆاگوندارى ٸسكە قوسىلادى. العاشقى پويىزدار استانادان الماتى مەن سەمەيگە قاتىنايدى. جاڭا ۆاگوندارعا بيلەتتەر ساتىلىمى 5 قاراشادا باستالدى, دەپ حابارلايدى ult.kz.
«قازاقستان تەمٸر جولى» مەلٸمەتٸنشە, 11 قاراشادا استانادان الماتىعا, ال 13 قاراشادا سەمەيگە العاشقى پويىزدار جولعا شىعادى.
جاڭا ۆاگوندارمەن №3/4 «نۇرلى جول – الماتى-2» جەنە №153/154 «نۇرلى جول – سەمەي» پويىزدارى قاتىنايدى. بيلەتتەردٸ قتج-نىڭ رەسمي سايتىنان نەمەسە تەمٸرجول ۆوكزالدارىنداعى كاسسالاردان ساتىپ الۋعا بولادى.
ۆاگوندار Stadler Kazakhstan زاۋىتىندا ەلٸمٸزدٸڭ كليماتتىق ەرەكشەلٸكتەرٸ مەن جولاۋشىلار تاسىمالىنا قويىلاتىن زاماناۋي تالاپتاردى ەسكەرە وتىرىپ جاسالعان.
كۋپە ۆاگوندارى 40 جولاۋشىعا, ال پلاتسكارت ۆاگوندارى 56 ادامعا ارنالعان.
جاڭا ۆاگونداردا:
- كليمات-باقىلاۋ جٷيەسٸ;
- جەكە جارىقتاندىرۋ قۇرالدارى;
- 220 ۆ ەلەكتر روزەتكالارى;
- USB جەنە USB-C پورتتارى;
- بەينەباقىلاۋ جٷيەسٸ قاراستىرىلعان.
سونداي-اق جٷرٸپ-تۇرۋى شەكتەۋلٸ جولاۋشىلارعا ارنايى جاعداي جاسالعان. پويىز قۇرامىنا ىستىق تاماق, سۋسىندار مەن جەڭٸل تاعامدار ساتىلاتىن بۋفەت ۆاگوندارى دا قوسىلادى.
جولاۋشىلار ۆاگونىن جاڭارتۋ مەملەكەت باسشىسىنىڭ تاپسىرماسى اياسىندا جٷزەگە اسىرىلىپ جاتىر. كەلٸسٸمشارت بويىنشا 2030 جىلعا دەيٸن قازاقستانعا 557 جاڭا ۆاگون كەزەڭ-كەزەڭٸمەن جەتكٸزٸلٸپ, ولارعا سەرۆيستٸك قىزمەت كٶرسەتٸلەدٸ.
