پەتروپاۆل قالاسىندا قر پرەزيدەنتٸ نۇرسۇلتان نازارباەۆ پەن رف پرەزيدەنتٸ ۆلاديمير پۋتيننٸڭ قاتىسۋىمەن قازاقستان مەن رەسەيدٸڭ ٶڭٸرارالىق ىنتىماقتاستىعىنىڭ XV فورۋمى باستالدى, دەپ حابارلايدى قازاقپارات تٸلشٸسٸ.
فورۋم اياسىندا ەلٸمٸزدٸڭ تۋريستٸك ەلەۋەتٸ جەنە سالانى دامىتۋ جوسپارىنا قاتىستى قر مەدەنيەت جەنە سپورت مينيسترٸ ارىستانبەك مۇحامەديۇلىنىڭ بايانداماسى تىڭدالاتىنى كٷتٸلۋدە.
سونىمەن قاتار رەسەيدٸڭ تۋريزمگە جاۋاپتى ۆەدومستۆو ٶكٸلدەرٸ دە سالاداعى تىڭ ٷردٸستەر بويىنشا تانىستىرىلىم ٶتكٸزبەك. ال ەكٸ ەلدٸڭ وبلىستارىنىڭ باسشىلارى ىنتىماقتاستىقتى دامىتۋ شارالارىنا قاتىستى مەلٸمەتتەردٸ جارييا ەتەتٸن بولادى.
بۇدان بۇرىن حابارلانعانداي, نۇرسۇلتان نازارباەۆ پەن ۆلاديمير پۋتين فورۋم قارساڭىندا پەتروپاۆلدا اشىلعان «قازاقستان مەن رەسەيدەگٸ تۋريزمدٸ دامىتۋدىڭ جاڭا جولدارى مەن ٷردٸستەرٸ» اتتى كٶرمەمەن تانىستى.
كٶرمەگە ەلٸمٸزدٸڭ بارلىق ٶڭٸرٸ, كٶرشٸ مەملەكەتتٸڭ 11 ايماعى, سونداي-اق جەتەكشٸ تۋروپەراتورلار قاتىسۋدا. ەر ٶڭٸردٸڭ ەرەكشەلٸكتەرٸن تانىستىراتىن 40-تان استام ەكسپونات قويىلعان. مەسەلەن, رەسەيدٸڭ ومبى وبلىسى بولاشاقتىڭ قوناق ٷيٸن الا كەلگەن. ول - مٶلدٸر شار تەرٸزدەس ەكو-قوناق ٷي.
كٶرمەنٸڭ اشىلۋىنا سولتٷستٸك قازاقستان وبلىسىنىڭ ەكٸمٸ قۇمار اقساقالوۆ, قر مەدەنيەت جەنە سپورت مينيسترٸ ارىستانبەك مۇحامەديۇلى, رف تۋريزم بويىنشا فەدەرالدىق اگەنتتٸك باسشىسى ولەگ سافونوۆ قاتىستى.
شارا بارىسىندا بٸرقاتار كوممەرتسييالىق قۇجاتتارعا قول قويىلدى.
