سۋرەت: كيريلل كۋحمار/تاسس
قارجى نارىعىن رەتتەۋ جەنە دامىتۋ اگەنتتٸگٸ پروبلەمالىق قارىزى بار ازاماتتارعا ونلاين كرەديت الۋعا تىيىم سالۋدى جوسپارلاپ وتىر. بۇل تۋرالى اگەنتتٸك تٶراعاسى مەدينا ەبٸلقاسىموۆا مەلٸمدەدٸ, دەپ حابارلايدى Sputnik قازاقستان.
ونىڭ ايتۋىنشا, كەيبٸر قازاقستاندىقتار بانكتەگٸ كرەديتٸن جابۋ ٷشٸن باسقا قارجى ۇيىمىنان تاعى دا نەسيە الادى. سٶيتٸپ قارىزعا بەلشەسٸنەن باتادى.
"ەگەر ازاماتتىڭ پرولەمالىق كرەديتٸ بولسا, سول كەزدە جاڭا ونلاين ميكروكرەديت الۋعا تىيىم سالىنادى. بٸزدە كرەديت الۋشىلار سانى نەگە ٶسٸپ بارادى? سەبەبٸ ازاماتتار بانكتە بٸر پروبلەمالىق كرەديتٸ بولسا, سونى جابۋ ٷشٸن ميكروقارجى ۇيىمىنا بارادى دا, جاڭا كرەديت الادى. سول سەبەپتٸ پروبلەمالىق كرەديت تۋىنداسا, جاڭا كرەديت بەرۋگە تىيىم سالۋ تۋرالى وسىنداي ۇسىنىس ەنگٸزدٸك", - دەپ تٷسٸندٸردٸ ەبٸلقاسىموۆا مەجٸلٸس كۋلۋارىندا.
"بۇل تىيىم تەك ميكروقارجى ۇيىمدارىنا قاتىستى ما?" دەپ سۇرادى جۋرناليستەر.
"بٸز بارلىق كرەديت بويىنشا قاراستىرىپ جاتىرمىز", - دەپ ناقتىلادى اگەنتتٸك تٶراعاسى.
