4 قاراشاعا قاراعان تٷنٸ ۋكراينا ەسكەرٸ رەسەيدٸڭ ادىگەيا رەسپۋبليكاسىنداعى ادىگەيسك قالاسىندا ورنالاسقان Ozon كومپانيياسىنىڭ قويماسىنا درونمەن سوققى جاسادى. شابۋىل سالدارىنان قويما اۋماعىندا ٶرت شىققان. قىزمەتكەرلەر قاۋٸپسٸز جەرگە ەۆاكۋاتسييالانىپ, زارداپ شەككەندەر تٸركەلمەگەن,, دەپ حابارلايدى ult.kz.
كومپانييانىڭ باسپاسٶز قىزمەتٸنٸڭ مەلٸمەتٸنشە, درون قويماعا تٷسكەننەن كەيٸن ٶرت تۇتانعان. وقيعا ورنىنا تٶتەنشە جاعدايلار قىزمەتٸنٸڭ ماماندارى مەن قۇتقارۋشىلار جۇمىلدىرىلعان.
ادىگەيا رەسپۋبليكاسىنىڭ باسشىسى مۇرات قۇمپيلوۆ تە شابۋىل بولعانىن راستادى. ونىڭ حابارلاۋىنشا, ٶرتتٸ سٶندٸرۋگە تٶتەنشە جاعدايلار مينيسترلٸگٸنٸڭ كٷشتەرٸ مەن قۇتقارۋ قىزمەتتەرٸ تارتىلعان.
ادىگەيسك قالاسىنداعى قويما Ozon كومپانيياسىنىڭ ۋكراينا قارۋلى كٷشتەرٸ شابۋىل جاساعان 12-لوگيستيكالىق ورتالىعى بولعان.
