«ۇماي» تۇرعىن ٷي باعدارلاماسىنا 855 ادامنان ٶتٸنٸش قابىلداندى. بارلىق قاتىسۋشى يپوتەكالىق نەسيە الۋعا الدىن الا ماقۇلداۋ العان, دەپ حابارلايدى ult.kz.
«وتباسى بانكٸنٸڭ» مەلٸمەتٸنشە, باعدارلاما اياسىنداعى يپوتەكانىڭ ورتاشا سوماسى 23,4 ملن تەڭگەنٸ قۇرادى.
ٶتٸنٸم قابىلداۋ 31 تامىز كٷنٸ ساعات 09:00-دە باستالعان. جوعارى سۇرانىسقا بايلانىستى العاشقى ترانشتىڭ 9 ملرد تەڭگەلٸك ليميتٸ سول كٷنٸ ساعات 16:00-دە تولىق يگەرٸلگەن. ەندٸ ماقۇلدانعان قاتىسۋشىلار باسپانا تاڭداپ, نەسيەنٸ رەسٸمدەي الادى.
باعدارلاماعا قاتىسۋشىلاردىڭ جاسى 18 بەن 63 جاس ارالىعىندا. قاتىسۋشىلاردىڭ ورتاشا جاسى – 39 جاس.
«ۇماي» باعدارلاماسىن قارجىلاندىرۋدى ازييا دامۋ بانكٸ ۇسىنعان.
سۇرانىستىڭ جوعارى بولۋىنا بايلانىستى «وتباسى بانكٸ» ەكٸنشٸ ترانشتى مەرزٸمٸنەن بۇرىن بٶلۋ تۋرالى ازييا دامۋ بانكٸنە ٶتٸنٸش جولدادى.
ٶتٸنٸم قابىلداۋ قاشان قايتا باستالاتىنى تۋرالى قوسىمشا اقپارات كەيٸنٸرەك جارييالانادى.
