فوتو:primeminister.kz
قازاقستان پرەمەر-مينيسترٸ ولجاس بەكتەنوۆ باتىس قازاقستان وبلىسىندا سۋ تاسقىنى سالدارىنان زارداپ شەككەن, شالعايدا ورنالاسقان قاراتٶبە اۋدانى قورجىن اۋىلىنا باردى.
مۇندا قيراعان ٷيلەردٸڭ ورنىنا بٸر پەتەرلٸ 90 تۇرعىن ٷي سالىنىپ جاتىر. ٸرگەتاس قۇرىلىسى بويىنشا جۇمىس تولىعىمەن اياقتالعان. بٷگٸنگٸ تاڭدا 34 ٷيدٸڭ قابىرعاسى تۇرعىزىلىپ, 56 ٷيدٸڭ تٶبەسٸ جابىلىپ جاتىر. نىسانداردىڭ جالپى دايىندىعى 50%-عا جەتەدٸ.
بۇعان دەيٸن پرەمەر-مينيستردٸڭ تاپسىرماسى بويىنشا ۋچاسكەدە جۇمىس ٸستەيتٸندەردٸڭ سانى 30%-عا ارتقان بولاتىن. قازٸرگٸ ۋاقىتتا نىسانداردا 288 ادام جۇمىس ٸستەيدٸ. جۇمىس كەستەگە سەيكەس جٷرگٸزٸلۋدە.
ولجاس بەكتەنوۆ سالىنىپ جاتقان قۇرىلىستاردىڭ ساپاسىنا ەرەكشە نازار اۋداردى.
قورجىن اۋىلىندا 6 مەردٸگەر ۇيىم جۇمىس ٸستەيدٸ. قۇرىلىس-مونتاجداۋ جەنە جٶندەۋ-قالپىنا كەلتٸرۋ جۇمىستارىن جٷرگٸزۋ كەزٸندە بەكٸتٸلگەن قۇرىلىس نورمالارىنىڭ تالاپتارى بۇزىلعان جاعدايدا قۇرىلىس كومپانييالارى جاۋاپكەرشٸلٸككە تارتىلاتىنى اتاپ ٶتٸلدٸ.
جوباعا سەيكەس ٷيلەردە قالىڭدىعى 400 مم تاسپالى ٸرگەتاس قاراستىرىلعان, ٸرگەتاستىڭ تٷبٸنەن بيٸكتٸگٸ 1500 مم بولادى. قابىرعالاردى تۇرعىزۋعا قاپتالعان سيليكاتتى قىزىل كٸرپٸش, كەرامزيتتٸ بلوك, مينەرالماقتا پليتاسى قولدانىلۋدا. سونداي-اق جوبادا ينجەنەرلٸك جەلٸلەردٸ جٷرگٸزۋ كٶزدەلگەن.
پرەمەر-مينيستر قۇرىلىس-جٶندەۋ جۇمىسى بارىسىندا وتاندىق ٶندٸرٸس ماتەريالدارىن پايدالانۋدىڭ ماڭىزىن اتاپ ٶتتٸ.
ەلەۋمەتتٸك ينفراقۇرىلىمعا كەلسەك: اۋىلدا قازٸرگٸ ۋاقىتتا جٶندەۋ جۇمىستارى جٷرگٸزٸلٸپ جاتقان 400 ورىنعا ارنالعان مەكتەپ بار. سونىمەن قاتار جاڭا ٷيلەردٸڭ بولاشاق تۇرعىندارى ٷشٸن بالالار الاڭى سالىنادى.
«جۇمىستا كەمشٸلٸكتەر بولماۋى كەرەك. مەملەكەت باسشىسى ٷيلەردٸڭ تيٸستٸ ساپاسىن قامتاماسىز ەتۋدٸ تاپسىردى. تۇرعىن ٷيلەردٸ بارلىق ينجەنەرلٸك جەلٸلەرگە بٸردەن قوسۋ قاجەت. بۇل رەتتە جول ينفراقۇرىلىمى مەن ەلەۋمەتتٸك نىسانداردى تەزٸرەك قالپىنا كەلتٸرۋدٸ قامتاماسىز ەتۋ ماڭىزدى. اۋرۋحانالار, مەكتەپتەر مەن بالاباقشالار ساپا مەن تەحنيكالىق جاراقتاندىرۋدىڭ زاماناۋي تالاپتارىن ەسكەرە وتىرىپ سالىنۋى كەرەك», — دەپ اتاپ ٶتتٸ ولجاس بەكتەنوۆ.
جاۋاپتى مينيسترلٸكتەر مەن ەكٸمدٸككە بٸرقاتار تاپسىرما بەرٸلدٸ.
انىقتاما: باتىس قازاقستان وبلىسىندا 775 ٷيدٸڭ قۇرىلىسى باستالدى, 2 248-ٸ قايتالاما نارىقتان ساتىپ الىنادى, 1 383 نىسان جٶندەلەدٸ. ٷيلەر مەن ساياجايلاردى جٶندەۋ جۇمىستارى 82,3%-عا اياقتالدى. ٷي سالۋ ٷشٸن 59 مەردٸگەر ۇيىم انىقتالدى. ورال قالاسىندا 374 نىسان جەنە اۋىلدىق جەرلەردە تاعى 401 ٷي سالىنىپ جاتىر. جالپى دايىندىق 66% قۇرايدى.
سۋ تاسقىنىنان 12 ەلەۋمەتتٸك مەكەمە, 53 كٶلٸك ينفراقۇرىلىمى وبەكتٸسٸ, 43 گيدروتەحنيكالىق قۇرىلىم زارداپ شەكتٸ — بارلىعى بويىنشا تيٸستٸ جۇمىستار جٷرگٸزٸلۋدە. ٶڭٸرلٸك كوميسسييا سۋ تاسقىنىنان زارداپ شەككەندەرگە تٶلەمدەر بەرۋ جۇمىسىن اياقتادى. مەسەلەن, 9 994 وتباسى 100 اەك كٶلەمٸندە ٶتەماقى الدى (3,7 ملرد تەڭگە), 10 222 ٶتٸنٸش بەرۋشٸگە 150 اەك-كە دەيٸن (3,7 ملرد تەڭگە) بەرٸلدٸ, سۋعا كەتكەن مال ٷشٸن 151 ملن تەڭگە دەيٸن تٶلەندٸ. بيزنەسكە كەلتٸرٸلگەن زالالدى ٶتەۋ جۇمىستارى 35%-عا ورىندالدى.
فوتو:primeminister.kz
فوتو:primeminister.kz
