قازاقستان ۇلتتىق بانكٸ بازالىق مٶلشەرلەمەنٸ 16,25%-عا دەيٸن تٶمەندەتتٸ. مٶلشەرلەمە +/-1 پايىزدىق پۋنكت دەلٸزٸمەن بەلگٸلەندٸ, دەپ حابارلايدى ult.kz.
ۇلتتىق بانكتٸڭ اقشا-كرەديت ساياساتى كوميتەتٸ مۇنداي شەشٸمدٸ ەلدەگٸ ينفلياتسييا قارقىنىنىڭ باياۋلاۋىنا جەنە ينفلياتسييالىق كٷتۋلەردٸڭ تٶمەندەۋٸنە بايلانىستى قابىلداعان.
2026 جىلعى تامىزدا جىلدىق ينفلياتسييا 9,8%-عا دەيٸن تٶمەندەدٸ. دەزينفلياتسييالىق پروتسەسس 11 اي قاتارىنان جالعاسىپ كەلەدٸ. ازىق-تٷلٸك ينفلياتسيياسى 9,5%-عا, ازىق-تٷلٸككە جاتپايتىن تاۋارلار باعاسىنىڭ ٶسۋٸ 11,4%-عا, ال سەرۆيستٸك ينفلياتسييا 8,9%-عا دەيٸن باياۋلاعان.
ايلىق ينفلياتسييا تامىزدا 0,6% بولدى. بازالىق ينفلياتسييا 0,7% دەڭگەيٸندە ساقتالدى.
ۇلتتىق بانك مەلٸمەتٸنشە, حالىقتىڭ الداعى بٸر جىلعا ينفلياتسييالىق كٷتۋلەرٸ دە تٶمەندەگەن. شٸلدەدە بۇل كٶرسەتكٸش 12,1% بولدى, ال ماۋسىمدا 13,4% بولعان ەدٸ. بۇل رەتتە نارىقتاعى كەسٸبي قاتىسۋشىلاردىڭ 2026 جىلدىڭ سوڭىنا ارنالعان ينفلياتسييالىق بولجامى 10% دەڭگەيٸندە ساقتالدى.
ۇلتتىق بانك 2026 جىلعى ينفلياتسييا بولجامىن 9-11% دەڭگەيٸندە قالدىردى. ال 2027 جىلعا ارنالعان بولجام 5,5-7,5%-دان 6,5-8,5%-عا دەيٸن كٶتەرٸلدٸ. بۇعان سىرتقى ينفلياتسييانىڭ كٷشەيۋٸ, رەتتەلەتٸن باعالار بويىنشا بولجامنىڭ قايتا قارالۋى جەنە فيسكالدىق ىنتالاندىرۋدىڭ ارتۋى سەبەپ بولعان.
سونىمەن قاتار ينفلياتسييا تەۋەكەلدەرٸنٸڭ تەڭگەرٸمٸ پروينفلياتسييالىق باعىتقا اۋىسقان. نەگٸزگٸ تەۋەكەلدەر ٸشكٸ سۇرانىستىڭ كەڭەيۋٸ, ينفلياتسييالىق كٷتۋلەردٸڭ تۇراقسىزدىعى, جانار-جاعارماي باعاسى مەن تكش تاريفتەرٸنٸڭ ٶزگەرۋٸمەن بايلانىستى.
قازاقستان ەكونوميكاسىنىڭ 2026 جىلعى ٶسٸمٸ 4,5-5,5% دەڭگەيٸندە بولجانىپ وتىر. 2027 جىلى جٸٶ ٶسٸمٸ شامامەن 4,5%, ال 2028 جىلى 4-5% بولادى دەپ كٷتٸلەدٸ.
ۇلتتىق بانك قازٸرگٸ ينفلياتسييا مەن ينفلياتسييالىق كٷتۋلەردٸڭ وڭ ديناميكاسى بازالىق مٶلشەرلەمەنٸ تٶمەندەتۋگە مٷمكٸندٸك بەرگەنٸن اتاپ ٶتتٸ. الايدا 2027 جىلعا قاتىستى پروينفلياتسييالىق فاكتورلاردىڭ كٷشەيۋٸنە بايلانىستى مٶلشەرلەمەنٸ ودان ەرٸ تٶمەندەتۋ مٷمكٸندٸگٸ شەكتەۋلٸ بولۋى مٷمكٸن.
بۇدان كەيٸنگٸ شەشٸمدەر ينفلياتسييا ديناميكاسىنا, ٸشكٸ سۇرانىسقا, ينفلياتسييالىق كٷتۋلەرگە, رەتتەلەتٸن باعالارعا, سونداي-اق فيسكالدىق جەنە كۆازيفيسكالدىق ىنتالاندىرۋ كٶلەمٸنە قاراي قابىلدانادى.
ۇلتتىق بانكتٸڭ بازالىق مٶلشەرلەمە بويىنشا كەلەسٸ جوسپارلى شەشٸمٸ 2026 جىلعى 23 قازاندا استانا ۋاقىتىمەن ساعات 12:00-دە جارييالانادى.
