2026 جىلدىڭ العاشقى التى ايىندا قازاقستان مەن قىتاي اراسىنداعى جٷك تاسىمالىنىڭ كٶلەمٸ 18,7 ملن تونناعا جەتٸپ, ٶتكەن جىلدىڭ سەيكەس كەزەڭٸمەن سالىستىرعاندا 9%-عا ارتتى. بۇل تۋرالى كٶلٸك مينيسترلٸگٸ حابارلادى.
وسى كەزەڭدە قىتايدان قازاقستانعا 7 ملن توننا جٷك جەتكٸزٸلدٸ. بۇل ٶتكەن جىلدىڭ بٸرٸنشٸ جارتىجىلدىعىنان 9%-عا كٶپ. ال قازاقستاننان قىتايعا 11,7 ملن توننا جٷك جٶنەلتٸلٸپ, كٶرسەتكٸش 10%-عا ٶستٸ.
ەكسپورتتىق تاسىمال كٶلەمٸ ەرەكشە قارقىن كٶرسەتتٸ. قىتايعا جٶنەلتٸلگەن كەن, قۇراما جەم, قارا جەنە تٷستٸ مەتالدار, استىق, مۇناي جەنە مۇناي ٶنٸمدەرٸ سەكٸلدٸ جٷكتەردٸڭ جالپى كٶلەمٸ 8,5 ملن توننانى قۇراپ, بٸر جىلدا 20%-عا ارتقان.
جٷك اينالىمىنىڭ ٶسۋٸنە شەكارالىق ٶتكەلدەردٸڭ جۇمىسى ايتارلىقتاي ىقپال ەتتٸ. دوستىق شەكارالىق ٶتكەلٸ ارقىلى التى ايدا 10,6 ملن توننا جٷك تاسىمالدانىپ, ٶتكەن جىلدىڭ سەيكەس كەزەڭٸمەن سالىستىرعاندا 15%-عا كٶبەيدٸ. بۇل باعىتتاعى ەكسپورت كٶلەمٸ دە 15%-عا ٶسٸپ, 5,4 ملن تونناعا جەتتٸ.
التىنكٶل شەكارالىق ٶتكەلٸ ارقىلى 8,1 ملن توننا جٷك ٶتكٸزٸلدٸ. بۇل ٶتكەن جىلدىڭ بٸرٸنشٸ جارتىجىلدىعىنان 2%-عا جوعارى. ال اتالعان ستانتسييا ارقىلى ەكسپورتتىق تاسىمال 29%-عا ٶسٸپ, 3,1 ملن توننانى قۇرادى.
كٶلٸك مينيسترلٸگٸنٸڭ مەلٸمەتٸنشە, جٷك تاسىمالى كٶلەمٸنٸڭ ارتۋىنا قازاقستان مەن قىتاي تەمٸرجول ەكٸمشٸلٸكتەرٸنٸڭ بٸرلەسكەن جۇمىسى, شەكارالىق ينفراقۇرىلىمدى جاڭعىرتۋ جەنە ٶتكٸزۋ قابٸلەتٸن كەزەڭ-كەزەڭٸمەن ارتتىرۋ ىقپال ەتكەن.
جالپى, دوستىق پەن التىنكٶل ٶتكەلدەرٸ قازاقستان مەن قىتاي اراسىنداعى عانا ەمەس, ازييا مەن ەۋروپانى جالعايتىن حالىقارالىق كٶلٸك دەلٸزدەرٸنٸڭ ماڭىزدى لوگيستيكالىق توراپتارى رەتٸندە جٷك تاسىمالىنىڭ تۇراقتى ٶسٸمٸن قامتاماسىز ەتٸپ وتىر.
