«Umai» turǵyn úi baǵdarlamasyna 855 adamnan ótinish qabyldandy. Barlyq qatysýshy ipotekalyq nesie alýǵa aldyn ala maquldaý alǵan, dep habarlaidy ult.kz.
«Otbasy bankiniń» málimetinshe, baǵdarlama aiasyndaǵy ipotekanyń ortasha somasy 23,4 mln teńgeni qurady.
Ótinim qabyldaý 31 tamyz kúni saǵat 09:00-de bastalǵan. Joǵary suranysqa bailanysty alǵashqy transhtyń 9 mlrd teńgelik limiti sol kúni saǵat 16:00-de tolyq igerilgen. Endi maquldanǵan qatysýshylar baspana tańdap, nesieni rásimdei alady.
Baǵdarlamaǵa qatysýshylardyń jasy 18 ben 63 jas aralyǵynda. Qatysýshylardyń ortasha jasy – 39 jas.
«Umai» baǵdarlamasyn qarjylandyrýdy Aziia damý banki usynǵan.
Suranystyń joǵary bolýyna bailanysty «Otbasy banki» ekinshi transhty merziminen buryn bólý týraly Aziia damý bankine ótinish joldady.
Ótinim qabyldaý qashan qaita bastalatyny týraly qosymsha aqparat keiinirek jariialanady.
