Petropavl qalasynda QR Prezidenti Nursultan Nazarbaev pen RF Prezidenti Vladimir Pýtinniń qatysýymen Qazaqstan men Reseidiń Óńiraralyq yntymaqtastyǵynyń XV forýmy bastaldy, dep habarlaidy QazAqparat tilshisi.
Forým aiasynda elimizdiń týristik áleýeti jáne salany damytý josparyna qatysty QR Mádeniet jáne sport ministri Arystanbek Muhamediulynyń baiandamasy tyńdalatyny kútilýde.
Sonymen qatar Reseidiń týrizmge jaýapty vedomstvo ókilderi de saladaǵy tyń úrdister boiynsha tanystyrylym ótkizbek. Al eki eldiń oblystarynyń basshylary yntymaqtastyqty damytý sharalaryna qatysty málimetterdi jariia etetin bolady.
Budan buryn habarlanǵandai, Nursultan Nazarbaev pen Vladimir Pýtin forým qarsańynda Petropavlda ashylǵan «Qazaqstan men Reseidegi týrizmdi damytýdyń jańa joldary men úrdisteri» atty kórmemen tanysty.
Kórmege elimizdiń barlyq óńiri, kórshi memlekettiń 11 aimaǵy, sondai-aq jetekshi týroperatorlar qatysýda. Ár óńirdiń erekshelikterin tanystyratyn 40-tan astam eksponat qoiylǵan. Máselen, Reseidiń Omby oblysy bolashaqtyń qonaq úiin ala kelgen. Ol - móldir shar tárizdes eko-qonaq úi.
Kórmeniń ashylýyna Soltústik Qazaqstan oblysynyń ákimi Qumar Aqsaqalov, QR Mádeniet jáne sport ministri Arystanbek Muhamediuly, RF Týrizm boiynsha federaldyq agenttik basshysy Oleg Safonov qatysty.
Shara barysynda birqatar kommertsiialyq qujattarǵa qol qoiyldy.
