سولتٷستٸك قازاقستان وبلىسىندا ەلەۆاتوردا استىق كەپتٸرۋ كەزٸندە ەكٸ جۇمىسشى اينالىپ تۇرعان مەحانيزمنەن جاراقات الىپ, اۋرۋحاناعا جەتكٸزٸلدٸ, دەپ حابارلايدى ult.kz.
سقو بويىنشا مەملەكەتتٸك ەڭبەك ينسپەكتسيياسى دەپارتامەنتٸنٸڭ مەلٸمەتٸنشە, وقيعا 3 قىركٷيەك كٷنٸ ساعات 16:00 شاماسىندا دۋبروۆنوە اۋىلىنداعى «اگروفيرما مامليۋتسكايا» جشس ەلەۆاتورىندا بولعان.
جۇمىسشىلار استىق كەپتٸرگٸش قوندىرعىسىندا دەننٸڭ كەپتٸرگٸشكە ٷزدٸكسٸز بەرٸلۋٸن باقىلاعان. سول سەتتە قوندىرعىنىڭ جوعارعى بٶلٸگٸندە جٷرگەن سلەساردٸڭ شالبارىنىڭ بالاعى اينالىپ تۇرعان بٸلٸككە ٸلٸنٸپ كەتكەن. كيٸمٸ مەحانيزمگە ورالىپ, جۇمىسشى سول اياعىنان اشىق سىنىق العان.
وعان كٶمەك كٶرسەتۋگە تىرىسقان ەرٸپتەسٸنٸڭ دە قولى مەحانيزمگە تٷسٸپ, وڭ جاق بٸلەگٸ سىنعان.
وقيعانى بايقاعان جۇمىسشىلار دەرەۋ ەلەكتر قۋاتىن ٶشٸرٸپ, قوندىرعىنى توقتاتقان. زارداپ شەككەندەرگە العاشقى مەديتسينالىق كٶمەك كٶرسەتٸلٸپ, جەدەل جەردەم شاقىرىلعان. ەكٸ جۇمىسشى دا اۋرۋحاناعا جەتكٸزٸلدٸ.
وقيعا مەملەكەتتٸك ەڭبەك ينسپەكتسيياسىنىڭ باقىلاۋىنا الىندى. قازٸر ٶندٸرٸستەگٸ جازاتايىم وقيعانىڭ ناقتى سەبەپتەرٸ مەن بارلىق مەن-جايى انىقتالىپ جاتىر.
ايتا كەتەيٸك, بۇعان دەيٸن جىل باسىنان بەرٸ ٶندٸرٸستە 727 جۇمىسشىنىڭ زارداپ شەككەنٸن حابارلاعان ەدٸك.
